Question

زوجي ينام في المجلس

زوجي يحب ينام بالمجلس ؟ زوجي ينام لحاله بالمجلس ؟ زوجي ينام بالمجلس ؟ زوجي ينام بالمجلس اذا زعل ؟

السلام عليكم
أنا عندي مشكلة مع زوجي انه دايم ينام في المجلس ويتركني انام في غرفة النوم لوحدي وكل مرة يجيب عذر علشان ماينام بنفس الغرفة اللي انام فيها مع اننا الحمدلله في كل شيء كويسين وهو رجل طيب وحنون وسوى اشياء كثيرة لي ومو مقصر معاي في أي شي لا بفلوس ولا عاطفيا لكن يعيبه هذا الشيء دائما يروح ينام لوحده ويقفل الباب بالمفتاح.
كلمته كذا مرة وبكذا اسلوب ويجي ينام معي اسبوع ويرجع بعدين ينام لوحدة وانا تعبت من هذا الشيء ابي احس اني متزوجة !!

Answer 1

روحي نامي معاه في المجلس وقولي له وحشتني و تدلعي عليه وتبكيكي حسب اللي يمشي معاه ، وقبلها لازم تعرفي ليش راح ينام هناك ، هل عنده شي وإلا متضايق من شي في الغرفة مثل وجود طفل أو متضايق منك انتي ..... الخ

Answer 2

هذي مو مشكلتك بلحالك هذي ظاهرة ويبي لها علاج و مو شي جديد ناس اعرفهم من ثلاثين سنه وهم ينامون بالملحق وكذا واحد كل واحد وله اسبابه واحد مدخن بشراهة وزوجته تتضايق وكم واحد عنده عجز ( ج ن س ي ) ويتهرب وكذا واحد خيانه بالجوال والنت بلحاله مأخذ راحته شوفي مستشاره وابحثي معها مشكلتك

Answer 3

صاحبي نفس المشكلة يقول نومي خفيف جدا أي صوت اصحي كحه تصحيه يمكن نفس الشعور و تعود ينام لحاله علشان يقوم لدوامه وهو شبعان نوم.

Answer 4

سهله اقعدي كم يوم ماتجيبين له طاري نومته لحاله وبيني له انك ماخذه راحتك وفي ليلة مافيهاش ضوء قمر روحي له ركضه خايفه خايفه وسوي له اكشن حلم وجنون دموع وصيحه حسسيه انه الملاذ الآمن لو انه ماعنده ماعند جدتي بعدها وين ماراح خوذي مخدتك ولحقيه ماني متونسه خليه يتعود على النومه معك

Answer 5

انه ينام بالمجلس ممكن تكون عاده فقط ومع الوقت يتعود بس انه يقفل الباب هنا المشكلة !! ليش يقفل الباب ؟! الحل حطي لك فراش بالمجلس جنبه وكلما راح المجلس روحي وراه ومع الوقت بيغير هالعادة

Answer 6

يمكن هو من الناس اللي ما بتعرف تنام جنب احد تكلمي معاه وافهمي منه ليه بيعمل كدا وحاولي توصلي معه لحل ممكن تضعي له فراش لحاله فى غرفتك

Answer 7

هذا نفس وضعي لا تزوجت هناك مشاكل نفسيه تعرض لها الانسان بحياته واعتاد عليها ومن ابرزها العزوبية اللي ذابحته الوحدة سنين طويله واحيان ارهاق نفسي وبدني يرجع الزوج للبيت ومايبي احد جنبه نهائي إلا بعد ما يتعود على جو بيته الزوجي بمرور 5 سنوات كحد اقصى الشي الثالث والاخير وبصراحه استحي

Answer 8

الرجال و كويس معاك وشوله تتلزقين فيه يزعجك بشخاره ، جوه كذا طول النهار تمقلي في خشته وعند النوم كلن ينام براحته

Answer 9

اياً كان الحل لازم يكون جاي ينام جنبك من طيب خاطر، لأن لو كان السبب في نومه لوحده هو إنه ما يرتاح بالنوم إلا كذا وجبتيه بغير رغبته الكاملة بالنهاية ما راح ينام زين و بيعصب بسرعة وطيبته بتختفي وما راح يلوم غيرك!

Answer 10

سمعي باختصار دام الرجال مو مقصر معك عاطفيا ولا هو مقصر معك بمصروف وبالطلعات وقلبه طيب ومتدين ويحترمك ك زوجه له خلاص انسي وتغافلي ولا تدققي على الاشياء التافهه خليه ياخذ راحته

Answer 11

هجران المضجع من كثر ما هو شيء قاسي ربي خلاه الدرجة الثانية من درجات عقاب الزوجة في حال نشوزها ، شيء صعب إن الوحده تكون متزوجة وزوجها ما ينام معاها بنفس المكان ، وتعتبر مشكلة كبيرة ما نقدر نستسخفها بهالشكل.

لأنه شيء صعب وقاسي جدًا ومؤلم وله معاني كثيرة مبطّنة ، ومشكلة حقيقية تواجهها معظم الزوجات ، عشان جي المفروض نقول لها انها فعلا لازم تحاول بكل الطرق تحل مشكلتها وما تتركه لأنه لو تعود ينام بعيد عنها بيكون هذا أول سبب لبرود المشاعر والمشاكل الزوجية .

Answer 12

احمدي ربك واشكريه غيرك يدورها مالقاها ، وشتبين بالنشبة انتي بتنامين يعني ببتقلبين وتأخذين راحتك بفراشك ونظافتك و شتبين به كله ريحه تتن وبلاوي ويشاخر وايدينه تدخل باذنك ولا يخرمش وجهك ولا رجلينه تقل محراث يحككن بالمفرش وانواع القذارة زومبي رجل صلي سجود شكر و لاعاد تقولين لاينظلونك ع الخير

Answer 13

نصيحه مني كـ أخت روحي نامي معاه بالجلس خليه يجي يلقاك مجهزهه المجلس و معطر و مزين أن قال غريبه قولي اشتقت انام ع الارض و تغزلي فيه غير كذا الشك لا يدخل قلبك و لا تفتشين وراه ابداً بس الزمي الحوقله بنية يرده الله لك رداً جميلاً و اقرئي سورة البقرة يومياً

Answer 14

دام الرجٌال مو مقصر ليش زعلانة المفروض تمبسطين أنك في غرفتك الوحدك ماحد يضايقك تقرأين تشغلين النور تطفينه بكيفك مستقلة مو ترا واجب المتزوجين ينامون في غرفة وحدةولاشرط زواج بالعكس أنت كذا حره استمتعي بالوضع وإذا شافك مبسوطة بالوضع وتقفلين باب الغرفة إذا نمتي نشب لك وتذكري كلامي

Answer 15

انا زوجي كان كذا  صرت انا من نتعشى افرش له بالمجلس واخذ جوالي واقفل على عمري بالغرفه الحين ابيه ينام لحاله مايرضى باختصار اسحبي عليه وخلي انك انتي اللي ماتبين منامه

Answer 16

استحي اقولك قدام الملأ لانه غرض خصوصي يوم يقفل على نفسه الباب بهالطريقه صعب الافصاح عنه وهذي مارح يبطلها لو حاولتي معه راح يعند اكثر ويمكن يبدأ يسحب عليكي ويروح للاستراحات مع الشباب وكذا انتي الخسرانه بدل ماكان يجلس في عقر دارك صار يتهرب منك لانه حس بضعف قدامك ومن بعدها راح تبدأ