راقبت زوجي واكتشفت انه تزوج مسيار ! زوجي تزوج علي مسيار وحدة مطلقة ومأخذة عقله !

Question

اكتشفت ان زوجي تزوج مسيار

زوجي تزوج علي مسيار وحدة مطلقة ومأخذة عقله ! راقبت زوجي واكتشفت انه تزوج مسيار !

من أسبوع راقبت زوجي عن طريق جواله واكتشفت أنه يكلم بالساعات وشكيت أنها بنت لإن مستحيل رجال يجلس معاه ساعتين بالجوال.

المهم خليته ينام وشفت جواله اتضح انه تزوج علي مسيار وحدة مطلقة واصغر مني واحلى مني لإنها مرسلة صورتها له وانفقع قلبي منها ومنه ، ابي اتصرف زين.

Answer 1

تبين رايي
لا توجعين راسك ع الفاضي!
بتصعديين وبالنهايه انتي الخسرانه!
الا اذا بايعتها بتروحين وتخلينه نهائي!
لكن تأكدي
الرجل مثل الطفل
اذا منع عنه الشيء يتعلق ويرجع يسويه!
خليها تجي من نفسه ويطيح الي براسه (مسيار) يعني مؤقت، ويثبت لك لحالك
الاكشن مو من صالحك ابد

Answer 2

انا اشوف دام مسيار هدفه واضح
الكره بملعبك لاتخلي يعرف انك عرفتي نصيحه مني
وحاولي تكسبي ترى زواج المسيار مايدوم نصيحه مني لاتخربي بيتك بيدك
لأنو انتي الأساس والكل بالكل

Answer 3

لا يكون يدري إنك عرفتي ، إن درى صار الأمر عادي ويمكن يعلن الزواج أمام الملأ وما يكون مسيار ، الان هي مسكينة مضحية بحقوقها علشان زواج المسيار وما تزوجت زوجك إلا أنها فعلاً محتاجة ذا الزواج ، وزوجك ما خلاه مسيار إلا أنه ما يبغى ذا الزواج يؤثر عليك وعلى أولاده فاحمدي ربك ولا تتكلمين.

Answer 4

بطبيعته لا تكفيه زوجه واحده خله يضبط أموره مع وحده ثم يفكر بغيرها

Answer 5

نصيحه مني اهتمي فيه ولا توضحين انك عرفتي إذا عرف انك عرفتي أولا بتكثر المشاكل وبيزيد العناد خلي الوضع طبيعي وزيدي في اهتمامك فيه حتى لو كانت اصغر منك واحلى منك مصيرها بيطلقها دام مأخذها مسيار.

Answer 6

خلي نفسك ذكية وأسكتي عشان لا يعلن الزواج . وينكسر عنه حاجز الرعب  خليه مرعوب  . اذا علميه يمكن يطلقها ويمكن بطلقك أنتي وإذا فيه عيال المشكلة أكبر إذا طلقها نزل عليك حقوق عياله حرمتيهم من أبوهم  لا تدققي وخليها على الله وأنسي السالفة يكون أفضل

Answer 7

يا ريت ما عرفتي
هذي الأمور خاصة
لما تعرفها الزوجة
أن تكلمت يا ويلها وان سكتت يا ويلها
بين فترة الشك إلى التأكد
وقت هدرتيه من صحتك وتربيتك لأطفالك ومسؤولياتك
يمكن عرفتي متزوج أفضل من اكتشفتي انه زاني وله علاقات
يمكن الموضوع أسهل
راعي صحتك بس بالنهاية ما خسرانة الا أنتي

Answer 8

لا تواجهين. اتركيه بحاله لان بكل بساطة بيحطك قدام الأمر الواقع وقتها انتي قدامك حالة من اثنين يا تخسري بيتك او تجلسي وتخسر ي كرامتك أفضل لك عيشي دور إلي ما تعرف

Answer 9

مانصحك تعلمينه احتمال كبير يصير لها ليله وتاخذه زيك .. سوي نفسك غبيه الغباء احياناً يهليك تعيشين ملكة

Answer 10

الزواج حق من حقوقه .
لا ينفجر راسك من التفكير وهو ما درى عنك

Answer 11

اقول سوي نفسك ماتعرفين عشان مايخليه زواج رسمي ويصير لها ليله ولك ليله ولا تخسرين بيتك بالمرره

Comments

بالعكس فكه خليها تقوله انها عرفت ويصير لهذي ليله ولذيك ليله اريح وربي وخلي الثاني اللي متزوجها بالسر تكرف وتتعب مثلي مو الطبخ والكرف والتعب لي وهي يجيها بس للونسه

Answer 12

ارهقيه بالرغبه في ممارسه الحب والعلاقه الحميميه اهلكيه خليه يكره يروح عندها علشان مايتفشل ترا هو مسوي نفسه فحل عندها بحكم انهالسه جديده وله رغبه فيها .
وخليك دايم حوله ماتفارقيه .
وقعدي سينمي ع شكله وملامحه وهو يبي يفتك منك علشان يروح لها

Answer 13

نصيحتي لك هوا سواها و خلاص خليكي كويسة معاه و اطلبي الي تبيه حيجييك منه خلييه يحس بالذنب في كل الحالات انتي كسبانة لك الكفة احسن انك تقلبيها مشاكل

Answer 14

لا تشغلي بالك وتمرضي نفسك طالما هو مكمل بيته.. ولا تبيني له انك عرفتي ابد وعيشي حياتك.. تفكيرك وقلقك وتعبك لا يفيد وراح يعقد أمورك اكثر واكثر

Answer 15

سوي تفسك ما تدرين ابداً وسوي غبيه واستأنسي وعيشي حياتك مين بقره رضت على نفسها مسيار انتي الاساس به عيشي حياتك وكوني معه طبيعه

Answer 16

خليك ع عماك لانك م حتستفيدي شيء لو اثبتي له انك عارفه انو متزوج مسيلر عليك بكذا م حيخاف منك وراح يقضي وقته عندها وراح تصير اشياء انتي ب غنى عنها لانو لو مو خايف منك ومو حاسب لك حساب م خبى عليك زواجه ف الافضل تكسبينه وتلعبينها ف صالحك زين

Answer 17

ريحي راسك ولا تعلمينه انك عارفه
مادام كل الأيام عندك ويداريك ويلبي طلباتك وش لك بالغثى لأن إذا عرف أنك عارفه فبيكون لها ليله ولك ليله
فخليها على عماها دام كل الليالي عندك

Answer 18

لا تفكرين كثير زوجك لم يخطئ وصدقيني ما تزوج مسيار إلا لأنه يحترمك ويخاف على مشاعرك لا تصادمينه وتكون لك ضره أمام الملأ وراح تخسرين أكثر

Answer 19

ابليس يلعب عليك احمدي ربك ماراح بالحرام.. اذا حسيتي انك تعبتي صارحيه  وخلاص يوم عندك ويوم عندها ولا انتي اول وحده زوجها يتزوج عليها ومو معناته انك منتي شي عنده انتهيتي خلاص مثل تفكير اغلب الحريم لا بالعكس تكبرين بعينه وبشوف فيك مميزات غير عن 2 لاترهقين حالك ودعي ربك

Answer 20

إذا عرف انك دارية بيصير الوضع عادي ويصير لها ليلة
طوري من نفسك
اهتمي بزوجك
اشبعي رغبته فيك
زواج المسيار غير دايم يعني في أي لحظة بيرجع لك فكوني مستعدة
لكن إذا اهملتيه بيستمر يبحث عن المسيار
وركزي ع كيف تكسبه
وهو يحبك ويحترم لذلك اخفى عنك الموضوع
والا لكان حطك أمام الأمر الواقع

Comments

ياااه هالكلام المستهلك انا اتكلم عن تجربة .. كل شي سويناه ولاعنده اي احتياج وبكلامه ،، ومع كذا يروح لهالوصخات ،،، واللي يقول زين بالحلال مو بالحرام اقول ترا هالعلاقة مافيها فحص ولا توثيق والوحدة تتزوج كثير وتتطلق ولامن شاف ولا من درى يعني امراااض ،،

Answer 21

قولي صديقتي افلانه ماتعرفها قالت لي ان صديقتها مدري من تقصد المهم ان زوجها كان متزوج مسيار ومرض مرض خبيث واكتشف انه جاله مرض من زوجته المسيار مرض معدي بسبب ان المراة  كانت تطلق وتزوج وتطلق وتزوج

Answer 22

شوفي هو يقهر انك عارفه وساكته بس اسكتي احسن لك وانتبهي انتبهي ينقص من حقوقك شي هنا عاد لا تسكتين له

Comments

الا نقص من حقوقنا وساحب علي وعلى عياله ولا كأنه موجود والعلاقة صارت رسمية معهم ،، وطبيعي اصلا اذا كانت له علاقة مع وحدة بيتغير وبينشغل معها وكل الحقوق مقصر فيها مادري على وشو السكوت ؟ اسكتي واسكتي

Answer 23

ريحي راسك عشان ماينفجر... وتراه ماسوا غير الحلال... حاولي ماتساعدين الشيطان في هدم بيتك

Answer 24

أعرف زوجة شكت في زواجه مسيار ثم ثبت لها ذلك ، وتظاهرت أنها لا تعلم حفاظا على الود والبيت والهدوء واستمرار
هذي عاقلة هل تقتدين بها وتحافظين على كيانك وبيتك ؟

Comments

ياعالم انتم ماتدرون عن الشعور تحسبون الموضوع سهل ان وحدة تشوف زوجها مع وحدة ثانية ويراسلها ويتغزل فيها ويتنظف ويكشخ ويروح لها بالساعات ومعروف وش يسوون يعني علاقة كاااملة ويجي مهدود حيله وماله خلق الضعيفة اللي بالبيت وتبونها تسكت لا وتدلعه بعد؟؟؟ !! اللي ايده بالنار….. هذا فوق طاقة التحمل حدث العاقل بما يعقل

---

وش صار عليك بعد سنتين؟ تركها؟ زانت اموركم؟ انا الان بنفس مشكلتك

---

وش صار عليكم انا امر بنفس مشكلتكم

Answer 25

يابنت الحلال طز خليه يعرس وش انتي بتفقدين يعني ...ولاتعلمينه انك تعرفين يالخبلة خخخخخ

Comments

طيب المشكله لاجاء هو بيصارحك انه يبي يتزوج مسيار بالحاله وش تقولين له

Answer 26

تبغي تواجهي
تخيلي ان قال خلاص دام عرفتك
ليش مسيار
وتزوجة زواج كامل معلن
اش شعورك
اقول خلي يتزوج مسيار
بسلامتة
انتي عليكي دينك وبيتك و نفسك

Answer 27

بلا طريقه وبلا لف ودوران لا تتبعين نفس اسلوبه خليك صريحه الصدق منجاه صارحيه وكان الله غفور رحيم استغرب من بعض الحريم اللي تدور مكيده أو طرق حتى تسوي فيها محقق كونان الصراحة مافي احلى منها حتى لو خسرتي حياتك المهم افضل من اللف ودوان والكذب أو غيرها

Answer 28

أولاً :
ماتزوج اللى يبحث عن النقص اللى عندك
ثانياً :
هو مسكين ليه يتزوج مسيار ما عنده الشخصية تزوج علني مسكين

Answer 29

مو مجبره انك تتحملين هالشعور وتمرضين نفسك( لايكلف الله نفسا إلا وسعها ) اشتري راحتك بالقرار اللي تشوفين يريحك