في تصنيف مشكلتي بواسطة

زوجي جاف المشاعر

زوجي جاف معي ! زوجي عنده جفاف عاطفي شنيع !

انا متزوجة صار لي سنة عن حب ومشكلتي أن زوجي كان كويس معي أول كم شهر وهالفترة زوجي جاف المشاعر وعنده جفاف عاطفي غير طبيعي اتجاهي لدرجة ما قد قالي كلام حلو حتى كلمه أحبك ما يقولها لي بعد زواجنا بـ 8 شهور كذا و أنا صعب علي ابادر بذا الشي ولا قد أهادني شي لو ورده أنا راضيه حتى ما ينام الأ بفراش على الأرض وأنا بصراحة طفشت من حياتي ما كأني متزوجة.

إذا إستفدت من المحتوى قُم بمشاركته عن طريق مواقع التواصل فقط قم بالضغط والنشر ليستفيد غيرك

13 إجابة

0 تصويتات
بواسطة
 
أفضل إجابة
ياحبيبتي ، رجل تربى في بيئه مايعبر عن مشاعره بين الرجال وعيب يبكي ، وعيب يصرح عن حبه ، كيف تبغينه بيوم وليله يصير انسان عاطفي؟ انتي علميه ، التفتي حولك الكل كذا تربى كذا غصبن عنه صعب يغير نفسه انتي ساعديه علميه حبه حبه ، من اليوم ناديه حبيبي حياتي لبيه سم عيوني
بعدها ارسلي له لاداوم، صباح الخير الله يمتعك بالصحه والعافيه حبيبي ، بعدها بيومين استودعتك ربي .. ارسلي له ادعيه وكلمات اعجاب وفخر بس لاتكثرين وتخقنينه ( بتشوفين بعدها بكم شهر يبدا يقلدك شوي شوي ) اهم شي ماتعاتبين وتقولين ليش ماتقول لي لان بكل بساطه ماتعود عطيه وانتظري
0 تصويتات
بواسطة
طيب اغلب الحريم كذا
الحب والخرابيط ذي بالمسلسلات بس
0 تصويتات
بواسطة
انتي بادري صدقيني بيتغير حاولي معه ولا تايسي وحاولي تعرفي وش اللي مضايقه منك خليكي مهتمه جدا فيه راح يتعلق فيك ولا يخليك ابدا
0 تصويتات
بواسطة
انتي دربيه وبادري بهالموضوع يمكن يحس شوي لاتنتظرين منه المبادرة وانتي حاطة رجل على رجل
0 تصويتات
بواسطة
سوي نفسج مطنشته وكل مايدخل البيت سوي شغله يعني ملابسه رتبيهم وسوي له اكله وتابعي مسلسل سوي ماس حق وجهج اهم شيء اشغلي نفسج لاتسوين له اهتمام واحقريه ويركض وراج.
0 تصويتات
بواسطة
انتي بادري معه ممكن ينفجر مشاعر اتجاهك
0 تصويتات
بواسطة
بادري انتي ومع الوقت بيتعود وحينطلق لسانه الحين ترا انتي في بداية حياتكم والرجال على ماتعود ، ابدي انتي
0 تصويتات
بواسطة
هذا النوع من المشاكل صعب الحكم عليه لانا نعرف من طرف واحد بس وماندري ليش هو يسوي كذا
تفقدي نفسك اذا مافيك عيب يجعله يبعد عنك وجاف معك صارحيه بحاجتك له ولأهتمامه وانك ماتقدرين تستمرين ع هاالوضع وانه ضروري يعدل من تعامله وانتي بعد تقربي له بكل الطرق
0 تصويتات
بواسطة
اقول والله بمشاكلكم قرفتم المقبلين ع الزواج من رجال وبنات الله المستعان اللي تزوجت عن حب مو راضيه واللي تزوجت عن عادات مو راضيه واللي تزوجت باعجاب مو راضيه اجل مين مبسوط بحياته الله يسد نفسكم
0 تصويتات
بواسطة
واضح إنه جاهل مايفهم شئ بالحياه الزوجية أعطيه كتاب يقراء ويتثقف ويتعلم أحيانا بعض الشباب مكبوت الى أن يتخرج ويتوظف ومنها على الزواج
0 تصويتات
بواسطة
ليش صعب عليك تبادري!؟
بالعكس الزوجة أحيانا تكون هي مفتاح زوجها وهي اللي تشجعه على البوح والتعبير بالمشاعر
هذي فرصتك استمتعي بالحلال اطلقي له مشاعرك ولا تبخلي بها انتي كمان
أبدئيها برسالة واتس وبعدها استقبليه في البيت بكلمة أو كلمتين
لا تستهيني بقوتك العاطفية ترى تأثر عليه
0 تصويتات
بواسطة
وليش يختي ما تبادري تراه حلالك
والثلج يبي نار ..
والشاي يبي نار
بعدين لولا المباراه لما كان هناك معلق
وشتسوين انتي حتى يتكلم
ينام على الارض روحي نامي يمه
تلحلحي بعد انتي

بعدين توكم متزوجين صبري شوي
بعده ما تعود على حياه الزوجيه بعده بمود العزبايه
بس بادري ، تلحلحي ، تشاطري
0 تصويتات
بواسطة
قد صارحتيه طيب ؟ يمكن الولد ماله خاطر بالعرس واهله ضغطوا عليه او اي شيء .. كلميه هو حنا ماندري وش علته

استفسارات متعلقة

...