Question

خطيبي يسألني نزلتي

خطيبي يسألني وش لابسه ويطلب مني صور +18 ويكلمني آخر الليل ! خطيبي يسالني اسئلة محرجة !

تملكت قبل 3 شهور وزواج تقليدي والولد مايتصل علي ولا يتواصل معي كثير بس يرسل بالواتس اب في الفجر ويطلب مني صور +18 ويصور لي احياناً ويسألني نزلتي أو لا !! وانا اذا رفضت ارسل له ينام بنص المحادثة حاولت كذا مرة اتواصل معه وقت ثاني يقول مشغول مع ان اشوفه متصل الان وموجود بالسناب بس مايفتح محادثتي ومايبي يزورني الا في آخر الليل ودايم خطيبي يسالني اسئلة محرجة !

Answer 1

مادام تم العقد فهو زوجك وهو حلال لك وانت حلال له ولكن قولي له : استحي وما اقدر أصور لك والجوالات مالها أمان وشجعيه على أن يعجل بالزواج ولا تلوميه فالرجل مسألة الجنس عنده لها أولوية وأهمية

Comments

ياعالم وش اللي صار في زمنا الرجال ماعاد فيه رجال صاير الرجال هالوقت قدام العالم انا الرجال المودب المحترم الكفو واذا جلست معاه طلع على حقيقته وكذالك المرأه بس سبب تدهور المرأه الرجل بس يا اختي خليك انتي سبب في تغييره للاحسن باسلوب وطريقه حلوه وكوني له عون كثير هالوقت جهال وتفكيرهم ان الزواج لتمتع الجنسي بس يا اختي كلميه وحاولي تخلينه يصارحك وشوفي ليش هو قاعد يسوي هالشي معاك لا تتسرعين في التخلي عنه اختبريه اكثر من مره وتاكدي اي نوع من الرجال وياليت قدرت اساعدك والله يوفقك ويرزقك بالزوج الصالح ويرزقني بالزوجه الصالح.

Answer 2

حلو هذا ماتعبك ابد وخلاك تلفين وتدورين حول نفسك يبيك للجنس فقط ما عطاك شوي كلام حلو وشوي جنس وسوا فيها الولد المحترم والمؤدب وهو قذر عشان يتوهك انهي ياعمري وأنتِ تضحكين شوفي بحسابي أكثر من مره تكلمت عن هالأشكال ولو استمريتي لاتحملين الين تقتنعين بنفسك وتعرفين انه بهيمه

Answer 3

هذا اولها ينعاف تاليه استخيري بلغي اهلك هذا مب حق زواج هجي دامك في اول المحطة.

Answer 4

انتبهي ديري بالج هذا مايستحي على وجه زوجته يطلب منها هالصور ويجي 12 بالليل حرامي مو زوج استغفر الله . الله يعينج عليه اختي

Answer 5

لا ترسلي له ابدا والا راح يهددك بهم ويشوه سمعتك. علمي اهلك وإدا هو ما يسال عليك الا لهذا الغرض ، قولي لاهلك واكيد بيفسخو ، الله يرزقك احسن تربية منو

Comments

كلامك صحيح بالفعل

Answer 6

هذا متعود ع بنات يرسلون له صور أكثر من + يرتاح عليها وبس مو حق مسؤولية

Answer 7

هذا استعجل مرررره كانه عارفك ومتزوجين من سنين ، فهميه أن الحياة مو بس علاقة وتريح ؟! لااا احنا مخطوبين ومهم جداً نتعارف اكثر والأمور هذي بعد الزواج ، وزيارة مو مشكلة اسمحي له ممكن يستحي من اهلك بعضهم طبعه كيذا بس انتبهي لاتتعدو الحدود ، و لا تعطيه الي يبي عشان يسوي العرس بدري.

Answer 8

انفصلي قبل ماتندمي وتبكي دم هذا مو رجال ولا يصلح الزواج شايفك مثل الي يعرفهم ويرسلوا له صور علمي اهلك قبل مايصير اكبر

Answer 9

بعض الرجال لا غيرة ولا نخوة ولا رجولة
وهذا واحد منهم نسأل الله العافية والسلامة وعلى النساء الحذر من هذي العينات لو كان زوجك وابو عيالك

Answer 10

شوضعه هذا واضح بزر وفاهم الموضوع غلط فتره الملكه فترة تعارف بينكم وكل واحد يعرف شخصية الثاني والمفروض هو يبادر بهذا الشي والي يبي لك وقت يلقى .. ما انصحك بالاستمرار واضح وضعه غير مريح

Answer 11

لمصلحتك لا تخضعي لطلبه الصور بعض الشباب يختبر الفتاة بهذه الامور وسيطلب اكثر من ذلك اذا تساهلتي هذه الامور يفضل الاحتفاظ بها الى ما بعد الدخلة واعلان الزواج

Answer 12

حبيبتي واضح ماعنده نظرة جدية للمستقبل وطبيعة الحياة الزوجية متعود على الدشرة وحركات ال+18 .. اللي مايناقش ولا هو متشوق يكلمك ويتكلم عن المستقبل معك ولا مبين اهتمامه بفِكرك وشخصيتك وكل همه شي ثاني تجنبيه لأن الحياة معه بتكون متعبة جداً

Answer 13

من خلال كلامك عن الخاطب لا يخلو من أمرين
الأول إما أنه لم ينضج عقلياً وباقي في سن المراهقه أو لا يحسن التصرف بعدم اكتمال الرشد
الثاني : أخذك للتسليه وإشباع رغبة دون تكوين أسرة ومسؤوليات
نصيحة أخ
لا يرى منك حتى ظفرك مهما زعل ونام
لا تستقبليه إلا في وجود أهلك حتى لو هددك بالانفصال

Answer 14

بغض النظر كان انك تملكتي او لا بكل حالات مفترض انه يحترم رغبتك برفض ويتواصل معك طبيعي مادري هو شي الي يربطه معك صور ١٨!! احس بقذاره لانه هدفه صور ١٨ يعني هو يشوفك بنظره يعني معينه اترفع عن ذكر اي شي غير لائق مفترض انه ما يطنش ان ارسلتي ولا يكون متصل ولا جايب خبر اتركيه وارتاحي

Answer 15

السفيه يبقى سفيهاً ، يشوف صورك اوك لكن يشوفها بأوضاع مخلة ابدًا لا .. و افضل اذا يبغى يشوفك يزورك بالبيت افضل شي وبعدين دام انه يبغاك زوجته يستعجل بالزواج وتكونين حلاله ويشوفك بكل وقت ،، لاتستعجلي في اي شي مثل هذا الشخص ، الله يهديه ويصلحه و الله يوفقك

Answer 16

هذا متعود على الي مثل اشكاله وصخين انتبهي ترسلي واسحبي عليه بعد عشره بالليل قولي ماراح اكلمك وخليك رسميه معاه لا يحسب انك مثل إلي عنده ، ونصيحه ذا واضح منتهي ماراح يراعي مشاعرك دام ماراعاها بالخطبه وش تتوقعين بعد الزواج

Answer 17

هذا شهواني مرره و احذري انك ترسلين صوره له ولا حتى صوره عاديه ... مشكوك في أمره خصوصا اوقات التواصل حسب كلامك. و يحتاج تتأكدين اكثر عنه او خلي اهلك يسألون عنه اكثر

Answer 18

الي هذى اوله ينعاف تاليه صور وتوكم مخطوبين حتى المتزوجين ماسووها وزود على ذلك سهر وتطنيش هذى مابعد عقل وماينوثق فيه او انه احمق مايعي تصرفاته خليك حازمه معه وعلميه انك متربيه وعلى خلق ودين وبنت رجال وكانه كفو بيتعدل او تعرفين تفكيرة وعقليته استخيري والله يكتب لك الخيرة

Answer 19

اعملي له ٣ اختبارات واحد انك مريضة واهلك ماودوك المستشفى لأي سبب والثاني إن فيه شباب يضايقونك اذا طلعتي من البيت تبين بيت اختك او اي محل . والثالث انك محتاجة شوية فلوس . اذا نجح فيها كلها ماعليك من موضوع الصور بكره تتزوجون ويصير يتذكرها ويخجل ، واذا فشل لا والله السربوت سربوت

Answer 20

ارسال صور غير لائقة لاينبغي مطلقا حتى لو غضب .خاصة لو لم يكتب لكم زواج والزيارات المعتادة بين المملكين تكون في وقت مبكر اما وقت متاخر خطأ جدا الا ان كان فعلا ليس لديه الا هذا الوقت مع اخذ كافة احتياطاتك