Question

زوجي يراسل بنات سناب

زوجي يكلم بنات سناب ! زوجي والسناب !

السلام عليكم ورحمة الله وبركاته
أنا متزوجة من سنتين و بصراحة اكتب لكم وعقلي مشوش لإن توني من ساعة شايفة في سناب زوجي محادثات حق بنات ويسوي معهم سهرات ، المهم واجهته و تهاوشنا وحوسة.
طبعاً هذي المرة الرابعة أحس ماعاد معي فرص له ، المهم حطيت في بالي خيارين يا انه ننفصل يا انه يطلع قرض كبير وآخذه طبعاً قد قلتله أنه هالمرة مالي جلسة الإ بهالقرض ووافق ومتأكدة بيسحبه لي لكن في داخلي ودي أروح من عنده تعبت منه وكرهته.
هل تتوقعون لو أخذ لي قرض الفلوس بتأدبه ؟ و إذا تأدب بيطيب قلبي أحس ماراح يطيب قلبي.

Answer 1

بعض الزوجات
يستخدم طريقه حمقاء
ومنهكه لزوج
وهي استنزافه ماديا
لكي لا يتزوج بأخرى ويتركها
وهذا غلط
انتي توكلي على الله وادي اللي بينك وبين ربك وقومي بواجبات زوجك واطلب حقوقك
أن قام بها زين
أو سجلي موقف وليكن موقف قوي
كلمت انه يسهر مع بنات فهذا زنا وهو محصن
وعقوبته كبيره

Answer 2

لا أدري كيف تطيش المبادىء مقابل الماديات!!
أذكر أن أحدهم ابتزته طليقته بورقة تجارية "400" ألف ريال ، مقابل أن يسكت عن مطالبته برؤية "مجرد رؤية" أطفاله
لا حضانتهم
تقول : إما أن تسكت أو أن أرفع عليك دعوى تدفع ال 400 أو تُسجن
إن كان يعاقر الخنا ؛ فنصيحتي :
إما أن يتوب أو فراق بينكما

Answer 3

ان غابت المبادئ والقيم فنعوذ بالله ان تكون حياة الاسرة مهددة ثم يكون حلها بامر المال
اجلسى معه وناقشيه ثم يتدخل اهل الاصلاح او عودي لأسرتك فليوقفوه عند حده
ولا ننصح ابدا بالانفصال وغيره الا بعد انفاذ كل طرق الإصلاح
ونوصيكى بالدعاء بصلاح حالكم والاستغفار والصدقة

Answer 4

ودنا بمد يد العون لك ولكن أنتي أبخص هل سوف تتقبلينه أم لا ؟
عندي لك رأي عجزتي من كل الحلول معه لعل وعسى إنه يتغير وفي نفس الوقت ما ودك بخراب بيتك.
استشعري ما أقوله لك سلمي أمورك كلها وأولها زوجك ومشاكلة لله سبحانه  والتزمي ب حسبي الله ونعم الوكيل
والله إن تجدين ما يسرك

Answer 5

الفلوس ماراح تأدبه وانتي قدمتي حل له من ذهب عشان تسكتين عنه بيعميك بالفلوس وهو ياخذ راحته وإذا صدتيه بيقولك خلاص فلوس واعطيتك شتبين مو حل القرض حاولي معه يترك هالعلاقات هدديه تدخلي احد من أهله شوفي وش نقطه ضعفه والعبي عليها او تصرفي بتصرفات تشككه فيكي خليه ينشغل فيك

Answer 6

خذي القرض وتطلقي لأن الفلوس مش كل حاقه

Answer 7

القرض مو حل عشان تبرد حرتك
افضل حل ادعي ربك في اخر اليل وخليك ملتزمه بسورة البقرة يوميا وشوفي كيف رح يتغير زوجك

Comments

أي والله ما يريح قلبي إذا حسّيت بشي إلا حسبي الله ونعم الوكيل أكررها بكثره وارتاح

Answer 8

بيع  الكرامة والمباديء لو فعليتها سيحضرهم لبيتك وانت من يستقبلهم فلقد بعتي وهو اشترى

Answer 9

خيانة مدفوعه الثمن !!!

Answer 10

وش علاقة القرض بكرامتك وأنه يخونك؟ يعني شايفه هذا حل لعقابه ولا مقابل سكوتك عليه ما أدري وش الرابط بينهم ؟

Answer 11

خلاص طاب خاطرك منه لا فلوس و لا غيرها بتنسيك

Answer 12

كويس
اللي يغلط يدفع للثاني فلوس وش هالكلام

Answer 13

إذا ترخصي عمرك بالمال صدقيني راح تشوفي ماشفت عمرك اتفاهمي معاه واحتويه وشوفي وش ناقصه دامك زوجته
املي عينه حتى لو في شي ماانتي قادره
واطلبي ربك أن يهديه

Answer 14

خذيه من واحتفظي فيه كاش وروحي بعدها بيت اهلك واطلبي الطلاق

Answer 15

يعني انتي راضيه تعيشي معا إنسان خاين بمقابل مادي ومتوقعه انه راح يتوب !!

Answer 16

خذي الفلوس وانبسطي فيها وهو كذا ولا كذا ما راح يتغير ، استفيدي واطلعي بشي منه

Answer 17

اذا لسى تبغيه خذي القرض وتغافلي عنو لا تتبعيه خليه يسوي اللي يبغاه اذا فيه خوف من ربه بيبطل واذا لا ربنا موجود وبيلقى جزاه والقرض ذا رضاوتك

Answer 18

الله يجير قلبك ما فيه أوجع من الخيانة لكن أنا أقولك لا تستشيرين احد انتي اللي عشتي التجربة شوفي نفسك اقعدي مع نفسك وشوفي مزايا زوجك وعيوبه الناس ما عاشوا اللي عشتيه أقولك وأنا مريت نفس اللي مريتي فيه
الله يجبرنا ويعوضنا

Answer 19

قلتيها مارح يطيب قلبك ليه التفكير المادي اللي ماله معنى !! ليه يكسر قلبك وتعوضين الجرح بشغله لا تودي ولا تجيب اذا هو يدوّر غيرك؟ يا تلاقين حل للمشكله يا انه انفصال ليه كل شي فلوس !!

Answer 20

الفلوس ما كانت ولا صارت علاج لأي مشكلة
يا أنتِ يا الجوال بيده دام ذي سوالفه
وحلي المشكلة من جذورها

Answer 21

مافيه اخص من زوجك إلا انتي رضيتي بخيانته مقابل المال نسال الله السلامة

Answer 22

خلي الطلاق اخر حل .. استنفذي الحلول قبلها

Answer 23

اخذي الفلوس منه انتي أولى من غيرك الله يعينك عليه يارب

Answer 24

القرض ماهوحل هل كرامتك قيمتها قرض ؟ عمر المادة ما جبرت جرح الخيانة ما راح يتعدل إلي ادمن بنات بتقفطينه مره وثنتين وثلاث أما بالنسبة القرار راجع لك أنا شخصيا لو مكانك بعد كل المحاولات هذي انه يتعدل امسك السجادة وادعي عليه أن الله يضرب قلبه بقلب إلي معه
لان مو من العدالة انك تكونين الطرف المخلص والطرف المحب والمعطي وكأنك بس أنسانه للحاجه والي يعيش معها اللحظات الجميلة تلقينها مع عشره مثله فا الي زي كذا جعله تنصك بوجه مع كل مكان ممكن أتقبل أي شي إلا أني اشوف مخلص ينخان شي جدا يوجع

Answer 25

ليتك طلبتي يلتزم معك بالآتي عشان ما يكون وقت عنده
١_ توقيت للنت ويشمل كل البيت وانتي برضو
٢_ الصلوات ما يتركها
٣_ يكون موجود في وجبات رئيسيه.الأوقات الثانية حركي مخك فيها
٤_ يكون بالبيت ع الساعة ١٠
٥_انتي عرفتي زمام الأمر سوي له سهره عندك من النوع الهاي هاي والدلع والضحك والهبل.

Comments

لو هي كلمت شباب ماسووا كذا

---

صح كلامك بس هي لها اخلاصهاا وخوفها من ربهاا ربي بيجازيهاا... لاتلوث نفسهاا عشان واحد ماعترف بقدر نفسه واحترمهاا لذاته قبل غيره.. اللي بتسويه مو لأجله لأجل عيالهاا وعشان هي تكسبه في صفهااا... ما أبرر لها فعلته لأنها تبحث عن حل

Answer 26

ما دامك ماديه وترضيك الفلوس اتفلئي يا حبيبتشي

Answer 27

لا تدني ها لميثاق الغليظ بينكم لمستوى الماديات والمساومات
الصبر والسعي للحل لابد منه.
فكري بحل المشكلة غيري من اللي بقلبك بكلمة طيبة بابتسامة وبمظهر جذاب له

Answer 28

اعطيه فرصه وتعهد
وحذريه انك ما راح تجلسي معاه إذا كرر خيانته
اجلسي في بيت اهلك فتره لعله يتوب ويرجع
وعليك بالدعاء

Answer 29

الله يهديه
من دق باب الناس دقوا له بابه
وكما تدين تدان
ذكريه بشيء ذَا
القرض مو حل بنظري ونادر شخص يعطي زوجته قرض !

Answer 30

استخيري الله في أمرك ولا تستعجلي و تندمي

Answer 31

لهالدرجه رخصتي بنفسك ؟ تشترين خيانته مقابل فلوس؟ شهالتفكير الغريب! عمر الفلوس ما جابت السعاده ازعلي عليه و اتركيه فتره لا تكلميه و ادعي الله يحنن قلبه و شوفي شبيسوي اذا تاب سامحيه

Answer 32

الله يعينك اكيد انك سبب في انه يراسل بنات اكيد انك ماتسولفين معه ولا تتدلعين عليه ولا تبرزين انوثتك عليه أو انك ماهمك الا صاحباتك وخواتك 

Answer 33

نصيحه لو كان مره كويس معاك تجاهلي هالشي ممكن اللي بينهم مجرد تسليه شغله ثانيه لوكان مره تمام معاك فلاتنبشين لاتنبشين لاتنبشين الا لو كان نيتك طلاق

Answer 34

سااااعدوني انا متزوجه من اربع سنوات و زوجي من عاشر يوم مد ايده عليه عشان كشفته يكلم وحده و حذفتها بعدها اعتذر و كسر جواله و سامحته و مشي الحال بس كل فتره صرت اكشفه طبعا اشترى جوال جديد وصار يضيف بنات و دايم اكشفه و مايحترمني و يهينني و يضربني و بخيل و دايما يسمعني كلام يجرح وقبل يومين كشفته يكلم بنات ينزلون اشياء فاضحه ولا هو راضي يوديني عند اهلي مره كرهته اش اسوي و حارمني كل شي صديقات و اهل و خرجات

Answer 35

لازم تتركيه لان هذا المره الرابعة ولم يتب،

وموفقتة على اعطائك قرض هو إرضاء اهلك واهله فقط، 

،،،،،،،،،

Answer 36

عذرا على التشبيه ولكن ( ذيل الكلب طول عمره عوي) ....

إمساك بمعروف أو تسريح بإحسان يا أختي وربي يعوضك

صلي استخارة

Answer 37

كلنا نعاني من نفس المشكلة البنات استخفو ودشرو بسبب وسائل التواصل والرجال عينه زايغه