Question

تقدم لي واحد مطلق

تقدم لي شخص مطلق ؟ تقدم لي مطلق ؟ خطبني واحد مطلق ؟

انا عمري 26 تقدم لي واحد عمره 40 سنة مطلق و ما عنده عيال وهو شخص كويس ومكون نفسه وكل شي وبالجهة المقابلة شخص يحبني وكنا متفقين عالزواج بس بعد سنة أو سنتين لين يكون نفسه.

Answer 1

14 سنه ماهو الفرق الكبير ولكن دام في قلبك شخص لا تظلمين ابن الحلال معك ... لانك بالمختصر ماراح تحبينه ويمكن تخونين زوجك مع حبيبك لان الحب اعمى والشيطان حريص  ، وحبيبك اذا ماجاء ودق باب ابوك لا تاخذين ع كلامه ولا تأملين عليه بالحيل لانه له غرض منك اذا اخذه راح يتركك ويدور غيرك

Answer 2

تزوجي ابو ٤٠ ولا تنتظرين اللي بيكون نفسه لانك بتنتظرين وتطولين اذا كون نفسه ع قوله بيروح يدور غيرك انتي مجرد انسانه يضيع معاها وقت واذا جاء الجد امه او اخته هم اللي بيخطبون له

Answer 3

اختاري صاحب الدين والأخلاق بعد الاستخارة .. مع الحذر ممكن كونتي معه تفاهم فالغالب يكون عن طريق مواقع والكذب في ذلك كثير.

Answer 4

اللي عمره اكبر منك بكثير
شوفي شهادته علشان تتأقلمي معاه
لكن أغلب اللي كبير بالعمر ناضج ومتروي وثقيل ويتحمل مسؤولية ويسعى لإنجاح الزواج من واقع
خبره وقصص واقعيه

Answer 5

طيب ايش المشكلة استخيري الله وأسالوا عنه وعن صلاته اهم شي وكمان ليش طلق اذا شكا من الي طلقها فتأكدي مره واثنين وثلاثة قبل لا يقع الفأس في الرأس والله يكتب لك الخير

Answer 6

إذا قلك انه بيتزوجك بعد سنه أو سنتين اعرفي انه غير جاد وخلال هذه الفترة احتمال كبير يتغير عليك ويتعذر ويشوف غيرك. اللي يحبك يخطبك رسمي او يعقد والزواج يتسهل بعدين. نصيحه مني الاغلب يلعب ويرمي وقليل من يخافون الله

Answer 7

1. الاستخارة
2. بعد الاستخارة عصفور باليد (( 40 )) ولا (( واحد يحبك وبعد سنتين يكون نفسه )) وش  يضمنك يغير رأيه لين يحسن وضعه  الكل حرصي منه  سواء الأربعيني أو اللي بعد سنتين يجهز نفسه لو هو  هل بينتظرك سنتين رايي ربك احسن من ردي وردود الجميع حتى لو واحد رتب كلامه وتعجبك الرد

Answer 8

أنا الفرق بيني وبين زوجتي حوالي ١٠ سنوات ولا احس ان فيه فرق المسألة تفاهم وترى العشريني والثلاثيني كلهم نفس تركيبه الدماغ والتفكير ، انصحك خذي اللي جاء عن طريق باب بيتكم أما الثاني ابو سنه وسنتين ترى ماطق خبر لك واذا متعلقه فيه فلا تتزوجين ابو ٤٠سنه وتظلمينه فالزواج استقرار مو لعب

Answer 9

عصفور باليد ولا عشره على الشجرة .. إلا في حال الي تحبينه يتقدم الحين ك خطوبه وكلام جاد ولا لا تعطلين حياتك عليه وتضيعين عمرك

Answer 10

إذا عنده فلوس المطلق وينجب أطفال وافقي بعد الاستخارة اكيد أما الشاب موظف إذا كان فليش ماتقدم لك لسى وهو يحبك على كلامك

Answer 11

من وجه نظري اللي يحبك خليه يثبت بإنه يتقدم يخطب وتتعرفون عليه السنتين هوا راح تجي وتمر وتتزوجون واذا رفض يجي يتقدم الله يوفقك مع الاربعيني اذا موافقه واذا لا اتركي الاثنين وادعي الله يرزقك اللي تبين ..

Answer 12

الشباب شباب الروح  الروح اذا كانت طيبه تبقى طيبة حتى لو بلغ الانسان 100 عام ومن وجهة النظر  اختيار المضمون افضل من المجهول اما الحب يعتمد على التالف بين الشخصين واحترام كل طرف الى الطرف الاخر.. وبعد الارتباط تتضح صفة المعزة والالفة الصادقة من المزيفة..

Answer 13

مااعتقد فيها شي بهالعمر تكونين دلوعته ويكون هو مكتمل العقل وليس خفيف زي الشباب اللي بنفس عمره،، للاسف اغلب البنات يشتكين من الشباب الصغار وتهورهم في الرابط الزوجي