انا زعلانه عند اهلي وزوجي مطنشني ! زعلانه عند اهلي وزوجي ماسأل عني !
صار نقاش و جدال مع زوجي هو غلطان علي و هددني بالضرب و رفع جزمة في وجهي ، المهم انه نزلني عند أهلي راح سافر ثم ما سأل عني ولا اتصال بس رجع يناقش في الواتس اب الحين أنا زعلانه عليه عند اهلي ولا اعتذر بعد ، أنا اختي مريضة راح أرافق معها في المستشفى وش رأيك أقول له والأ اسحب عليه زي ما سوا فيني وكيف اتعامل مع تطنيشه لي !
ما في علاقة كاملة كل بيت يمر بمشاكل تأكدي التواضع ما يزيد صاحبه إلا رفعه وهذا زوجك وشريكك اصلحي ما بينكم ولا تعطين مجال للشيطان يدخل بينكم ولا تعطين المخببات فرصة يفرقون بينك وبين زوجك انتي أدرى بمصلحتك والله يألف بين قلوبكم ويسعدكم
كرري الحوووووقلة ( لاحول ولا قوة إلا بالله ) تحل كل مشاكلك بإذن الله ، عن تجربة حلت لي مشاكل كثير ، نصيحتي لك كرريها ولا تملين منها.
أنصحك بتكرار آية ( وَلَا تَخَافِي وَلَا تَحْزَنِي ۖ إِنَّا رَادُّوهُ إِلَيْكِ ) وراح تبشريني بالصلح
قاعدة : ( لا تعصي الله لأجل مخلوق ) أفعلي ما أوجبه الله عليكِ من جميل وكريم الأخلاق فحق الزوج كبير ، وإن كان أخطأ عليك فأسأل الله أن يصلح قلبه وأن يرُدّه إليك رداً جميلا ، جمع الله بينكما على خير وفي خير.
والله نصيحة لا تعتذرين منه ولا شي الغلطان يتحمل غلطه بعيدا عن المثالية الزايدة معليش محد يرضى بالإهانة و اختك واجب عليك تقومين فيها و مارحتي لمكان غلط ونصيحة لا تكونين ضعيفه وترضين بسرعة قسم بالله لو كل وحده وقفت زوجها عند حده من أول إهانة ما تكررت منه
في مثل يقول ابنك على ماتربيه و زوج على ماتعوديه انتبهي تعوديه على الغلط اليوم رفع عليك جزمته وانتي بكرامة بكرة راح يرميها عليك اذا شافك لا اتخذتي موقف ولا حتى عاتبتيه ع الحركة ذي عاتبيه ع التصرفات الغير مقبولة عشان هو بعد يتجرأ يوضح الأمور اللي ما تعجبه فيك وقت الزعل وبكذا راح تنحل
سحبي عليه لما تخلصي أمورك مع أختك وبعدين شوفي اللي يناسبك وافتحي نقاش وخليك قويه وهادئه لان رفعت الجزمة بتتكرر إذا ما عرف غلطة
من الناحية القانونية : علميه بخروجك ومرافقتك أختك ، لانه الخروج بدون علمه و اذنه بتحسب ضدك إذا حصل خلاف أمام القضاء إذا قدر الله ، ومن ناحية المودة والرحمة ولم الشمل و الحفاظ على الحياة الأسرية
قولي له اعتذر واثقلي شوي وبعدين كل بيت فيه مشاكل بس الحكمه ف حلها هو المطلوب واتعجب من جد من الازواج اللي يضربون زوجاتهم ويهينوهم هذا الشي حرام هذي زوجتك تبي الحب والاهتمام والمشاعر الجميله والصدق والثقه بنهايه هي انسانه مثلك ماترضى بالذل والاهانه اللي ماترضاه لك لاترضاها لها