زوجي مدمن هل اطلب الطلاق ؟ زوجي مدمن واريد الطلاق ؟ زوجي مدمن مخدرات ؟ الطلاق من مدمن مخدرات ؟
متزوجه لي ٤ سنوات وعندي بنت زوجي مدمن مخدرات يعني يجلس يومين ثلاثة ما ينام ولا يأكل وبس بالفراش على جواله واذا صحى من غيبوبته مايتحمل مني كلمه يعصب وماعنده صبر انا ودي اواجهه بس اخاف يقول روحي لأهلك وانا ابوي وامي منفصلين ومااقدر اروح عند امي ظروفها صعبه انصحوني ماعندي خوات ولا اخوان
صارحيه قولي له بأسلوب أنت السند لنا وهالشيء ما يليق بك و لا يليق فينا واسأليه إذا عنده نية يتعالج أو لا وقولي بنتك بتكبر و مابيها تشوفك كذا ، والله يجبر كسرك يا رب ، لو رفض م يتعالج وغير محترم معك و مو موفر لكم حياة زينه وعندك احد تلجئين له كلميه ولو الانفصال تشوفيه افضل انفصلي.
تعايشي مع وضعك .. أغلبنا اذا لم يكن كلنا يجرفنا التيار خلف حياه بغير مانتمناها.. والله له الحكمه بذلك .. لذلك تعايشي على الاقل حافظي على بيت الأسرة وادعي له .. وتأكدي انها مرحله و المراحل تتبدل لا شي يدوم على حاله
المدمن ماله أمان ممكن يقتلك أو يقتل طفلتك الرزق على الله توكلي على الله وانقذي بحياتك وحياة بنتك والعوض عند الله
لاحول و لا قوة إلا بالله العلي العظيم الدعاء يرد القضاء انتي اخذتيه عن حب ولم تجبري عليه وتذكري لان يهدي الله رجل على يديك خير لك من حمر النعم لابد أن تبذلي ما بوسعك لعلاجه لان في ذلك سعادتك وسعادة أبنائك استشيري المختصين في علاج الأدمان ولن يخيب الله من دعاه الله يهديه ويصلحه
اخذي عليه كل ما يثبت ادمانه ، روحي لأبوك اذا يبيك يتعالج تابعين مع الدكتور بنفسك ترا الأدمان مو شي تستهينين فيه لو مر يوم م اكل حبوب ولا انجن عليك ممكن يقتل لان عقله مو معه مو في وعيه ابدا خافي ع نفسك ع بنتك حتى لو ضروفك صعبه اتشتغلين اهون من انك تقعدين مع واحد مدمن
بعض الازواج يرفعوا الضغط، ماعليك اهم شي تهتمي فيه وفي بنتك مع نصحه باستمرار وهو راح يهديه الله ويتعدل مع الوقت، لان ما احد يصبر على مود معين طول الايام اكيد بيجي يوم ويتغير للافضل، وانتي لا اتصادمي معه نهائي بس انصحيه على خفيف لانه بعضهم يمكن يتحول لقرش اذا واجهتيه
انتِ في خطر كبير المدمن اللي يواصل بالأيام وما ينام يتحول إلى مريض نفسي( بالفصام أو الذهان ) وهما من أخطر الأمراض النفسية حيث أن المريض بهما يصبح عدواني وشكاك ، نصيحتي توجهي لأقرب مستشفى ( امل ) او ( خاطبي دائرة مكافحة المخدرات ) ستجدي عندهم حل جذري وفعال لمشكلتك ، جودك معه خطر عليك
يااختي منتي مجبورة تصبرين على مدمن اعطيه مهله شهرين ثلاثة يبطل ويتعالج اذا انتصح كان بها واذا مايبغ الله لايرده صحتك وبنتك اهم منه،،استنزاف للطاقة اذا طولتي صبر ولو كنتي المدمنة بالله يصبر عليك لاوالله..الله يعوض صبرك خير ويفرج عنك
حياتك وانتي حر فيها لكن حطي ببالك انت بنتك امانه برقبتك وان لو حملتي برضوا بتجيبين اطفال يعانون معك مع شخص مدمن ، يا اتركيه واصنعي لنقسك حياة افضل او اذا بترضين بوضعك لا تحملين
المدمن يدمر اسرته كثير و لا يفكر الا بنفسه كثير خلو أطفالهم يدمنون ، انا عشت عيشه مانسها لاني اعرف المدمن ضد التفاهم يطلب طلبات اخر الليل تكرهي حياتك ما عنده غير عنف الله فكنا فرج عنا الهم الحمدلله بفضل الله رغم ظلم سنين اكثر من عشرين سنة الفطور والغداء و العشاء مايعجبه
استغرب من اللي تعرف انه مدمن ومستمره معه من اول لحظه تكشفي موضوع الإدمان اتركيه ولا تفكري بالرجعة ابد ولو قالوا تعدل حاله مهما صار ما سمعت ان فيه مدمن تعدل او زان حاله
الله يكون بعونك ويفرج همك وغمك ، هذا والله الابتلاء الذي تُجزين عليه عند الله سبحانه، إذا فيه مجال تواجهينه وتناقشيه بدون ما يأذيك فحاولي معه، وما يمنع تتواصلين مع "الجهات المُختصة" وتستشيرهم عن المشكلة وما راح يقصرون معك ! خوفي الأمر يستفحل -لااقدر الله- يسوي فيك شيء أنتِ وبنته
لاتفكرين تحملين حتى لو قالك لانه م يستحق يكون اب او زوج الا اذا تعالج راح يعدل حياته وحياتكم ... قولي ل اهله عشان يعالجونه الاهم انتي تابعين مع الدكتور عشان م يكذب عليك خليه يروح مستشفى الامل
المخدرات آفة العصر المفروض يفرضون عند عقد الزواج تحليل للمخدرات لوقف مثل هذا الظلم الذي يقع على زوجة وابنتها بسبب شخص مدمن خرب حياتها
كان الله بعونك الإدمان مرض مزمن ومرض انتكاسي. المدمن يعيش ليتعاطى ويتعاطى ليعش فقط انصحك تحذري بقوووه من ضلالاته وهلاوسة وشكوكة ، انصحية بالعلاج لعل وعسى علماً ان ٩٦٪ يعودون للإدمان بعد العلاج ٤٪ هم من يتوقف تحت برامج علاجية مكثفة
الله يكون بعونك ويعوضك بصلاح بنتك .. اول شي صلاة الوتر (سورة البقرة والحوقلة وكثرة الاستغفار والصلاة ع رسول لله ) لا يفتر لسانك منهم .. والله انه تحل امور اعظم عسى الله يفرج عنك ويهديه يارب
اذا قصدك مخدرات اشوف العيشة معه جدًا صعبة اصعب من انك تروحي لأمك ولو كانت منفصلة ! بعدين انتي راح تسجلي بالضمان وبيجيك راتب وتقدري تدورين لك شغلة تصرفين منها على نفسك وبنتك وبعد تقدرين تطالبين بمصروف لبنتك من ابوها "الحلول كثيرة" ولا انك تعشين مع مدمن الله يعافيه
روحي المحكمه واشتكي عليه وخليهم يحللون له بعدها ارفعي طلاق للضرر وخليه يستاجر لك بيت ويدفع اجاره ويدفع نفقه بنته اما اصبري ومدري ايش هذا كلام الذكور اللي عاجبهم يكونو اوسخ واقذر خلق الله واطهر البنات تتحملهم روحي حبيبتي خذي كل حقوقك وحقوق بنتك وعيشي حياتك الحياه ماتوقف ع ذكر
ننصحك لازم تتصلين على مستشفى الامل او على نبراس1955 وبكل سريه وياخذونه من عندك بدون ما يحسسونه انه انتي ورى الاتصال ولا ترى المدمن يمكن يجر عليك يأجرك لاخوياه في حال ما معه ريال يمكن يقتل وان تأزمة الامور اقرب شقق للايجار واللي بيدفع منصة جود فيما ترتبين نفسك مع الضمان او عند امك
