Question

شخص يهددني بصور

كيف اتخلص من شخص يهددني ! كيف ابلغ عن شخص يبتزني ! يهددني بنشر صوري !

أنا بنت غير متزوجة عمري 22 سنة والشيطان لعب علي وتعرفت على ولد اكبر مني بسنتين وعلاقتنا استمرت سنة تقريبا وتبادلنا الصور بالسناب شات ، المهم أنا الحين مخطوبة و هذا الولد جالس يهددني بصور يقول لو ماعطيتني الشيء الي ابغاه راح انشر صورك !

انا فهمته انه انتهت علاقتي معاه لإني مخطوبة وقالي بكيفك صورك راح تحصلينها في تويتر والسناب شات منشورة ! كيف اتخلص من شخص يهدنني ويبتزني !

Answer 1

بلغي هيئة الأمر بالمعروف والنهي عن المنكر وهم راح يتصرفون معاه على هالرقم ( 1909 )

Comments

انا من مغرب. هو من مصر يهددني ماذا افعل

Answer 2

بلكيه وحظريه ، مصدقه أنه بينشر صورك
ي حبيبتي هذي فيها سجن وغرامه ، لا وصلت لفوق ، وإذا وصلت لأهلك بتطير الأرقاب وبيوصل الدم للركب ، مصدقته هذا مصيده لك يهددك بالصور علشان يكسر شرفك وتطلعين معاه غيري رقمك وكل شي يوصلك عن طريقه وأنسي الموضوع

Comments

طيب واذا هي غلطانه ورسلت صورها برضاها بيحاسبونها الهيئه ؟

Answer 3

سوي له بلوك . وعيشي حياتك
الموضوع مايستاهل اكثر من كذا
ومره ثانيه تنتبهين على نفسك مو كل
من جدع لك هديه قلتي هذا فارس احلامي ونفلتي صورك له

Answer 4

بلغى كلنا أمن عن طريق التطبيق أو الاتصال بيجيبوه فى سرية تامة وادعى كتير واستغفرى

Answer 5

اجعليه درس العمر في الحياة لا تتساهلي بإرسال صورك وكل من قال لك أحبك صدقيته الغالب منهم يريدون العبث والتسلية
إذا ضغط عليك بالصور بلغي عليه

Comments

كيف ابلغ عنه

---

بس هو يبغا فلوس ومعرفه ابدن هو بوت يرسلني عن طريق التلاقجرم وهددني بي القتل

Answer 6

كلنا امن يجيبونه مع سموعه

Answer 7

اولاً توبي إلى الله واصدقي في التوبة وادعي ربي بها الدعاء اللهم اكفنيه بما شئت وكثري من حسبنا الله ونعم الوكيل كما ذكر الله في سورة آل عمران ((الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل))

Answer 8

عليكم السلام ورحمة الله وبركاته أبشري بالفرج والعون من الله  إبحثي عن رقم هيئة الإبتزاز وبلغيهم وعطيهم المعلومات وهم يتولون أمره ولا تخآفي ولاكن قبل كل هذا أعلني التوبه لله وبإذن الله تبدل السيئات حسنات أسأل الله أن يشرح صدرك وينور دربك ويسترك بستره الذي لا ينكشف

Answer 9

قولي اللي تبي تسويه سوه تكلمت مع اهلي وعلمتهم بالغلط اللي صار . أي شخص يستمد قوته ع ضعفك ويهددك اقلبي عليه وتخلي عن خوفك عادي البنات كثييرالحين منتشره صورهم ويتشابهون ع أساس كلنا بنقول لا هذي فلانه الشبه40 واحظريه من كل جهه. بس المهم توبي وابعدي عن الحرام هذي نهايته وخذيتي درسك .

Answer 10

هذولي اجبن الناس
بلوك واسحبي عليه
انتبهي تخضعي له عشان صور
تنتشر  واغلب البنات اليوم
صورهم بكل مكان احسن من تخضعي له
وتخسري نفسك .. ما بعد خسارة النفس حياة

Comments

طيب انا في بنت بتزتني بصور حميمية لالي و قالتلي اذا ما سويتي الي ابي راح. انشر صورك شو ساوي انا بجد مرعوبة انصحوني

Answer 11

يمكن التبليغ عن جرائم الابتزاز، وانتهاك الأعراض بالتصوير، أو النشر أو التهديد بالنشر، عبر تطبيق كلنا أمن من خلال اختيار "الدوريات"

Comments

الحين لو دخلت لتطبق واخترت الدوريات وعلمتهم يجون للبيت ؟

Answer 12

تتلاعبوا بالشباب وترسلون لهم أغراءات وبعدين تشوفون ضحية ثانية وتقولون يهددني !! روحي اشتكي في كلنا امن .. الله يعين الأمن عليكم وعلى هبلكم

Comments

حسبي الله ونعم الوكيل فيك

فعلاً اللي يشكي للناس مابيلقى غير الملامه ، مافيه اي سبب يبرر جريمة الابتزاز مهما اغرته اثنينهم نفس الغلط مايحق للطرف الثاني يستخدم غلطها كرت اخضر لاضطهادها نفسيًا واجبارها على شيء! ترضاها او ترضينها لوحده من بناتك؟ كلنا بشر ونغلط لكن مايحق لاحد بهذي الدنيا يسلب منا أمرً ما بالضغط والتهديد !

Answer 13

بلغي ولا حطي له بلوك ما عندهم سالفة تراهم مو قدها العيال ماغير يطقطقون وانتي بعد خليك ذكيه حتى لو ارسلتي صورتك لا تعطينه معلومات ثانيه لو بينشرها ينشرها ناس اغراب محد حولك

Answer 14

أنتي إذا سكتي عن اللي يبتزك بصورك
ولا علمتي أهلك أو الشرطة فهذا هو
اللي يبيه المبتز لا تقولين إني خايفة
من أهلي(هولاء أهلك ما راح يسوون
فيك شيء)
.
وخلي هذا درس لك طول العمر ما هو
بكل واحد تسلمينه قلبك وتعطينه صورك

Answer 15

خليه يهدد  اذا فيه خيرر خلي ينشرها   قولي له انا بمكالمه مني تشيلك تشيل اهلك  الله يخلي الشرطه ترا موجوده  والموضوع لو وصل لشرطه اصلا حابه اطمنك يكون بكل سريه  يعني حتى اهلك ما يعرفو  وهو ينفضح بس ما يقولو مين البنت

Comments

ممكن اتواصل معك؟

---

ابي اتواصل معك تكفين

---

حتئ انا مرت علي المشكله ابي حل المشكله الشخص مجهول