Question

اهمال زوجتي لي

زوجتي مقصرة في حقوقي ! زوجتي لا تهتم بمشاعري !

أنا متزوج من 3 سنوات وزوجتي مهملتني بشكل غير طبيعي بالرغم ماني مقصر عليها بشيء ويشهد علي ربي وتعبت من تصرفاتها ، مقصرة في حقوقي الزوجية و لاتهتم بمشاعري على الإطلاق.
أنا رجل ولله الحمد مُقتدر وموظف وأبي اتزوج وحدة ثانية تقدر الحياة الزوجية هل أتزوج أو لا أبي مشورتكم

Answer 1

الله يرحم الحال
احد زوج منكد على زوجته ولايهتم فيها ولا يعطيها حقها صايره مثل الشغله اقل شيء الشغاله تاخذ راتب ومرتاحه لكن الزوجه المكسوره دمعتها ماتفارك محياها على طول وهي زوجه مثاليه تطبخ وتنظف وتهتم بالبيت وبعيالها مو مقصره لكن الزوج لايراها الا شغاله يسفل فيها ودوم منفس

Answer 2

الشرع حلل له يتزوج اربع ياخذ الثانيه وان كنت زي الاولى ياخذ الى بعدها

Answer 3

اذا مقتدر وتعدل بين البيتين وتساوي بينهن تزوج اما تفضل وحده ع الثانيه لا طبعاً اقعد ع قردك لا يجيك اللي اقرد منه

Answer 4

مدام مانجح بالاولى ايش الي يضمنك ينجح في الثانية مفروض بدل ماتسأل الناس تروح عند زوجتك وتكلمها لحالها وتشوف الموضوع يمكن مضايقها شيء يمكن فيها شيء روح شوفيها يمكن يكون الحل بسيط لازم تراعي شوي الزواج مو لعبة لازم تضحية من الطرفين خصوصا اذا في اطفال ...

Answer 5

الزواج من أخرى ما شرع الا ليكون حل لبعض المشاكل لكن ع الرجل العاقل ان يحاول ع حل مشاكله وإصلاح زوجته لانه لا يضمن صلاح الثانية قد تكون اشد نكدًا وإهمالا من الاولى

Answer 6

كلمها وتفاهم معاها وحاول توصل لحل اما تزوج عليها بدون ماتوضح لها الاسباب مانصحك يمكن تغير وتصير احسن من قبل يمكن اهملتك عندها اسباب حاول تفهمها وذا قالت كذا ولا مابيك تزوج الله يوفقك

Answer 7

الزواج بالثانية هل هو لمعاقبة الزوجة الأولى أو الانتقام منها .. أقترح عليك دراسة الموضوع بشكل متأني وليس ردة فعل .. وفكر في المستقبل وأولادك .. إن كان هناك مشكلة لدى زوجتك فاعمل على معالجته وستستطيع بإذن الله .. بالتوفيق .

Answer 8

هذا النوع من الرجال اللي يبحث عن اي عذر عشان يعدد
اول واسرع الحلول عندهم الزوجة الثانيه
مهما تفانت الاولى سيستمر يبحث عن جوانب التقصير ليبرر لنفسه الزواج
مافي زوجة تهمل زوجها الا اذا كان مهملها وطالما معششه فكرة التعدد في مخه معناته فعلا هو من بدا الاهمال

Answer 9

زوج وتوكل على الله بعض الحريم ما يصحصحون الا بعد مايفوت الفوت الحياة مره تزوج مادامك مقتدر وبلغها قبل اذا ماراح تتعدل يعوضك الله بغيرها ولكن خلك قوي بتمر عليك شوي مصاعب في البداية لكن ارمها ورى ظهرك حتى تستقر الامور بالتوفيق

Answer 10

تزوج الثانية بس مش لأن زوجتك الاولة مهملة
لانها اذا اهتمت بك هتحس ان الثانية ماعاد لها لزوم لان مشكلتك( الاهمال) اتحلت وهذا ظلم للثانية
وايضا لازم تكون صريح مع نفسك وواثق وراجل
لذلك
تزوج لانك تشتهي زوجة ثانية وتقدر تفتح بيتين وقادر عليهن نفقة وعشرة وعدل

Answer 11

طيب نبهها وقولها اهتمامك قل فيني احتاجك أكثر بدون ماتفتح معها سيرة الزواج ويمكن تتغير
قلب أحمر
إذا تحبها ادعي إنه ربي يغيرها للأفضل وتصيرون سعيدين

Answer 12

راجع متى الإهمال ،
مايجي الإهمال إلى بعد الإهمال من طرفك

Answer 13

هذا حال الكثير هذه الأيام
جلست في مجلس وكنا عشره رجال الكل يشكو من الإهمال والتقصير... الكل يشكو من الجوالات اشغلت الحريم...
وبنظري الأولاد لهم دور في اشغال الزوجه عن الزوج فقدرها لذلك
إذا عندك القدره على العدل فأستعن بالله ولاتخاف وأقدم ع الزواج بأخرى فهي حياه واحده لن تتكرر

Answer 14

خذ الثانيه ولا تشاور مايعدّل المره الا مره ثانيه
المره العوجا اذا ماصار لها منافس مستحيل تتعدل
صكها بثانيه وراح تدعيلي بعدها ان شاءالله

Answer 15

نصيحتي لك يأستاذ
1/ اجلس مع نفسك وراجع تصرفاتك وتعاملك معاها وكيف كانت هي قبل التغير معاك.
2/ ابدأ بالتغير من نفسك دللها قدم لها الورد.
3/ اجلس معاها وصارحها ناقش حياتكم مع بعض ولاكن بدون ان تجرح مشاعرها كما تعلم المرأة كتلة مشاعر تحاكيها الكلمات.
والله يصلح مابينكم.

Comments

لا والله كتلة بعر مصروف يجيها سواً اكل او مال وحقها بالليل ماقصر به وشتبي بعد هاذي معوّبه لكن نصيحتي للرجال اقولّه سايسها مسايسه وكلن على طريقته وكل زوجه زوجها يبخصها.

Answer 16

هذا مايبي حل يبغى يعلن  لنفسه لزواج كاتب
تحت عادي طلعي يوزري تذكرت المثل اللي يقول
إياك أعني وأسمعي ياجاره
بعدين معروف الرجال مايدورون  إهتمام زوجاتهم
يدور التقدير أكثر شي والإهتمام بالأولاد والبيت
ونظافته وترتيباته

Answer 17

يعني تبي تقنعنا انك حاولت بكل طرق وهذا حلك الوحيد انك تكسر قلبها وتحط عليها وحده تحسب ثانيه بتجيك تهتم وام عيالك الأولى بعتها عشان اهتمام أكيد كانت وراك ورى رضاك لين ملت فكر ف عيالك وزوجتك وأرضها وأرض الله وراح يرضيك لا تهدم بيتك عشان هالسبب الحل بأيدك أنت مو بيد احد ثاني

Answer 18

فاتحها في الموضوع مره واثنين وثلاثه ممكن انت تكون بتعمل شيء مابتحبه وإذا ماعليك شيء فاتح والدتها

Answer 19

حلها اجلس مع نفسك وفكر يمكن السبب منك اسألها الأشياء اللي ماتحبها واللي تكرهها يمكن تشوف شي من الجواب ماكان فبالك وتغيره وتضبط اموكم انا اعرف واحد تزوج وحده ثانيه وتوهق قال انا حياتي زينه واموري ماشيه وتشلفت المسكين ماعرف انه على خطا وجلس مع نفسه الا لمى تزوج فحاسب نفسك قبل

Answer 20

تقدر تجلس معاها جلسة حوار ( مصارحة )
و قول الي ف خاطرك و تقول الي ف خاطرها و توصلو لطريق الصحيح خلي الزوارج اخر الحلول

Answer 21

الزوجة الثانية مو حل والحل هوا انك تعيش حياتك مع اهلك وأصحابك وتعطيه زوجتك صفر ع الشمال لغاية ما تحس انها ولا شيء وعايش من غيرها وممكن العلاج هذا يطول بس راح يجيب نتيجة ان شاء الله  وأي شيء في الدنيا لازم مانعطيه اكبر من حجمة

Answer 22

ياكثر الرجال إللي مهملين زوجاتهم ومع ذلك صابرات ومتحملات الغثى لا والجميع ينصحها بالصبر والزوج عند أدنى تقصير من الزوجة على طول فكر يتزوج عليها والنصيحة دايماً وش مصبرك عليها تزوج وحده ثانيه

Answer 23

من يوم يتزوج يشغل زوجته يبي عيال بسرعة..واذا انشغلت مع العيال قال اهملتني وابتزوج
 بدون ما يشاركها  تربيتهم وكأنهم عيالها لحالها
ولو تزوج بيمنع الثانية من الحمل على الاقل الى أن يشوف وضعه مع البيتين ومدى تقبل الاولى للثانية والثانية غالبا مصيرها للطلاق..عاون زوجتك وانتهينا

Answer 24

تزوج والله ان تهتم فيك الاولى اهتمام ماتحلم فيه لكن اهم شي ماديتك تكون تمام وتكون وسيع صدر وتفرقهن كل وحده بسكن خاص

Answer 25

المؤكد ان المرأة السعودية؛ لا تحسن الاهتمام بالزوج، وهو ما يجعل البعض يتزوج من اجنبية. لكن بالمقابل الرجل السعودي يحمل من العيوب ما يجعله غير زوج مثالياً.
التفاهم والصراحة بين الزوجين، كفيلة بحل جميع المشاكل. ما لم يكن احدهما قد أُجبر على الزوج، حتى مع ذلك استقامة الحياة ممكن.

Answer 26

اتوقع الأخ طايح لها تهديد بالزواج..عشان كذا خلته والجدار واحد
ماتهمل الزوجة الامن إهمال وقله أدب زوجها..اسقي حنان يطلع حنان...اسقي كره يطلع كره..والله لا يسعدك بصراحه انأني بحت عني بتتعدل بعد زواجك الثاني..بتطلب الطلاق..اوبتقوم عليك قيامه ماراح تتهنى انت

Answer 27

ياخي عندك حل صارح زوجك الى متى والناس تشتكي للناس صارح اسمع وتكلم وحاول هي زوجتك اجلس معها شف وش على خاطرها حول مره مرتين تصارحوا فيما بينكم اذا كنت طيب معها غير أسلوبك شوي يمكن تعتدل إذا كنت عصبي معها غير أسلوبك عش حياتك انت و لا تستشير احد عش حياتك حر طليق

Answer 28

شوف ظروفها ؟ شوف نفسك يمكن انك وسخ م تهتم لنظافتك لجسدك وفمك ؟ يمكن انك غثيث م تنطاق ترا الاسباب كثيره واجها واعرف المشكله تفيه ع اشكال اشباه الرجال اللي مثلك ع طول يفكر بالثانيه بدون لايسالها ليش مقصره ...الخ  اف عصبت وتنرفزت ترا الادميه يمكن تمر بفتره صعبه ؟ ليش م عندكم احساس !

Answer 29

الحين سمعناك ونتي تشكي نبي نسمع زوجتك وش بتقول عنك عشان نحكم تتزوج عليها او ياحسره مسكينه عندها بزران وعمل البيت كلها فوق راسها وتبيها بعد تهتم فيك بشكل حااااد احيان الواحد يشوف فلم تركي ويبيها تهتم فيه نفس الي بالأفلام وهو عنده درزن بزران واشغال ليوم الأشغال وكلها علئ المسكينه