Question

زوجي يبي احمل وانا ماابي

زوجي يبيني احمل بولد وانا رافضة ! زوجي مايبي تنظيم الحمل ! زوجي والحمل !

أنا متزوجة من 3 سنوات وعندي بنتين والحمدلله وزوج يحب بناته كثير كثير بس مشكلته أنو يبيني احمل وأنا رافضة وهو رافض فكرة تنظيم الحمل تماماً إلين أجيب ولد لدرجة خلاني احمل على طول وبنتي عمرها شهرين والحين الثانية عمرها 4 شهور ويبي احمل علشان الولد.
حاولت وبكيت وترجيت بس مره مصمم يقول جيبي الولد بعدها أفكر !
كيف أقنعه إني ماابي احمل هالفترة ابي حل ؟

Answer 1

حاولي معه بالنصح واللين وان الرزق بالذكر بيد الله ولا باس أن خفتي على نفسك من التعب وهذه نصيحتي لك دخول أطراف لمحاولة اقناعه من اجل أن تتفرغي لتربيتهم فضلا عن صحتك ونفسيتك وهذا من الشرع ..ثم بعدها هناك طرق لانجاب ذكر مباحة وكلها أخذ بالأسباب ،، نسال الله له الهداية

Answer 2

قافة المجتمع تفضل ان اول المواليد يكون ذكر واذا ما حصل تستمر المحاولات حتى يشرف الله يحرسه وهنا يهدأ بال الزوج ويطمئن ( فكره وثقافة غريبة ) الله يعينك على هذه الثقافة ( للعلم مستحيل اقناع الزوج باي شي اخر بقولك خواني كلهم عندهم اولا وانا ليه ماعندي يعني لاتدخلين في معركة خسرانه )

Answer 3

احملي الله وهبك نعمة الحمل والولادة بسلامة فكري بهبة الله لك وكرمك واحضري عاملة تساعدك وافرحي بهذه المنة.واللطف والعطاء الله يرزقنا ويرزقك بما نتمنى ونرجو .

Answer 4

هذا تعب عليك وإرهاق لك حتى الحمل الثاني المفروض صبرتي لما تكبر بنتك وتعتمد على نفسها ولاتعجلتي اقل شي يصير عمرها 5 سنوات أو تدخل المدرسة هو متبطح الأخ ولاهو حاس بتعب ولا خياطة ولا طلق ولا تربية أن لنفسك عليك حق ماهو لازم تشاورينه خذي مانع وهو مايدري

Answer 5

ياليت يحمل بدالها عشان يعرف أن الله حق

Answer 6

أساسا 2 في 3 سنوات كثير ما يمدي كل طفل ياخذ فرصة من اهتمام و رعاية كافيه الخلف وراء بعض متعب والأطفال يضيعون في الطوشة

Answer 7

المشكلة بعض العقول الجاهلة مالها حل ربي يكتب الخير لابن ادم و هالبنات خير ممكن الولد لوجا مو خير له  ادعي أن ربي يصرف عنه طلبوا لك

Answer 8

سيم سيم أنا يبغى بنت عكسك أنا والله لي ثلاث سنوات ودخلت الرابعة عاد وبستقبل مولووودي الثالث الجديد عاد مدري بنت وألا ولدد بس يارب بنت العيال صعبيييييين جدا خلاص تعبت

Answer 9

فية طرق للإنجاب بولد بس جربي دكتورة ممتازة وراح تعطيك الطريقة انا جربتها وكثير من صديقاتي الطب تطور الحمد لله وكل الاطفال خير وبركة الله يرزقك الولد الصالح

Answer 10

ما عليك منه اهم شي صحتك يختي الأفضل تاخذين حبوب منع حمل لحد ماتكبر الصغيرة على الأقل تكمل سنه ونص

Answer 11

لازم توصلين لحل علميه انك بشر وتعبين من التربية والأولاد وشغل البيت وان الحمل هد حيلك اقنعيه وقولي له الذكر زي الأنثى يمكن الله ماكتب لكم أولاد اصلاً

Answer 12

الحمد لله على نعمة الكثيرة
واحمدوا الله أن ربي رزقكم الذرية
في غيركم يتمنى طفل أو طفلة وتكفيه العمر كلة

Answer 13

إذا الله كاتب انه يجيه ولد راح يرزقه ربي ، وحده اعرفها كذا كان زوجها يشد عليها وكل سنه تحمل وللحين عندها 9 بنات رزق وعطى من الله ( ويرزق من يشاء إناثا ويرزق من يشاء الذكور )

Answer 14

قولي له ترا كروموسومات الرجل هي اللي تحدد جنس المولود .. وممكن تحملين بالثالثة بنت
اهتمي باللي عندك الين ع الأقل الصغيرة تكمل سنه بعدها يصير خير .. وادعي ربي يكتب لك اللي فيه الخير .

Answer 15

طيب وإذا حملتي وجبتي البنت الثالثة بيقول احملي وهكذا

Answer 16

الله يخليهم لك ويكون بعونك ويسخره لك ذا الخبل .. ما أدري من قايل للرجال إن الحمل والولادة تمشة ولا رحلة ولا مسيار
تعب ياخذ من روح الزوجة وعمرها أعوذ بالله شوية رحمة
الله يرزقك بر بناتك ونفعهم وصلاحهم يا كريم

Answer 17

ادعي أن يحننن قلبه وادا مره اطلبي يجيب عامله تعب عليك

Answer 18

على نياتكم ترزقون و صحيح العلم عند الله لكن صدقيني دايم اللي كذا ويزعج زوجته جيبي ولد ما يجيه ألا بنات

Answer 19

من يقنع هذه العقليات أن الرزق من الله وان هذا الأمر ليس خياراً للبشر بل هو قسمة من رب العالمين
"لِّلَّهِ مُلْكُ السَّمَاواتِ وَالْأَرضِ يَخْلُقُ مَا يَشَاءُ  يَهَبُ لِمَن يَشَاءُ إِنَاثًا وَيَهَبُ لِمن يَشاءُ الذُّكُورَ "
خليه يقرأ أحاديث فضل تربية البنات وأنهن ستر له من النار

Answer 20

اقنعيه انك ترتاحين وبعدين تابعي مع دكتورة نساء طريقه الحمل بولد شفت بالانستقرام يسوون حميه اكل وغسول وطريقه لهم في الأيام وكيذا يارب يقتنع

Answer 21

كيف كذا كلهم كبر بعض و ما بينهم إلا شهرين ؟ يوم جابت الثانية الأولى ماكبرت الا شهرين ؟

Answer 22

الأغلب اللي يحمل وراء بعض يجيب نفس الجنس مع انه مافيه إثبات طبي بس اغلب اللي يحملون وراء بعض كذا

Answer 23

يا خي بعض الرجال يحسب انو الزوجة بيدها تجيب ولد ولا بنت وهي تختار.؟ معقوله الجهل ذا .!! ما يدري انو هي أزراق مقسمه .؟؟ لو الح في الدعاء الى الله افضل بكثير من انو يهلك المسكينة كل سنه حامل

Answer 24

التعب والسهر والتربية عليك وهو وش عليه يبوسهم ويمشي وانتي اجلسي حوسي في الاطفال نظمي حملك الين توصل ثلاث سنوات وتعتمد على نفسها بعدين فكري في الحمل اللزم ماعليك صحتك والله

Answer 25

بصراحه راح تتعبين كذا.  طيب تخيلي تجيبين بنت راح تحملين مره ثانيه. وثالث ورابعه وخامسه ماراح يرحمك والله  انتي اذا شفتيه مصر على الولد. روحي للمستشفي خاص يسوى لك تلقيح بولد لان الطب تطور  ولا تحججي باي شيء دوره مو منظمه لخبطه هرمونات اي شيء كذا ماتحسرين زوجك ولا تتعبين نفسج.

Answer 26

وانتِ ليش تترجينه اللي بيحمل انتِ ولاهو اللي بيتألم انتِ ولا هو ، اللي بيربي انتِ ولا هو

Answer 27

طيب احملي وش وراك واحمدي الله ان الحمل ع كيفك غيرك يروح يتعالج ..
وقبل ماتحميل وتقررين لازم تزورين طبيبة نساء عشان تعلمك طرق الحمل بولد بأذن الله عشان ماتتوهقين وتستمر معاناتك
زيارة طبيب بتحل امورك

Comments

حلوه احملي وش وراك اهخ قهرني ردك

Answer 28

والله اذا مستعد يصرف عليهم و يعيشهم عيشه ممتازه
ليش لا جيبي له بدال الواحد .. اثنين ، أما مسأله جيبي وجيبي ويبيك تصيرين فقاسه وهو يالله يحدر الفلس من جيبه .. لا تجيبين و تحملين و تتغربلين ما أنتي ناقصه ، والولد مصيره يجي اللحين والا بعدين

Answer 29

الله لا يوفق الرجال اللي زي كذا متخلفين ما انقرضتم حسبي الله عليكم البيبي يتغذا من امه ياخذ من حواسها و من الكاليسوم و من فيتاميناتها بعدها روح قول ابا اتزوج مريضه امرضتها يالمتخلف عساك تحمل عنها و تحس

Answer 30

حاولي تقنعينه قولي انا بشر ولا اقول لك خلي البنات يبكون ٢٤ساعه ويجننونه عشان يحس بمعاناتك  ويقول ننتظر يكبرون البنات ترى انا جبت عيالي وراء بعض بس جننوه هذا يبكي وانا جالسه يعنني مالحق علبهم وعلى البيت بعدها حس وقال خلاص لحد مايكبر الولد ويدخل الروضه خليه يحسه بمعاناتك بالبيت