راتب زوجي 5000 ريال ؟ زوجي راتبه 5000 ؟ راتب الزوج ٥٠٠٠ وبخيل معي ؟

Question

راتب زوجي 5000 ريال

زوجي راتبه 5000 ؟ راتب الزوج 5000 وبخيل معي ؟ زوجي راتبه ٥٠٠٠ ومايصرف علي زي مايصرفون علي اهلي قبل الزواج ، انا كنت عند اهلي اشتري الي خاطري فيه والي ابيه وماافكر في الفلوس او بخيله سواء على نفسي أو على غيري ، تزوجت من 5 شهور تقريبا و أول شهرين كنت اشتري كل شي ابيه وهو مايردني ، بعدها انتكس وصار اي شي ابيه يقول مامعي فلوس خلصت الفلوس . . . الخ
بعدين اكتشفت انه عنده فلوس مخزنها عند اخوه اكثر من 8000 ريال وكل شوي يصرفني اذا جيت اطلبه فلوس علماً باني طلبت منه فستان كان خاطري فيه وردني وانا ماتعودت ان احد يردني لمن اطلبه

Answer 1

هذه مب كفو زواج وتربية عيال، هذه المفروض تجلس عانس عند أهلها، يكدون عليها وعلى طلباتها اللي ما تخلص، وإذا وصل عمرها ٤٥ وشبعت من دلع أهلها تبدأ تستقبل الخطّاب، وقتها راح تتمنى يتقدم لها رجل أعزب من سنها راتبه ٥ آلاف ، و لا تحصل ، وأحسن واحد يخطبها ستيني معدد عليه أقساط وإيقاف خدمات.

Answer 2

غلطانه بصراحه انتي عروس المفروض سنه ماتشترين ولا تطلبين فساتين من زوجك لانك عروس وعندك ملابس وفساتين من مهرك غلطانه تعودي تتعايشين مع ظروف وراتب زوجك وهو ماقصر يقول لك مع الراتب يعني ماعنده فلوس يبيك تنتظرين للراتب كبري عقلك وعيشي حياتك حسب ظروف زوجك لا تكلفين عليه

Answer 3

زوجك يستاهل احسن منك لأنه عيب عليكِ تتصرفي بأنانيه قدري شويه انو بيتعب عشانك وايش يعني اذا ماجاب الشي نفس الوقت حتموتي !!؟ استغفرالله بس

Answer 4

حطي ببالك إن الرجل الذكي لازم يدخر فلوس سواء للطوارئ أو للمستقبل (شراء بيت / استقالة من عمل/ إعانة قريب مضطر الخ ..)  فإذا صار ما يبقي من راتبه ريال علشان خاطر زوجته تشتري اللي تبغى بالوقت اللي تبغاه فهو هنا قاعد يخاطر بزواجه واستقرار أسرته قبل كل شيء !

Answer 5

العشر آلاف دامه مخبيهم يعني مايبي يصرف منهم حتى لنفسه مخليهم للحاجة وبرافو عليه
كل الناس نظامهم يصرفون ع قد الراتب حتى لو معه فلوس مدخرها مايجيها ابد الا لحاجة ملحة، لا تنكدين عليه ودامه ضابط صرفية البيت خلاص سيطري ع نفسك انتي المشكلة فيك لا تصيرين انتي والدنيا عليه !

Answer 6

لا كذا غلط... فيه مصاريف اولى من الكماليات اللي ممكن تتأجل .. مو معقول الراتب بيروح كله عليك .. ولازم تقنعين نفسك وتقبلين بالواقع .. الحياة فبيت زوجك غير عن بيت اهلك .. وكل ماصار نفسك بشيء فكري كم يوم هل هالشيء مهم لدرجة اني اسبب زعل بيني وبين زوجي وتتكدر حياتي بسببه ..

وشكلك توك ببداية العشرين... تكبرين شوي وتعرفين... وممكن تندمين وتقولين ليتني ماضيعت ايامي الحلوة وكدرتها عشان حاجة ماتستاهل ..

Answer 7

توك متزوجة من خمس شهور يعني مجهزة نفسك فساتين وعطورات ومكياج كلها جديدة المفروض قبل سنة او سنتين ماتفكرين في أي مشتريات ، الشئ الثاني الزواج ماهو لبس ومطاعم ومتعة الزواج مسئولية من كلا الطرفين لازم تتعلمي توفري وتقتصدي وتراعي ظروف زوجك وإلا سيكون عليك تحمل مالا يحمد عقباه

Answer 8

الله يصبر زوجها ويعوضه بوحده غيرها  عقليتها سطحية جدا ليست مؤهله للتنازلات وفتح بيت وتحمل مسؤليه تريد الزواج بمصباح علاء الدين كل ما فركته يطلع لها شبيك لبيك وش طلباتك

Answer 9

عندك حلين ياتتقبلين وضعه اللي مااشوفه سيئ وتحاولين تتعايشين وتشوفين لك بزنس تو وظيفة تدلعين نفسك فيها ، أو انفصلي من البداية اللي بتحملينه فوق طاقته مادة وهم ونكادة ودوري شخص ثاني نفس ماتبين

Answer 10

للأسف أنتي أنانية و كأنك متزوجة بنك متنقل إذا هذه فكرة عن الزواج اجلسي في بيتك أهلك وريحي زوجك من هالمصاريف الزواج شراكة ومودة ورحمة وحب و استقرار فوق كل الفلوس والأشياء هذه اما تارك مبلغ ولا علمك تاركه للزمن و للحاجات الضرورية ما علمك لأنه يدري إنك تأكلين الأخضر واليابس

Answer 11

المشكلة ليس ف زوجك بل فيك انتِ والمشكلة انت من يجعلها لا مشكله عندما تفكرين بعمق وعقلانية ف حياتك الزوجية ،، كوني له سندا وأمنا وعطفا ومشورة ،، فالحياة الزوجة حياة القلوب لا حياة المظاهر والموضات

Answer 12

صح النوم توك تدرين إن مايحقق طالباتك لما تقدم لك فكرت شلون راح تكون حياتك معه طالما انتي اعلى منه مستوى فكرت ان الكماليات ممكن مايوفرها لك اتعجب من بعض البنات توافق ع رجال وهي عارفه ظروفه وراتبه ويدفع دم قلبه على هذا زواج ويحط ديون ع ظهر وبنهايه البنت تتشكى مايشتري لي بخاطري