في تصنيف مشكلتي بواسطة
عُدل بواسطة

زوجي مايحب اكلي

زوجي مايحب الاكل إلي اسويه ! زوجي يحب اكل اخته ولا يحب اكلي !

السلام عليكم

أنا متزوجة مالي إلا 4 شهور تقريباً أول شهر إلي هو شهر العسل كان زوجي يدلعني مطاعم وحركات وفرحت واعجبني الزواج ، الحين من شهرين تقريباً تفأجات أن زوجي يطلبني اطبخ له و أنا صراحة ماقد طبخت حتى في بيت أهلي لإن فيه شغالات يطبخون لنا هم مختصين بالطبخ ، كلمت اختي على الجوال وطبخت له رز وكبسة أول يوم وقام يخاصم ويسب وأنا خسرت نفسي ودفعت مهر وفي الأخير ماتعرفين تطبخين !! وكل ماطبخت طبخة قال ليتني جلست عند امي وطبخ امي !

إذا إستفدت من المحتوى قُم بمشاركته عن طريق مواقع التواصل فقط قم بالضغط والنشر ليستفيد غيرك

30 إجابة

0 تصويتات
بواسطة
مختارة بواسطة
 
أفضل إجابة
المسألة و ما فيها هو متعود على نوع معين الطبخ ونكهه معينه لذلك لو نوعتي وغيرتي ما راح يعجبه تحملي شوي ومع الوقت يتعود على شغلك وبصمتك المميزة مسألة وقت وهذى شي عادي أغلب الرجال كذا وحتى النساء لما أكل شي عند أحد ما يعجبني لأنني متعوده على طعم ونكهه ولون معين تقبلي الموضوع لا تتعبين
0 تصويتات
بواسطة
لا عاد تطبخين له يتقضى لأمه وهي تطبخ له زي ما يبي وشوفي كيف يحن لطبخك !
0 تصويتات
بواسطة
عُدل بواسطة
بدري عليك تتعلمين
ليش ما  تعلمتي بدري وانتي في بيت اهلك معطين الشغالات رواتب علشان يطبخوا لكم ؟
0 تصويتات
بواسطة
عُدل بواسطة
اطبخي وحطي بحافظة أو صحون قصدير وقولي له هذا من جيران أو اهلي او اهلك واذا نجحت الخطه استمري معه
هذا دليل انه يعذرب ولا يعجبه العجب "عياره رياييل"
0 تصويتات
بواسطة
عُدل بواسطة
العلاج سهل جدا ..
ليتني كنت معكم حبيبي ربي لا يفرقكم ويجمعكم على خير ..
شرايك ياعمري تطلب من أمك تعلمني من طبخاتها الي تحبها ، قولها تجي عندي او اروح عندها ...
وبكذا اسعدتي زوجك وسكرتي باب الشيطان وكسبتي ود الجميع .
0 تصويتات
بواسطة
عُدل بواسطة
طبيعي بتنقهرين .. كنت مثلك وطبخي مهما ابذل فيه مجهود ينقصه شي فلا تقارنين نفسك بوحدة تطبخ من سنوات.. بس شوي وقت وشوي خبرة و بتكتسبين النفس الحلو ويصير يعرف طبخك ويشتهيه ويطلبه.. لا تتضايقين ومع التكرار بتصيرين محترفة.. والي ناقص طبخك بتكتسبينه شوي شوي بالخبرة
0 تصويتات
بواسطة
إذا أخته أكبر عنه ومتزوجة من سنوات طويلة قولي له إن شاء الله بعد خمس ست سنوات بطبخ لك نفسها ، لا تحسسني إنها طبخت لزوجها نفس هالأكل من أول ما تزوجت
0 تصويتات
بواسطة
أسلوبه خاطىء ولكن ببساطة إسالي أخته عن الأكلة الي تعجبه أو طريقة طبخها عموماً، وعادي مافيها شيء، أنا شخصياً من الناس الي إذا عجبني شيء أو سمعت أحد يمدحه أسال صاحبة الشأن عنه، نتعلم من بعض ونفيد بعض وبس
0 تصويتات
بواسطة
اخسريه ونوعي بطبخك وكولي قدّامه وقولي مشاء الله لذيذ طلع زابط عوافي عليه ويوم قولي تعالي أبيك تساعدني خل نطبخ سواء
0 تصويتات
بواسطة
الموضوع موب تعرفين أو ما تعرفين
مجرد ذوق و رأي وتقييم يختلف من شخص لآخر .
يعجبه طبخ أختك بس ما يعجبه طبخك
وأذا طبخك ما عجب زوجك ممكن راح يعجب غيره
0 تصويتات
بواسطة
مشكلتنا ما نواجه بعض بالكلام مكابر مدري حيا مدري ويش نفس الكلام هذا قولي له وصدقيني راح يعجبه كل شي تسوينه إلا إذا هو ما يفهم
0 تصويتات
بواسطة
هو خطأ أن الزوجة تصرح لزوجها أنها ما تعرف في أي شيء يخص شؤون المنزل حتى لو ما كنتِ تعرفين لا تصرحين أو تظهرين هذا له الحل في زياراتك لأهلك ولصديقاتك سوي صنف أو صنفين خوذيه معك قولي انه بطلب منهم عاجبهم طبخي ومن هالكلام
0 تصويتات
بواسطة
شيء طبيعي
لا يمكن تتساوى وحدة محترفة من سنوات ووحدة توها تتعلم
اطبخي اكثر بتصيرين فنانة ويصير لك نفس بالطبخ
0 تصويتات
بواسطة
قصة وحده نفس كذا صارت تطبخ وتقول جارتي جابته ويمدح فيه بعدين قالت جارتي تقول اطبخ لكم بفلوس قال مو مشكله وتطبخ له وتأخذ فلوس.
شوفي اتوقع اغلب الرجال كذا أنا نفس الحكاية بس كنت طباخه وصرت اكره الطبخ لو يروح صاحبه يقول زوجته طبخت انواع
أنا اطبخ الأساسيات فقط
بواسطة
حتى مره عجبه جريش قريبته وطلبني اسألها طريقته ورفضت تعلمني أخذت سنه اطبخ و اتعلم عليه لين خالتي علمتني عليه والآن الكل يسألني عنه
0 تصويتات
بواسطة
والله هذا طبع فيهم لا تزعلي نفسك
ما يمنع تسأليهم عن طريقتهم الخاصة لكن لا تتوقعي إنك ما راح تسمعي نفس الكلام بين فترة والثانية
0 تصويتات
بواسطة
ترا أغلبهم كذا يحبون طبخ الأهل ومع الوقت بيتعود على اكل بيته بس وسعي صدرك
0 تصويتات
بواسطة
عشان كذا المفروض البنت تتعلم قبل الزواج على الأساسيات في الطبخ بعدها تقدر تبدع
0 تصويتات
بواسطة
ما عليه اصبري وتفنني بالأكل شوفي كيف يحب الطبخة اعمليها تفني
اعرفي مزاجه طلبه وكيف يبي الاكلة
وربي يوفقك
ما عليه توك متعلمه يبي لك فترة على بأل ما تضبط معاك
لا تملى الزوجة الشاطرة تعرف كيف تتصرف وربي يوفقك
0 تصويتات
بواسطة
على شوى شوى هتتعلمي و بيكون طبخك رائع بس لا تفقدى ثقتك بنفسك توكلي على الله
0 تصويتات
بواسطة
المفروض يشكرها ويحترمها البنت مسكينه تتعب على شانه ويعطيها الثقة اشوي اشوي إلى ماتصير فنانه بالطبخ بس زوج ما يفهم شي ويحطم بس بنهاية بتخليه نايم ف المطاعم ف بعض الأزواج عندهم نعم بس مو حاسين فيها للأسف.
0 تصويتات
بواسطة
ببساطة لا تطبخين وخبريه بنقول لأمك تطبخ لنا مع طبخها و نعطيها مبلغ شهري
0 تصويتات
بواسطة
مع الوقت تتعلمي اكثر وتضبطي الطبخ اكثر توك ف البداية معليش
0 تصويتات
بواسطة
لي كررها قولي جيب طباخة ، لو تدخلين رأسك في الفرن راح تسمعين نفس الكلام
0 تصويتات
بواسطة
عادي ما فيها شي
لو انت طباخه ماهره بيعجبه اكل غيرك
انتي بعد أكيد يعجبك طبخ زميلتك أو أختك
0 تصويتات
بواسطة
علميه بمشاعرك هذي لا تكتمي في نفسك ترى بعض الرجال ما يحس قد ايش يجرح بالكلام يشوفه عادي
0 تصويتات
بواسطة
قولي له هالكلام انك تبذلين مجهود وتعلمتي من نفسك واذا استمر عادي طنشيه ترا يبي يستفزك بس
واذا مالاحظ منك أي ردة فعل بيبطل
بعدين انتي اطبخي عشان نفسك عشان بطنك اهم شي انتي تتلذذين بطبخك وتدلعين نفسك هو طز فيه عله ما اكل
0 تصويتات
بواسطة
انتي كملي وتعلمي وراح تبدعي كل شي يجي بشوي شوي،،صحيح المقارنات تقهر لكن أكيد انتي احسن من امه و أهله كلهم ف أشياء وهي احسن منك ف أشياء أخرى هذا هو التوازن بين البشر ولاتحملي نفسك فوق طاقتها كل شي بإعتدال
0 تصويتات
بواسطة
وردي عليه وقولي أي والله يا طعم طبخها أختك وأمك بتواصل معهم و أخذ الطريقة يستأنس وإطبخي بيعجبه ويأكله وترا خبرة أم أخت 20 سنة مهب خبرة 3 سنين أو 5 سنين ترا فرق واجد
0 تصويتات
بواسطة
أعجبه طبخ أهلا وسهلا ما عجبه الله كثر المطاعم روح كل فيها  خلاص أخذ فكرة ما تعرفي تطبخي لذلك حتى لو بذلتي مجهود بيشوف طبخك ماش ما دري عن مجهودك لذلك انتي اطبخي وامدحي أكلك ولو جاك مدح اكل احد وذم أكلك قولي له انت ما عندك ذوق كلهم يمدحون اكلي تلقائي بيحب أكلك لأنك وثقتي بنفسك ومدحوك
0 تصويتات
بواسطة
عادي جددددا بالعكس لا تحاولي تنافسينهم بل حسسيه انك تتعلمي منهم.. و انتي تميزي بشي ثاني بعينه غير الطبخ.. انا خالتي طباخه الكل يشهد لها و ابوي يعرف هالشيء لدرجه يشتهي أكلها .. و أمي ما تتضايق الاحظها لما ابوي يشتهي شي أمي تتصل ع خالتي قدامه و تسالها عن الوصفات و تسويها لين تضبط .

استفسارات متعلقة

...