Question

اغار من ام زوجي

اغار من ام زوجي لما اشوفها مع زوجي ! انا اغار من والدة زوجي !

أنا متزوجة حديثاً عمري 23 سنة وزوجي 27 سنة وعايشين كلنا في بيت اهل زوجي الي هو بيت امه وامه تتحكم في زوجي والمكان الي تبيه يطلعها غصبا عنه مع العلم أنها عندها عيال غيره.

اغار من ام زوجي لمن اشوفها تطلع معاه وهو زي التيس معاها كل ماقالت سو كذا يسوي.

Answer 1

كل شيء زاد عن حده انقلب ضده فكوني على حذر !

Comments

لازم تبعدي عن هذا الشئ اذهبي لعلاج نفسي مافيه شئ سوف يساعدك على تخطي ذلك لكن احذري ان يعلم زوجك ورددى قوله تعالى ( ربنا لاتجعل في قلوبنا غلا للذين امنو) وبما انك عرفتي دائك سيسهل علاجك

---

الآية بدون ربنا .. (لا تجعل في قلوبنا غلا للذين امنوا)

Answer 2

خطأ  كبير من شدة غيرتك عليه ستفقديه بالكامل
وهذه  معلومة او نتيجة حتمية  وليست رأي
الحل  تحبيها طالما تحبي زوجك اطلعي معها وتقهوي معها صادقيها بتختفي منك هالغيرة
مبدأ أنا أحب من يحبه حبيبي

Answer 3

لازم تستوعبي انك قاعدة تخططي لمشكلة كبيرة تنتظركم في المستقبل، ممكن يعديها لك مرة ومرتين وثلاث ولكن شوي شوي تخليه مايحبك وتثقلي قلبه عليك
افهمي ان شعوره تجاهك مختلف تماماً عن حبه الى امه وعلاقته فيك شي مايقدر يكونه مع اهله
معادلة ثابتة ( كل ماحبيتي اهله كبرتي بعيونه ) فمابالك أمه

Answer 4

الكل يطقطق عليك لكن فعلا انا مثلك
 احب وحدة والله اغار عليها من ابوها وامها واخوانها وصديقاتها.
واكره لم ترسل لي صور لهم  وهي تتقهوى معهم ولا تتغدى معهم
واحس انها تفضلهم علي

Answer 5

ياعيني انتي لازم تحطين في بالك ان هذي أمه قبل تكونين انتي زوجته فكري فيها وتعمّي في معنى انها (امه) اللي عطته حياتها كلها وتعبت عليه كل هالسنين .. ومهما قدّم لها ما يوفيها جزاها ، فما بالك في غيرتك في الوضع هذا؟ غلط مرره تحتاجين دااايم تجلسين مع نفسك وتفكرين بتأمل عميق قبل تزعلين

Answer 6

اعترافك بالخطأ دليل وعيك وطيبة قلبك وانك قريبة من الخيرلكن تحتاجين خطوة من العزيمة والايمان بالله واستشعار فضل الله ثم فضل ام زوجك عليه وانها سبب وجوده لك في هذي الحياة وان كل خلق طيب تجدينه فيه هي سببه
وثقي تماما ان كثير من المتهجمات عليك هم اسوأ منك في علاقتهم مع امهات ازواجهم

Answer 7

هذا دليل حبك وهيامك وعشقك لزوجك .

ادام الله محبتكم ، الغيره أمر طبيعي لاتقلقي

Answer 8

الحل : اجلسي مع نفسك وتخيلي مواقف الغيرة هذه وتخيلي مواقف أكثر وخلي قلبك يحترق وابكي ، اعمليها لمدة أسبوع او الين ماتحسين ان قلبك تحمّل هذه المشاعر واقتنع وبعدها يبرد قلبك وينتهي شعور الغيرة

Answer 9

عالجي نفسك مشاعرك هذي غير طبيعية والله يعين زوجك على ما ابتلاه  والله يشفيك او يبدله خيرا منك

Answer 10

هذا مرض دواه انك تنشغلين بنفسك وببيتك لأن الفضاوة والانشغال طول الوقت بزوجك هو اللي مسببه لك

Answer 11

اعقلي وداومي علي القران و الاذكار واذا استمرتي الحل عند الرجل وبيده انتبهي لنفسك

Answer 12

لو كل الحريم يعاملون أمهات أزواجهم مثل أمهاتهم لصبحت المشاكل الزوجية قليله جدا ولو اهل الزوج يعاملون الزوجه كأنها بنتهم لصارت الدنيا بخير حبيها وتقربي منها  وروحي تقهوي معهم واحسني المعاملة والله لتحبك ولو ابنها سوا فيك اي شي لتوقف معك

Answer 13

مفروض تفرحين انه قاعد يبر بامه اللي مافيه خير لاهله مافيه خير للناس ، نصيحه غيرتك بطليها لانه راح يفهمها شيء اخر ماتدري بعدين وش نتيجته

Answer 14

غلط بيتحمل غيرتك ذي فتره وبعدها ييرميك ويجيب بدالك مره .. احسن لك عدلي تصرفك وتداركي الوضع قبل تندمين

Answer 15

صدقيني هذي أفضل طريقة كل مايجيكي الشيطان تذكري بكرا تكوني بمكانها مع زوجة ولدك بالبداية هتتعبي بس بعدين هتحني عليها وترحميها  بس كل ماجاكي شيطانك حطي صورتك مع زوجة ولدك بمكانها  هتنتصري علي الشيطان

Comments

بس لاتحطي نفسك بمقام أمه هتخسريه إذا تحبيه صونيه وصوني أمه الأم نعمة مايحس فيها إلا شخص فقدها كمان ترضين إمرأة أخوكي تعمل كذا بأمك مأعتقد

Answer 16

فيه فرق بين غيره طبيعيه و غيره مرض ، امه هي اللي جابته و لها الحق يدلعها و يحضنها و يحب راسها ولا يحق لك الغيره هذا شي مردود لك في عيالك

Answer 17

هذي غيرة زايده مالها سنع، المفروض تفرحين إن رجلك يهتم بأمه ويبر فيها.

Answer 18

اجل لو يتزوج عليك وش بتسويين كبري عقلك امه هي جنته وناره
(الجنة تحت اقدام الامهات )
افرحي ان زوجك يهتم في امه راح  يشوف كل خير و نعمة من ربي

Answer 19

تذكر ولدك لاكبر وتزوج وحطت زوجته بينك وبينها غيره ومنعتك من ولدك ومنعت ولدك منك هل يرضيك  اذا فكرتي مليا  في هاذا التصرف ورفضتيه  هنا تبتعد الغيره من الام والاخوات  لانهم يحبون ابنهم زي ماتحبين ابنك او اكثر منها احكمي وتحكمي بنفسك

Answer 20

اتمنى يتزوج عليك وحدة بنت حلال حنونة على أمه عشان تنقهرين اكثر واكثر وتقتلك الغيرة

Answer 21

ليش بس ليش ياعزيزتي .. أحد الجوانب  التي دائماً نقولها للفتاة لقبولها بأرتباطها بالزواج أنظري لعلاقته بأهله أذا كانت جيده ثقي أنها سا تنعكس عليك أولاً .. ثانياً تقديم الأم والأب هذا دين وليس هوا وأستعراض .. ثالثاً أذا أستمريتي بهذه الطريقه سايفعل أشياء لأمه
بدون علمك ومن وراءك
بأعطيك معلومه مجانيه -- ٩٥% من المشاكل
النساء بسبب الرجل -- لأنه لايملك القدرة أو
بالأدق ليس لديه ثقافة الأدارة بالحياة فمن
الطبيعي تنشأ الأحتكاكات والمشاكل
أنا مثال أمامك كل نهايةأسبوع عندنا في
 لقاااء أسري وغير أسري حتى بعض الجيران
يأتون يصل عددهم الى ٥٠ و٦٠ فرد بين

Answer 22

فيه فرق بين الغيره والتملك ، اهم شيء انك عارفه انه غلط بس مو ذنبك انتي ما تقدرين تتحكمين بمشاعرك لاكن اقنعي نفسك إنه زوجك مو ملك لك عنده أهل ، أصدقاء لازم يكون علاقات مع غيرك ، حاولي قد ما تقدرين اذا جاتك هذي المشاعر ما تظهرينها عشان تتجنبين المشاكل واشغلي نفسك بأشياء تحبينها

Answer 23

حاولي تعززين من ثقتك بنفسك اهتمي بنفسك وطوريها وصدقيني الحياة ما فيها شيء اسمه بس لي حتى مالك وأولادك لازم حد يشاركك فيهم

Answer 24

الحل انك تتعالجين، لانه مافي احد يغار من “ الام “ ، بعدين اسألي نفسك : وش تخسرين لما يطلع مع امه ؟! ويبر فيها اللي مافيه خير لامه مافي خير لك.. وحتى انتي بعدين بيصير عندك عيال ويتزوجون ويصير لك نفس اللي تسويه في امه. والله يعينهم عليك

Answer 25

انتي بس جربي اعكس الادوار ، تخيلي زوجك يغار من جلستك مع امك وش شعورك يع قسم اهف بكف هذي الغيره اللي تقرفك ب الشخص ترى لو يدري انك تغارين بحسب وجه نظري بيتقرف منك ويحسك نشبه ويكرهك بالعكس الرجال صح اللي يبر ب امه ويقدرها ويحترمها
مافيه شي ماقدر بطلي غيره

Answer 26

هذي وهي امه اجل لو غريبه وش بتسوين وتلقين وجهه مثلث وانتي مسويه انا الغيورة شكلك من اللي تتعلبش بيد زوجها بالاماكن العامه خايفه عليه

Comments

هههههههههههههههههههههههههههههههههههههههههههههههههه منجدد

Answer 27

المفروض تساعدينه على بر امه اكثر وأكثر ماهو تغارين الله لايرزق عيالنا ب حريم كذا شر عليه ب مشاكلها التافه الوحده تزوج ولدها تبغاه يستقر ويعيش بسلام يطيح في حرمه تدور المشاكل

Answer 28

فيه مثل اهل جده يقولونه حبيبي زن على خراب عشه و انتي و الي مثلك ما تحبون ام الزوج و تتعذرون بالغيرة ما راح تحسون انكم نكبه الا لما تصير مشكلة ممكن توصل طلاق فهدي الوضع و نصيحة حبي ام زوجك معاه عشان يحبك و اتركي عنك سوالف غيرة الامهات

Answer 29

الحمدلله والشكر امه هذي هي اللي حملت فيه ورضعه وربته وخلته رجال وانتي مالك كم شهر معه بتسوين اللي ماسوته امه الله يعينكم على هذي العقليات

Answer 30

ابغاك تحطين قدامك فكرة انه خرج من بطنها وجزء منها وحبه لهاا ( جزء من كونه انسان وكبر وعقل وتزوجك، حبه لها مررره مرره مايتقاطع مع حبه لك او يقلل منه او يمسه، حبه لها مواززي لحبه لك مستحييييل تتصادم يوم من الايام)، اذا استوعبتي كلامي زين صدقيني بترتاحين ولعددد بتغارين

Answer 31

بفهم وش تحس اللي تغار من ام زوجها ع زوجهاا
ي حماره ولدها قبل ماتجين انتي وهو ولدها ومازال ولولا هي ما اختارتك له ماتزوجك ف ياليت تاكلين تبن

Answer 32

اغار من امه
تخلفك ذا و تفكيرك السطحي يدل ع انك فاهيه ماعندك سالفه بذي الحياة
امه ذي امه
اللي فيه خير لامه بيكون له خير لك
خافي من اللي مايهتم ب امه
ذا بحوس بك
خليه حركات بزرانه ذي بالله قومي سوي قهوتك و حلاك قالت اغار من امه قالت يا رب الصبر بس ع هيك عقليات

Answer 33

لا توضحين له انك تغرين من امه ولا تسوين مشاكل امسكي لسانك .وامه مابيبعد عنها عشانك ومابتنفع مشاكلك بتضرك انتي بالاخير

Answer 34

تخيلي نفسك مكانها وزوجة ولدكي تغار عليه منك
مثل ماتحبي تعاملك زوجة ابنك عاملي ام زوجك
واحلا بعد صيري انتي قولي له سوي لأمك وبرها واسعدها مع الوقت راح تحبي هالشي والله يهدينا ويهديك لما يحبه ويرضاه

Answer 35

الحل سهل جداً ؟
كل انسان على ماتعود عليه !
انتي قولي له روح لامك بر فيها مره مرتين ثلاث وانتي تصبري وراح تجدين ان هذا الامر عادي وانتي كنتي مضخمه الامر !!!
ركزي معي ..
افعلي هذا الامر لله فقط
واذكريني بدعوه صادقه عند الل

Answer 36

اتغاري حببتي إحمدي الله أنك توفقتي بزوج بار بوالدته ترى الواحد مايغار من والدته لوتجلسي تغاري من والدته بتوديك الغيره لمشاكل نهايته الأنفصال بالعكس شجعيه على طاعة والدته وشوفي ردت فعله وحبه لك