Question

اهل زوجي يتدخلون في حياتنا

اهل زوجي يتدخلون في حياتي ! اهل زوجي يتدخلون في بيتي !

أنا متزوجة من واحد أقدر اقول انه ضعيف شخصية ومشكلتي هيا أن أهل زوجي يتدخلون في حياتنا بزيادة و يأخذون من بيتي أغراض واذا كلمت زوجي يزعل ويقول هذول أهلي الحين الموضوع تطور وصاروا يأخذون من فلوسه.

أهله على عيني وراسي وأنا والشاهد الله ابغيه يبر فيهم بس صايرين يضغطون علينا مره.

Answer 1

الله يصلحهم ويهديهم ،
يفترض كل بيت له الاستقلالية والحرية لكي يعيش الإنسان بعيد عن تلك المنغصات والمشاكل والتدخل في أمور
لا تعنيهم هم في غنى عنها ولكن من وجهة نظري تظل شخصية الزوج لها واقع الأثر في علاقاته مع أسرته

Answer 2

يتدخلون بخصوصياتك وحياتك شيء وخط احمر يحدون أغراض امر بسيط

Answer 3

ياشيخه يصرف على أهله احسن من يجمع ويطق على راسك وحده اهم شي محد يتدخل بخصوصياتك وبيتك واذا طلبوا خلي ولدهم ينزله لهم اهم شي أن رجلك مو مقصر معك ولا بواجباته الأمر المزعج بكل موضوعك هو تدخلهم بخصوصياتكم وميانتهم الزايده

Answer 4

الله يفرج همك ..حال الدنيا
والحمدلله ماجت على شي ثاني

Answer 5

يا شيخه أهله خليهم يأخذون أهله خليه يبر فيهم وراح تشوفين كيف ربي يصلح عيالك  ويوفقهم  وحاولي تتغاضين عن أهله إذا تحبين زوجك طنشي وعيشي حياتك بدون مشاكل والله الدنيا ما تسوى حاولي تعاملين أهل زوجك بالطيب والأخلاق راح تشوفين كيف يتغيرون معك للأفضل جربي الطيب وشوفي

Answer 6

هم يتدخلوا ولا يأخذون أغراض حددي لان الأولى خط احمر بدون نقاش أما الثانية فاعتبريها صدقه

Answer 7

أول شي إذا يأخذون أغراض من بيتك ودون استئذان غلط البيت مو لهم وعيب يأخذون شي منه قلة ادب

Answer 8

إذا هو من نفسه مو مقتنع وعادي عنده صعب تقنعينه .. ف نصيحه ابتعدي عن علاقته معهم عشان ماتنرد عليك بشكل عكسي وتنفهمين غلط وتصير مشاكل

Answer 9

دامه ماهو مقصر عليك تغاضي عشان راحة بالك.

Answer 10

والله شوفي معك حق اهله وعلى عيني وراسي لكن صدق ما ألومك مرات الأهل يتامدون معليش وقتها تحسين تستغربين هالدرجة في أهل كذا .! لاكن البلا مو منهم من الرجال لصار ولد امه ولا يعرف ويثمن العائلة ويمسك ويوازن قرشه لعياله والزمن ..

Answer 11

الأزواج اللي كذا رخوم ولا يعرف يفرق بين انهم أهله وله تقديرهم ولا أن زوجته لها خصوصيتها

Answer 12

دامه راضي حريقه بس لا يقصر عليك ويدخلهم بخصوصياتك هنا كشري عن أنيابك

Answer 13

خذي الموضوع من ناحية الأيجابية كوني طيبة واطردي الشيطان من راسك هو يوسوس لك يخرب حياتك صدقيني كل ما اعطاهم كل ما ربنا رزقه اضعاف يا اختي لو مش محتاجين ما اخذوا من عند ابنهم ، أخبرك شي الدنيا دولاب بكرة يكبر ابنك وزوجته تطردك من بيته ها انتبهي اعملي لأخرتك واستغفري ربك فلوسه هي اوك

Answer 14

المرة الثالثة أتوقع راح يأخذون ملابس ويلبسونه دامهم كذا طبعهم

Answer 15

خذي حقوقك كامله منه وعساهم يأكلون عيونه اهم شي ما يكون على حسابك

Answer 16

التدخل في خصوصياتك هذا تضعين له ألف حد اما ضغطهم بالطلبات على ولدهم هذا شي راجع له إلا إذا ضيق عليك فهنا ذكريه انك ملزوم فيني،فيه اهل يحتاجون مساعدة الولد حتى لو تزوج وفيه أهل مو محتاجين بس نكادة وانتي ادرى بوضعكم

Answer 17

ماادري ايش اللي يتدخلو فيه بالضبط
لكن
لاتحطي اهله بينك وبين زوجك
لاتسوي اي خلاف مع زوجك بسبب اهله نصيحة
لاتتهاوشون بسبب اهله ايا كان السبب ؛ يبقون أهله لاتحطين نفسك ضدهم بتخسرين حبيبتي

Answer 18

خليهم يقشو أغراض المطبخ كلها أحسن لك
وريح لك لو أنا منك أكبر الوسادة ونام
ولو يبو الغساله بعد يكون احسن يريحوك بالمره
وخلي ولدهم جيعان وفوقها معفن

Answer 19

فلوسه بكيفه دام مو مقصر عليك قبل ما تكوني زوجته هم أهله وقفلي بيتك وشيلي أغراضك لان حركتهم يأخذوا أغراضك حركه وقحه

Answer 20

شوفي بيتك له خصوصيه وعيب عليهم يأخذون دون أذنك وانت إذا زوجك مكرمك ويجيب طلباتك ما عليك فيهم ولا تقولين له شي ولا تتكلمين فيهم اشتري راحه نفسك

Answer 21

هذا انتي قلتيها أهله ما يحق لج تتدخلين في حال ما قصر معاج بشي ، وانتي بالتفاهم واللين تقدرين بإذن الله تحطين حد لخصوصيتج واحترامج

Answer 22

عجيب والله ، اذا ماهو مقصر عليك مالك حق تتكلمين و لا ترعلين . فلوسه وهو حر فيها . واذا أهله محتاجين برضه نفس الكلام.

Answer 23

يتدخلون في حياتكم الشخصية ويأخذون من أغراضك الشخصية لا
أما يأخذون من حلال ابنهم وهو راض فأنت من المفروض تساعدينه على البر وترفعين كفك وتدعين الله أن يصلح لك أبناءك..
ولا تنسين (الجزاء من جنس العمل)