في تصنيف مشكلتي بواسطة

زوجي يستكثر علي الفلوس

زوجي يستخسر فيني كل شي ! زوجي والمصروف ! زوجي بخيل علي في المصروف !

السلام عليكم أنا متزوجة من 4 شهور وزوجي مدرس في مدرسة حكومية ويتسلم اكثر من 10 الاف ريال في الشهر ومايعطيني الا 300 ريال شهري وللعلم إذا طلبته شيء يجيب لي البديل الأرخص وقلت بروح السوق اشتري ملابس قالي طيب 100 مني و 100 منك وتشتري اللي محتاجته فقط !! وش تجيب 200 ريال وانا سكتت قلت يمكن عليه ديون هو عليه 4 قروض بس اللي يقهرني موضوع السوق يعني 300 ريال اشتري فيها ملابس من وين !! هو مقصر معاي بزينة البيت والمواعين كل مااطلبه يقول بعدين ويحسب علي وازعل عليه ودايم يستخسر فيني كل شيء

إذا إستفدت من المحتوى قُم بمشاركته عن طريق مواقع التواصل فقط قم بالضغط والنشر ليستفيد غيرك

21 إجابة

0 تصويتات
بواسطة
 
أفضل إجابة
مو واجب عليه يعطيك مصروف وزينة البيت كماليات مالها داعي وانت ما تحتاجي كل شهر لبس جديد دوبك مجهزة لعرسك لسا ما لحقت تلبسي كل لبسك اللي جهزتيه ومو غلط يجيب البديل الأرخص ثم عليه قروض وحتى لو ما عنده قرض ولو معاشه عالي فعادي يدبر غيري نظرتك للحياة وتعلمي التدبير بتعيشي ملكة
بواسطة
انت او انتي اتعس من زوجها شنو مو واجب
0 تصويتات
بواسطة
الله يعينك بعضهم نفس ظروفه مايقصر بشئ واضح انه بخيل بيعودك على بخله البخيل حتى عاطفيا بخيل مااهتم لزعلك او تفاهم معك فانتي قرري من الحين يعوديه انه يلبي طلباتك ويتناقش معك باحترام او انك تصبرين طول عمرك معه على بخله وتتعودين
0 تصويتات
بواسطة
٤ شهور متزوجه وبتنزلين السوق تشترين ملابس !!!!
نص ملابسك حق زواجك  مامداك لبستيها
حللي الي بالدولاب وبعدين انزلي اشتري
بواسطة
4 شهور مامداك مجهزه لزواجك شكلك مرعوده على التبذير وعدم القناعة
0 تصويتات
بواسطة
الواضح جدا انه إنسان بخيل والرسول صلى الله عليه وسلم تعوذ من البخل فإذا كانت لديك المقدرة ع التحمل فاصبري واحتسبي الأجر والمعروف أن البخل مرض يظل مع صاحبه لحد الممات
0 تصويتات
بواسطة
بالرغم أنه عليه ٤ قروض إلا أنه يعطيك مصروف هذا يدل على أنه مب بخيل بس هذا اللي يقدر عليه بسبب الديون اللي عليه. بالعكس حاولي توقفين معه وتواسينه ترا الدين ذل في النهار وهم في الليل. والله يسعدكم ويوفقكم ويألف بين قلوبكم إن شاء الله.
0 تصويتات
بواسطة

من وين يجيب لك ؟؟ تقولي عليه ٤ قروض والراتب إذا كله قروض ما فيه بركه ، حتى لو قالوا لك رواتب المعلمين عالية ٤ قروض تنسف أبو أبو الراتب.

عيشي بالقليل وحكمي عقلك و لا تنظري للناس لين ما يسدد قروضه.

0 تصويتات
بواسطة

علية قروض اعذريه المصيبة إذا كان مقتدر و ما يعطي ونصيحه اعتمدي على نفسك بتقعدين تطلبينه إلى متى ؟! ومن قالك المدرس راتبه زين ؟ غيري تفكيرك قومي بنفسك كملي دراستك اشتغلي حتى لو من البيت كول سنتر

0 تصويتات
بواسطة

طيب لاحظ انها صابرة ومتحملة كل النواقص الأساسية، فاض بها الصبر لما وصل الأمر للأساسيات .. يعني ما طلبت ينفذ لها كل ماتتمنى ! بالله ال٣٠٠ ايش تجيب من ملابس بسوق اليوم ؟ للأسف معظم الرجال يتمادوا في تقصيرهم مع اللي تصبر عليهم وتراعيهم وتراعي ظروفهم

0 تصويتات
بواسطة
قروض وايجار شقه واكل وشرب وكهرباء وجوال احمدي ربك يوم يقدر يعطيك ٣٠٠ بالشهر وانتي للحين عروسه ملابسك المفروض لسه جديده
0 تصويتات
بواسطة

توكم في البداية ماينفع تحكمين عليه باي حكم الحل الانسب من رايي انك تتوظفين بأي مجال وبأي راتب بحكم انه بيكون بالكامل لمصروفك الشخصي فحتى لو كان ٤٠٠٠ بيكون ممتاز جداً

0 تصويتات
بواسطة
طيب ٣٠٠ مره حلوه خير وبركه وزوجك عليه قروض راعي وضعه وايجار ، الخ وتوك متزوجه عروسه أكيد ملابس معك وكل شي معك لاتكبرينها وهي ما تستاهل
0 تصويتات
بواسطة

عليه ٤ قروض غالباً انتي سببها وجاية تتحلطمين .. اصبري لين يسدد نصها ع الأقل

0 تصويتات
بواسطة
صراحه يكفي انه يعطيك مصروف شهري وهو مديون ومحتاج كل ريال بس اكيد لو سدد ديونه ما بيقصر معك اوقفي معه وعادي اذا على ملابس شي ان ونمشي وكثير مواقع حلوه ورخيصه دامه يجيب لك الاساسيات تحملي كلها فتره الين تزين اموره الله يعينكم يارب
0 تصويتات
بواسطة
شوفي انتي قلتي ٤ قروض مهي هينه تكسر الظهر
يعني لو راتبه عشره اخصمي منها سته  شوفي كم يبقى إجار بيت وترى هالديون اخدها عشانك
 عشان مهرك وبيتك
ونتي توك عروس معروف حيكون عندك الدبش احس يمشيكي سته شهور بالراحه
اعرف وحده كانو يضحكو عليها تلبس من ابو١٠وكانت توفر مع زوجها عشان يبنو
0 تصويتات
بواسطة

عليه ٤ قروض ياكافي ! الله يفرج همه وهمك اسمعيني دام يعطيك مصروف زين مره جمعي حق شهرين ثلاثة او اكثر وروحي السوق مره وحدة واشتري اشياء ع قد فلوسك لاتروحين اماكن غالية عندك المواقع فيه الرخيص والزين ولازم تراعين ظروفه مسكين وصدقيني يجي يوم وتروح القروض ويزيد مصروفك بس اصبري

0 تصويتات
بواسطة
صابره اربع شهور وهي توها متزوجه وتتشكى لناس حالها وتفضح به واكثر من نص راتبه يروح قروض وتبي مصروف المصروف ماهو واجب بعض حريم وش يفهمهم بالمصاريف
0 تصويتات
بواسطة

الله يعينك لكن فعلاً القروض مو سهلة أبداً تاكل الراتب أكل ، أفضل حل تشتغلين إنتي لو عن بعد دوري وظايف وبعد مايزين وضعه وتنتهي القروض تقدرين تجلسين ويزيد لك مصروفك، بس عشان ظرفكم الفترة هذي ضغوطات مادية

0 تصويتات
بواسطة

اصبري عليه وارحميه تقولي عليه ٤ قروض وهذه تهد ظهر اي واحد تحمليه وما بينساك اذا تحسنت أموره انا كنت في مثل ظروف زوجك ولكن زوجتي تحملتني بل ورتبت اموري المالية ل ٤سنوات ثم انتهيت من الديون وتغير الحال والان لو تطلب راتبي كله فدوه لها وعملت مشروع خاص وجعلتها شريكه بالنصف

0 تصويتات
بواسطة
الحل ياخذ قرض رقم 5 عشان تشترين ملابس

لعنبوا ابليسك مالك معه الا 4 شهور وتقولين صابره؟

10 الاف وعليه 4 قروض يعني نقول ينخصم من راتبه 5 الاف والف مقاضي بيت و 500 فواتير وبنزين وزيت سياره 700 ريال وانتي 300

ترا يبقى معه 3000 ماتسوي شي ياصابره
0 تصويتات
بواسطة
بعض الزوجات اعوذ بالله منهن يعني يطلبن ازواجهن فلوس حتى لو أن الزوج مديون وحالته حالة

ماتدري أن فيه حريم يتمنون يحصلون لقمة العيش عند أزواجهم.
بواسطة
استغرب من بعض الناس تقول انه بخيل

حبيبي عليك ديون وعليك الايجار وفواتير كهربا و اتصالات و. كل شي بالسوق غالي

اغلب الرواتب تروح ع قروض
0 تصويتات
بواسطة
والله اعرف واحد اثاثه متهالك ولباس زوجته وعياله من اردى اللباس وزوجته صابره عليه عشان ماينخرب بيتها ويتشتتون عيالها

حاولي تضغطي علبه بأسلوبك الحلو
بواسطة
انتي موب فاهمه الحياة انتي حاسبة الراتب صافي
متناسية ( الاجار لو فيه - فاتورة كهرباء - فاتورة مويه - -البانزين - فاتورة جوال - المقاضي الشهرية - المقاضي اليوميه- الطلعات والتمشيات - مصروفك - وووو القائمة تطول  )
اضافة الى ٤ قروض
وطبيعياً بيخلي مبلغ للطوارىء وطبيعي بيدخر من راتبه لو شوي يعني اشوف لو طلبتي اضافه ٢٠٠ تصير ٥٠٠ اقولك منطقية اما طموحك اعلى ف اقولك هنا مرهه مالك اي حق راتبه بهذا الزمن يادوووووبك يغطي الاساسيات لايغرك اللي يشيشك وهو موب عارف الغلاء الفاحش والفلوس اللي تطيرر طيران

انا تزوجت شخص والله ما اعرف حتى كم راتبه عرفت بعد سنه من الزواج ووافقت عليه وقتها وعرفت ان عنده قرضين كانت شقتي جديده ناقصها كثير اشياء بس الاساسيات متوفره مااذكر بيوم طلبته شي للبيت كماليات او جهاز او اثاث او لي شي شخصي حتى مصروفي هو بعد شهور فتح معاي الموضوع واتفق معاي ع مصروف معين ورضيت فيه بدون نقاش مرت فتره وكل شي تمنيته وكان بخاطري جابه لي الحمدلله واكثر من اللي بخاطري وقالي كلمه بعدها يقول م انسى يوم كنتي صابره علي بدايه الزواج وماقلتي شي حتى تضيفين اهلك واهلي على اللي موجود بالبيت بدون تعديل او اضافه والحمدلله على اني الحمدلله كنت مرفهه عند اهلي ومصروفي ماكنت احسبه ولا لي حد بالطلب من ابوي بس الوحده تحكم نفسها الحياه موب بس فلوسس اذا كان الشخص محترم معك ومقدرك ويعاملك برحمه وموده وموب شرط الحب بعد لان بعد سنين طويله فهمت ان الحب موب ع الحكي والهدايا والدلع اللي يبين للناس وجوا الله عالم فيه لا المهم انه يقدرك ويحترمك ويحترم وجودك ويصون زواجك ويوفر لك اساسيات الحياة الكريمه ويرحمك وقت تعبك ويود لك ( هذي نصيحه لك ولك وحده مقبله ع الزواج ) الزواج ماهو باب بنك هو ادمي يداوم يتعب هذا مجهوده وفلوسه هو
بواسطة
زوجك يفهمم ماشاء الله فلا تقسينه على غيررره ابداا انا زوجي صاينته و كل شي و ساكته و صابره على اثاثه كل ما جا قرشين اعطى اخوانه وانا لا انا اخررررر اهتماماته  هذا ابسط مثال

استفسارات متعلقة

...