Question

اهل زوجي يبوني كل يوم عندهم

اهل زوجي يتحكمون في حياتي ! اهل زوجي يبوني 24 ساعة عندهم !

أنا متزوجة لي سنتين وساكنة في بيت اهل زوجي مشكلتي مع أهل زوجي يبوني انزل من أول ما اصحى لين انام مقابلتهم دائم وأنا عندي أطفال ومسؤوليات انزل كل يوم ماقصر ، أما زوجي مايجيني ابد كل أكله ووقته تحت اخته تقول انتي مثل الجارة انزلي واطبخي ووجبي تحت !!

Answer 1

هذا من طوام الامور نسال الله ان يهدى كل زوج لحق زوجته وابناءه فى استقلال المعيشة
تحدثى مع زوجك وافهميه مرة باللين والود ومرة بالنقاش والذكاء
البيوت العائلية امر مفاسده تخطت ايجابياته
حتى صار ب مصر وبلاد المغرب وهنا قليلا
مثلا اول شروط الزواج سكن منفصل عن اهل الزوج

Answer 2

الحموله مهمن تحسنين لهم وتقدرينهم مالك نصيب من حبهم لك فنصيحتي لك تستقلين بالجناح اللي حاطين لك أنتي وأولادك وتحطين لك مطبخ مستقل لو كونتر تمشين حالك فيه وقدر ضغط كهربائي بكذا أنتي سويتي مطبخ صغير على قدك وأستقلي بحياتك وزوجك راح يتعود على طبخك ويبطل يأكل تحت

Answer 3

شوفي بكون صريحه معك ! انا سبق وعشت مع اهل زوجي ، الحق ينقال
عييييب ووقاحه انزل اكل وارقى !
احسن شي نظام الايام! زوجك يأكل تحت معناته لازم تطبخين! بعذرهم لا شانت انفسهم!
أكيد عندهم عاملات أو احد يطبخ، حتى لو كان عندهم، لازم ع الاقل تشرفين على وجبه!
أما كذا ابد ما ينفع أو اطلعي

Answer 4

سوي اللي يرضي الله ثم ضميرك..
وأن شفتي الاساءه.. أبد ما عليك الآ من زوجك واطفالك..
وشلة حسب الله.. ترا ما ولدتيهم ونسيتهم

Comments

والله انك صادقه المشكله أحيان مايكون في شي متوفر في الطبخ واذا طبخت مايعجبهم
والله اني تعبت
اطبخ نفس االلي تعودت عليه في بيت اهلي وعند اهل زوجي مايعجبهم
الله يكون في العون

Answer 5

اول شي اخته مالها دخل تعطيك الاوامر
ثانيا من حقك تجلسين بدارك مع عيالك طلعتي عند اهله هذا شي راجع لك ومؤجورة على هالشي لكن اجبار تتطلعين كل يوم لا طبعا
انتي تزوجتي ولدهم مش عائلته كلها
اذا صدرك وسيع لهم استمري بنفس وضعك كثري حسناتك اذا شفتي بديتي تتعبين لا طبعا
راحتك اهم

Answer 6

الزوج الي ساكن مع أهله المفروض ماحد يوافق علية فكيف إذا كانوا سليطين زي هذولا الله يعينك عليهم

Answer 7

تعلمي فن التطنيش + مو كل شيء يقولونه لك سمعت وطاعة تقدرين تغيرين هذا كله

Answer 8

عيش الزوج وزجته مع أهله أن كان له فوائد فله كذلك أضرار

Answer 9

صح عليك إذا كانت غير مستقلة في دور خاص فيها لازم تشاركم في البيت أما غير كذا فليس لهم حق عليها زوجها يقعد ببيته

Answer 10

اللي تتزوج وتقبل تعيش عند اهل الزوج
شلون تحسبها

مو خدمه اهلك افضل من هيك زواجه!!!
امركن عجيب

Answer 11

طيب واللي تسكن ببيت لحالها وأهل الزوج يجون يسكنون عندها عشان البيت كبير اقول خلها في القلب والحمدلله على كل حال

Answer 12

دايم الزوج يحب اكل بيت امه وهذا شي معروف حتى لو زوجته طبخها حلو لكن تعود ع اكل اهله سنين ...والله مافيه احلى من انه الإنسان يسكن جنب اهله مع حفظ الخصوصية له ولزوجته..الله يصلح حالكم

Answer 13

مالك ألا تتصبرين وتأخذين الأمور بحب وود

Answer 14

شرعا واجبك خدمة زوجك فقط و ما زاد ف هو يدل على معدنك الأصيل و لكن لحفظ العلاقة و المودة بينكم حاولي تدريجيا تخففي نزولك و عدلي جدول أعمالك بحيث تكوني مشغوله ببيتك فالوقت الي متعودين نزلتك ولا تقطعي عنهم لان برك بأمه بينعكس على حياتك ولكن بحفظ حقوقك وادا موعاجبة الشرع يضمن لك حقوقك

Answer 15

تدريجي خففي نزلتك عندهم وحاولي تسوين أجواء عندك في غرفتك لك و لـ أطفالك ، اتوقع يشوفونك مثل بنتهم ، اهم شئ لا تحملين نفسك فوق طاقتها عشان كل ما اجتمعتي معاهم تكون نفسيتك حلوه ، بالنسبة لزوجك تكلمي معاه بهدوء واطلبي منه يخصص لك وأطفالك وقت تجلسون مع بعض

Answer 16

طنشي وخليك في بيتك دام عندك أطفال وحاولي تجذبين زوجك لبيته من كل النواحي اهتمام في البيت من بخور وعطور وانت وعيالك غيري في كل شي خليه يحس بالخصوصية في بيته عشان يروح لهم وقت محدد ويرجع عندك

Answer 17

انزلي وخلي بزارينك يحوسون بيتهم والله يتوبوا من بعدها يقولوا انزلي

Answer 18

مانتي بمجبوره دام معك بيت وعيال مالك شغل فيهم زين منك اذا نزلتي لهم مرتين بالأسبوع كفايه

Answer 19

عوديتهم والحين عوديهم هم وزوجك أن لك بيت ومطبخ وحياه خاصه

Answer 20

هم حابين انك تكوني بينهم ..
لكن اذا مشغولة ، سايريهم شوي و بيني لهم انك مشغولة ، فقط اعطيهم الأمان انك تحبيهم وأنهم اذا احتاجوك يلقونك موجودة ..
اذا بادلتيهم المشاعر وشافوك مشغولة ما بيجبرونك

Answer 21

يعععع الله يعينك وصبرك انا نفس وضعك بس ماكنت نفسك اني انزل من اقوم لين انام لا انزل ساعه ساعتين وارجع شقتي بس يحكون دايم وشتتوا ولدهم وتعبوه نفسيا ويظلموني كثثثثييييرررر وانا ووالله العظيم اني طيبه معهم وقايمه بالواجب بس مايبين بعيونهم بالاخير انفصلنا بسببهم

Answer 22

ماعليك منها.... ولاتهمك .. اقعدي في بيتك ومحلك وخلك مع عيالك ونفسك واذا نزلتي انزلي بقهوتكًولاهو بضروري تقابلينهم 24 ساعه مانتي بمكلوفه فيهم وقولي لابغيت اطبخ واوجب مهب انتي اللي تعلميني يادحجه

Answer 23

قليلهم الأن ممنوع التجمعات
وإطبخي قبلهم وحطي الأكل حيضطر يجلس ياكل معاكم
طالما في بيتك وبابك مقفول وضعك أرحم من إلي تكون عايشه معاهم في نفس الشقه
وإذا أخته اتكلمت قليلها كلمي أخوكي يطلع بيته أنا عندي مسؤليات وصعب أقسم نفسي لفوق وتحت
والأفضل أجلس بأطفالي فوق عشان لايزعجوا أحد

Answer 24

اطبخي ونادي زوجك قولي سويت الاكله اللي تحب اليوم ومره ع مره بيتعود واول مايصحى حاولي تكوني مجهزه قهوه ووجبه قولي تقهوى بعدين انزل وبيتقهوى وبعدها سوالف قولي الاكل جاهز بينتظر وبعدها بكيفه يطلع او يجلس ومره ع مره بيتعود ع طبخك و ع جو البيت ممكن انتي ماحسستيه بجو العائله بدون قصد.

Answer 25

بصراحه ماادري ايش اقولك لكن بقول انه انتي السبب من بداية حياتك عودتيهم انه تنزلين عندهم من اول ماتصحين لين وقت نومك لانه ماكان عندك مسؤليه كبيره مع انه بيتك وزوجك هو اكبر مسؤليه اكيد انتي كنتي تفرحين انه زوجك ينزل ياكل عند اهله وانتي معاه كنتي تفرحين وترتاحين من قصه الطبخ
وعلشان كنتو اثنين بس المشكله موهنا المشكله لماكبرت مسؤلياتك وجاك اطفال صرتي تحتارين كيف تخلصين مسؤلياتك او تنزلين عندهم انصحك انك تكلمين زوجك وتفهمينه ان الوضع تغير وانه مسؤلياتك زادت وانه تبغين تحسين بالاستقرار وتقنعيه انه ياكل عندك ولو مايبغى علشان عود اهله انا ياكل عندهم
عادي اطبخي في بيتك لك ولعيالك واقعدي في بيتك ومع الايام هو بيقعد ياكل معاكم يعني اتحملي لانه من البدايه هاذي غلطتك ومايمنع انه تنزلين كل اسبوع مره تنزلين تاكلين عندهم علشان مايزعلون عليك وبس

Answer 26

يا صاحبه المشكله !
تراك ما وضحتي لنا
هل انتي ساكنه معهم بجناح من غير مطبخ؟؟ او لك مطبخك؟؟؟
اذا لك مطبخك وبيت مستقل، لاازم تتكفلين بوجبه من غير ما تنزلين ما عليك من اخته!
تكفلي بغدا او عشاء يوم ورا يوم ولا ينزل زوجك الا معه زمزمياته او قولي له يحط عده بالملحق مثلا هو يسوي القهوه
اهم شي راحتك
عشان تقدرين تربين عيالك صح
وبكذا ما تكونين مقصره ابد واجبك وقايمه فيه
لا ترسلين اولادك من غيرك! ترا يزعجون وبتشين انفسهم!
نصيحه
لا تكثرين زيارات، مرتين بالاسبوع كفايه مع الالتزام بوجبات زوجك واعرضي عليهم باستمرار اذا يبون مساعده اذا عندهم ضيوف

Answer 27

اللي يعيشون وهم متزوجين مع غيرهم كيف بياخذون راحتهم جد الله يعينهم

Answer 28

وش أهل زوجي المفروض تحترمينهم ( عمتي ووو ) وثانيا خليك قوية انزلي واطبخي وسولفي وفليها شوي شوي الين تطلعين مع زوجك ببيت مستقل الله يوفقكم

Answer 29

بما إنك ساكنه مع أهل زوجك فقومي بواجبهم واقتسموا مسؤولية الغداء والعشاء بالتساوي... وكوني إنموذجاً مشرفاً لتربية أهلك... واعلمي أنك بهذا تسعدي زوجك... وإذا أسعدتيه رضي عنك وإذا رضي عنك رضي الله عنك...

Answer 30

وليش ما تحطي يدك في يدهم ؟؟ أو شكلك تنزلي وقت الغداء والعشاء وتملي بطنك وتطلعي بيتك تريحين ما تبين تسوين شيء؟؟ انتم في بيت واحد والمسؤولية على الجميع.. أو اطلب من زوجك بيت مستقل.. وادا ما رضي انتي حرة تروحي بيت اهلك أو تمشي على نظامهم.

Answer 31

وايش دخلها اخت زوجك تتآمر مالها كلمه عليك زوجك اذا طلباته كثير ومو قادرين عليه سوي له اكله وياكل وينزل وارسلي معه بعض الأوقات تقديمات القهوه اللي يحبها اما تنزلين من اول اليوم الى اخره مو مجبوره ابداً حددي لك ايّام وأوقات تنزلين فيها معهم اما الباقي لك مع اولادك ومع نفسك ولبيتك

Answer 32

ومين اخته علشان تتأمر عليك ؟ وزوجك ورا ماينثبر عندك يبلع مشكلة اخوهم اذا يبي ينزل تحت انتي مانتي مجبوره تنزلين لهم من البدايه خلي كلمتك صارمه مانزل يعني مانزل وبس

Answer 33

اتفقي انت وأخته كل واحدة يوم مش معقول تنزلين على السفرة تأكلين وتطلعين كل ماقربتي وبادرتي كبرتي بعيون زوجك وبعيونهم حتى ربك يفرجها وتطلعي في بيت لحالك

Answer 34

طيب ارفضي وسوي اللي تبين انتي واللي يريحك انتي م عليك منهم
لو مكانك انا مانزلت الا اذا انا بغيت !! م عليك منهم اقول وزوجك ضفيه عنهم معرس ويتغداء معهم ليش ؟