Question

خطيبي يبيني اطلع معه

خطيبي يبي يقابلني ! خطيبي يبيني اطلع معاه وش اسوي ؟ اطلع مع خطيبي ؟

مساء الخير على الجميع

أنا مخطوبة من شهر ونصف و خطيبي يبيني اطلع معه يقول يبينا نشتري أثاث لشقتنا ونتعشى بعدين يرجعني لأهلي وللعلم أحنا مملكين على بعض بعقد نكاح.

خطيبي يبي يقابلني بعد مااطلع مع صاحباتي العصر يقابلني هو في سوبر ماركت بنده وش اسوي ؟ للعلم خطيبي يقولي لاتعلمي اهلك خليها بيننا ولا احد يدري.

Answer 1

لا موعادي مو انتم متملكين ومافي شي تخافين منه اجل ليه بتطلعين من ورى اهلك ؟؟ كم وحده جت هنا تنوح لعب فيها وهم متملكين وطلقها وش بتحصلين وقتها غير الاحتقار من اهلك ومجتمعك ومنه هو ولو انه رجال ماكان طلب منك هالشي وهو عارف انه عرفا عندكم مرفوض معناتها بيمسكها عليك ويعايرك

Answer 2

لا مو عادي اولاً اهلك مادرو لازم يدرون واذا عرف هو انهم مادرو بتتغير نظرته تجاهك هذا اولاً، ثانيا اذا اهلك مثلاً مايتقبلون هالشي بلاش هالحركه لانهم اذا درو يمكن يزعلون ويتضايقون من حركتك ، خلك ثقيله واذا اهلك موافقين وهو موافق هِنا أنا معك، الله يوفقك

Answer 3

علمي اهلك ..مو جريمة هي تعرفين تفكير الشباب اذا طلعتي بدون علم اهلك يقول هذي متعودة

Answer 4

لا غلطانه لازم أهلك يعرفون ويعرفون وين بتروحون بالضبط وحتى لو يروح اخوك وياك

Answer 5

اثقلي وش ذا الخفة والغباء ع بالك بينبسط منك الا بتطيحين من عينه اصحي ياماما !

Answer 6

اشوف غلط تطلعين معاهم قوليلهم او ع الاقل قولي لاختج ولا قولي له اهلي مايرضون وخليه يجي ف البيت

Answer 7

لا طبعا من غير علم اهلك لا قولي اهلي لازم يدرون وهلي اهلك في قائمه الاولويات يمكن يختبرك يشوف تطلعين بدون اهلك او لا

Answer 8

فيه واحد ملك وطلع معها وصار بينهم شيء بالحلال وتوفى بحادث بعد اسبوع وتوفى وطلعت حامل وتوهقت واهل الولد ماعترفوا  بالحمل وصارت مشاكل ، فالافضل اصبري

Answer 9

لاتصيرين خفيفة بتطيحين من عينه ويكرهك وش اللي بدون علم اهلك

Answer 10

لا مو عادي انتِ ماتضمنين اش يصير .
ولاتجيبين مصيبة لنفسك يمكن يوديك فندق ولا استراحة ويخلص منك ويسحب عليك .. كذا حالة سمعت عنها صار لها كذا ولا اهلها يدرون ولا علمتهم وتفاجوا بورقة طلاقها .

Answer 11

اذا ضاعت اعلومك تضيعين ويتركك ويتزوج غيرك ولاتروحين غصب عنك وعن اهلك بيته بدون زفه واعلان زواج
كثير بنات ضاع مستقبلهن وادخلي الحساب واقرى شكوى بعض البنات الله يكون بعونهم.
لو يعطيكي كنز لايغريكي انتبهي حطى عقلك براسك
بيقول الى طلعت معى بدون علم اهلها بكره تطلع بدون علمي انتبهي

Answer 12

لا غلط واكبر غلط
وهو اول واحد بيستحقرك وانتي زوجته
لاتدخلين الماء براسه انك سهله وتسوين أشياء من ورى اهلك
والخوف حتى يعاشرك وهو حلال همن يعافك ويطلقك وينكر
سووها كثير

Answer 13

قبل فترة احدى الاخوات نفس سؤالك
بس المصيبة وقع المحضور و لم يكمل الزواج و يتوقعون أنها بكر !!

Answer 14

الثقل نعمة..والرجل يحب الثقيلة .
عندما تخرجين بعلم اهلك تكسبين احترام نفسك واهلك وزوجك.
واما بدون علمهم فقد تخسرين ثقة او احترام.

Answer 15

وليش تحبون تسون الاشياء من تحت لتحت !!!! اهلك م يدرون ليش تطلعين معه ؟

Answer 16

اثقلي وهالحركات مالها داعي على ايش مستعجله ؟ واي شي تسوينه من ورا اهلك حتى لو شي تافه م يصلح

Answer 17

اسالي اهللك اذا عادي وشهو تعبين روحك تسألي انا بالنسبة لي موافقة

Answer 18

لا انتبهي لاتطلعين معه الا وعندهم علم ومستاذنه منهم وهو لازم يعرف ان عند اهلك علم انك بتطلعين معه

Answer 19

لاااا. انتبهي . بعد الزواج ماراح يثق فيك لانك خرجتي معه من غير علم اهلك. الله العالم يمكن بيقول بتخرجي من البيت من غير علمي انتبهي ديري بالك ع نفسك البنت سمعه وانتي اللي بتنضري اكثر  منه هو رجال شايل عيبه طبعا بعرف الناس هذا . لكن كلنا سواسيه عند ربي الحمدلله .

Answer 20

لا مو عادي / الأفضل بعد ما يكون الدخول معلن في وحدة قبل كم يوم كتبت هنا في الحساب أنها خرجت مع خطيبها المملك عليها ودخل عليها ثم قبل الزواج طلقها وأهلها يحسبونها لسى بكر والسبب هفوة خروج قبل الزواج وبعض الرجال يشك في زوجته وجرأتها ويظن انها متعودة تخرج من غير أهلها فاقفلي الباب.

Answer 21

لا مو عادي وانتي ف مرحلة اختبار الآن يشوف انتي ثقه أو مخفه

Answer 22

لاتطلعين ثم. تتعدون حدودكم بينكم وتجين سوا ماسو احفظي نفسك لاحقين بعدين يجي بيتكم احسن

Answer 23

حتى وإن كنتم مملكين انتبهي تسوي شيء بدون علم أهلك

Answer 24

لاقدر الله وصار لكم شي وش ينفعك وقتها عادي اطلعي وانبسطي بس عطي اهلك خبر

Answer 25

لاااااااا اثقلي يابنت شوي لاحقه عليه بعد الزواج وترا اللحين بيحسسك انه بيموت عليك عشان تقابلينه بعد الزواج بيتغير تفكيره وبتشوفين

Answer 26

لا ،،،، قولي ماأقدر .. استحي ... أخاف ،،، من هالخرابيط وأهلي مايوافقون ،،، تكبرين في عينه لو طلعتي معه قال مو مصدقة ويمكن يسوي معاك شي وانت ماتضمنين الزواج يتم أو لا

Answer 27

من غير علم أهلك ،؟؟؟
بيسوّي سواته ويفتحك ويخليك ، استوعبي بلا غباء

Answer 28

لا طبعآ!
اذ طلعتي معاه بدون علمهم راح تصغري بعينه وراح يقول متعوده ذي وكيف تجرئت! حتى لو متملكين راح يفكر كذا والرجال الاغلبيه ذي حركاتهم ومالهم امان !
وبكرا بيشك فيك وحياتك معه بتصير شك وهم وانتي الي راح تتعبي
نصيحه ارفضي الطلعه ممدي عليك بعد الزواج،

Answer 29

لا لا لا خليك ثقيله والله تكبرين بعينه ومايشوفك مخفه حلات الشيء يترجاك وثاني شيء اهلك لازم يدرون مع انه اقولك لاتطلعين ابدد نصيحه وحتى لاتصورين نفسك له وخففي مكالمات عشان يحس انك حيويه بعدين لاتقولين له اهلي يرفضون قولي انا اصلاً مستحيه مقدر اطلع معك

Answer 30

لا اهلك يدرون وتبين تطلعين ويييين !!! واذا صار لك شي اقعدي عاد اقنعي الناس اللي حولك واولهم اهلك انك متملكه هذا اذا امداك تقنعيهم

Answer 31

انتبهي غلط كبير جدا .. لأن أول من يقلب وينقد عليك اذا سويتي هالتصرف هو زوجك اللي طالع معك الحين
ووقتها اول من يندم بعدين انتي فخلك تحت شور اهلك وفي بيتهم واصبري
كلها كم اسبوع او كم يوم وتطلعون وتستانسون باذن الله

Answer 32

كيف متملكين بالسر والله خطيبك لو نيته سليمه ماسواها بالسر ويبي تطلع معه الا بس يبي يتسلى بك ويفسخ خطوبتك منه عاد تعالي تصيحي انك حامل

Answer 33

على فكره .. بيقول بنفسه ( اللي ما احترمت اهلها ، ماراح تحترم زوجها ) وطلاق مبكر لا سويتي اللي براسك ترى