Question

زوجي واسم امه

ام زوجي واسم بنتي ! زوجي سمى بنتي على اسم امه القديم ! زوجي واسم امه !

ايش الحل مع زوجي الي مخه محجر ويبغى يسمي بنتي المولودة باسم امه القديم ويقولي هذا من بر الوالدين وانا وعدت امي اني اسمي باسمها ولا راح اغير كلامي.

اخاف ان بنتي تتعقد باسم امه للعلم اسم امه مو مقبول في هالسنوات 2020 أو 2021 وفوق !!

Answer 1

حرام عليك اتقي الله فيها
طيب اسمها مو حلو هي وش ذنبها قطعة منك وليته على شي يسوى عشان اسم وأنا متأكدة إن اسمها حلو بس ماجاء على هوا بالك قمتي تحطين حرتك فيها ضعيفة الله
والله لو يصير لها شي لتبكينها دم بذل الدموع اتقي الله فيها وطلعي لها اسم دلع من اسمها الحقيقي

Answer 2

بس لا تجورين عليها
الله عاد والأسماء الجديدة اللي هابين فيها الحريم يجمعون لهم كم حرف وقالوا اسم
وإن سألناهم توهقوا في معناه وحطوها في راس (الشمس التي تشرق في بوتقة الصحراء الملتهبة )
يعني الحين ذا معنى الاسم اللي مخترعينه
بنتك خافي الله فيها وكبري عقلك

Answer 3

انتي جبتي المرض والقهر لبنتك بسبب  رفضك لها الآن ،خلي العناد عنك ،اذا كبرت البنت تغير اسمها
اتقي الله بالطفلة

Answer 4

الله يشفيك يا المتخلفة كل هذا حقد على أم زوجك السنوات تمشي ويجي حريم لعيالك يطلعون عينك

Comments

والله التخلف اللي زوجها فيه ، بنتها وأحق بتسميتها وماتبغى ذا الاسم وين الحقد !

Answer 5

أنا أحقد على الرجال الي كذا يورث الأسامي عقبال ما يورث جهنم

Answer 6

تعوذي من الشيطان مراح ينفعك الا بنتك حرام صغيره مالها ذنب واحمدي ربك على نعمه غيرك يدفع الالف عشان يجيب ضناء ضميها احضنيها وإذا على الاسم حطي لها اسم دلع

Answer 7

البنت وش ذنبها هي ما اختارت اسمها تطلعين حرتك في الضعيفة
لو فيك خير طلعي حرتك في إلي سماها ولا تخافين ع زعله
ولو وش ما كان الاسم الإنسان بنفسه يحلي الاسم أو يخربه
طلعي الأفكار الغبية من راسك وخلي عندك ثقة  بنفسك وبطريقة حياتكم كل واحد له عادات وتقاليد افتخري فيها

Answer 8

والله قهر / المفروض الاسم يتناقش الأم والابو عليه ، مهب اتعب واحمل واستفرغ شهور واولد ويشقشقوني وفي الاخير يجي يسمي على كيفه حتى ماياخذ رايها عباله رجوله / ذكرتيني بصديقتي مسكينه جابت ولد وسماه ابوه ( ظافر ) على ابوه
وين النسويات عن ذا الموضوع
بدال يشغلون انفسهم بالختم والشيخة

Answer 9

بعض الرجال كريهين اعوذو بالله مايتفاهموا
لو انا منك بسميها الاسم اللي ابغاه ولو كبرت بقلها اللي سجلو أسمك غلطو بالكتابة وأوراق رسميه ماقدرنا نغيرها

Answer 10

انتي فيك اكتئاب انتبهي لنفسك وبنتك انتي تعززين ثقتها بنفسها وتخلينها تحب اسمها.
قسوتك معها راح تخلي شخصيتها مهزوزة وراح يأثر فيها اتفه كلمة وبتكونين انتي السبب مو هم.

Answer 11

إذا ماقدرتي تقنعينه
شوفي امه او ابوه او احد من خواته يمكن  يقنعونه يغير الاسم
او اقلها قبل تدخل المدرسة غيروا اسم البنت!
قولي له إذا كبرت ودخلت المدرسة وضحكوا عليها البنات ترا بنتك بتلومك على اسمها وتزعل منك!
وانتي لا تدمرين نفسك وشخصيتك وبنتك بسبب اسم
إذا ماقدرتي خلاص تقبلي

Answer 12

انتي المريضة مو زوجك و تحتاجين علاج مكثف الطفل إلي عندك ماله ذنب ..
ما أتوقع أن اسم عمتك سيء الى هذي المرحلة ممكن يكون قديم صحيح ..
من أسلوبك عرفت انك تكرهين عمتك علشان كذا كرهتي بنتك

Answer 13

انتي من صنع الجهل الاسم يضل اسم احسني تربيتها بتكون احلى بنوته أن شاء الله

Answer 14

مال بنتك دخل في هذا الموضوع
وفكري اكثر
والاسم يتغير ان شاء الله
بس لاتدمري بنتك من صغره

Answer 15

انت مكبرة الموضوع ما يحتاج كل هذا الهم والاكتئاب إذا كبرت تقدر تغير اسمها بعدين في أسامي قديمة بس فخمة مثل سارة أو منيرة..  نورة ...مها… هيا.. يعني إذا اسم بنتك حول هذي الأسماء لا تكدري خاطرك

Answer 16

وش ذنبها ما لها دخل تعامليها كذا!
أغلب أسماء جداتنا وأمهاتنا عربية أصيلة ولها معاني نبيلة.
خليك من خرابيط الأسماء هذه الأيام !!
خافي ربك وش العقليات ذي ؟!؟
الذرية نعمة غيرك ما لقاها !!

Answer 17

والله ماله حق يفرض اسمها من غير موافقتك ... وانتي مالك حق تحطين الحرة ببنتك ... ليش ماخليتي لها اسم انتي تحبينه تنادينها فيه ولما تكبر تغيرونه له

Answer 18

لو إني مكانك أناديها بالاسم إلي يعجبني وخليه هو يكتبها بكيفه

Answer 19

حسب اللي اشوفه من رأيي الشخصي انه المشكلة ماهو فالاسم ولا هو حتى فالأب المشكلة فالأم عندها مشكلة نفسية قديمة ولا عالجتها وبدأت تظهر أثآرها على بنتها اتمنى تعالجين نفسك عندك اخصائية نفسيه والاهم من هذا كله حاولي تكثرين من قراءة القرآن والمحافظة على الصلوات في وقتها

Answer 20

لماذا اسم بنتك محرج بالنسبة لك؟
هل فيه صفة مذمومة ؟ أو معناه قبيح عند المجتمع؟
إذا كان لا هذا ولا ذاك فحرام ما تفعليه بها! احبي بنتك وحببيها باسمها وازرعي فيها الثقة بالنفس وباسمها كي لا تتعرض للتنمر ولا تواجه مثل مشاكلك

Answer 21

اعرف وحدة مسمية بنتها ع جدتها والبنت زي القمر ومتعايشة مع الاسم وجدا كيوت وبنتي كذلك ع جدة والدها
ولا تنسي ان الانسان له من اسمه نصيب لعل بنتك تجد البركة
اتركي اسلوب الزن ومحاولات كسر كلمة زوجك وانظري للجانب المشرق من الموضوع.

Answer 22

كله همه يعاندني يابنتي اغسلي قلبك بمويه زمزم لعل الله ينظف قلبك من هالحقد اللي فيك البنت اقنعيها ان اسمها حلو وربيها تكون شخصيتها قويه وعلميها كيف ترد بقوه ع المتنمرين
تراه اسم وعيالك الجايين بتسمينهم من قلبك الاسود قتلتي فرحتك بطفلتك الاولى وبعد تكرهينها وهي قطعه منك لأنه سماها

Answer 23

البنت شذنبها !!! وتعاملينها بقسوه عشان اسم ؟؟؟؟!!! ما اقول غير الله يحفظ البنت منج والله. خافي الله في بنتج

Answer 24

حرام خليك حنونه على بنتك مو عشان اسمها زي جدتها عاملتيها بقسوه اتقي الله في نفسك

Answer 25

المشكلة مهو بالاسم، المشكلة برأسك اجل تعاملينها بقسوة عشان اسمها.. الله يكون بعونها هي و ابوها عليك

Answer 26

وش دخل بنتك بالسالفه يوم تعاملينها بقسوة وتكرهينها !
حقيقة انتي تحتاجين علاج عاجل

Answer 27

يابخختك بسسس
بالعككس ترا الاسم يروح ويجي وسعي صدرك وبنتك مالها ذنب ترا تجيك مصايب بسبب قسوتك على بنتك انتي هيئي لنفسك انه راس ماله اسم
انشغلي بتربيها و حبيها بالعكس بكرى اذا كبرتي وكبرت بتندمين
معظم الشعب السعودي كذا رجالهم مافيه تفااهم يعني مو بس انتي الوحيده عاادي سهلات

Answer 28

عموماً الف مبروك البنوته وترا البنات يوسعن الصدر ودمهن خفيف ويعطن البيت روحح لاتكسرين مجاديف بنتك عشان اسم،يابنت الحلال
بكرااا بتنبسطين بها وتحمدين ربك انه عطاك اياها بتقولين انا وين يوم كنت اقسي عليها بسبب اسم خلي روحك رياضيه انتي متحسسه بزياده على الاسم
ولا يدرى وين الخيره

Answer 29

في النهايه يطلع اسمها فاطمه ولا نوره وامها من جيل ٢٠٠٠ نفست وتبي تولين ومولين

Answer 30

أولًا مافي عذر انك تعاملي بنتك بقسوه وعلشان اسم مكبره السالفه لو انتي ام وتستحقي كلمة ام كان حبيتي بنتك احمدي ربك انها مافيها عيب خلقي يعني علشان اسم تصيري بدون احساس

Answer 31

من حقك تكرهين الاسم اذا كان مره شين وقديم وبنتك انظلمت فيه .. لكن تعاملين بنتك بقسوة عشان اسم وش اقول

Answer 32

حرام عليك راعي بنتك ومعاملتك لها لاتخلي بنتك تكرهك دلعي بنتك باسم آخر يبقي معها الكبر احتضني بنتك لا نفسي عليها الله يهديك

Answer 33

عادوش تسوين تكرهين بنتك عشان الاسم الحين دورك تحبين الاسم وتخلين بنتك اذا كبرت تشوف اسمها مميز وتحب اسمها انت بكره في نظرك بيعلقون على اسمها فانت وقفيهم عند حدهم وان اسمها اجمل اسم
واحذري احد يقولك سميها الاسم الي عاجبك في البيت وعند مجتمعك لانها راح تتعب مع اسمها الحقيقي في البطاقة

Answer 34

معليش مهما أن زوجك غلط وصدمك بالاسم إلا إن أنتي اللي منفسه بنفسك وبتنفسين ببنتك ارحمي بنتك ونفسك من هالاشياء المميته للقلب ،. أخوانه مالك شغل بأسمائهم ولا تقارنين ، مايفكر بمشاعر بنته لسى صغيره !؟!؟ اذا تقبلتيه وحبيتي الاسم صدقيني بنتك بتنبسط وتكون سعيده

Answer 35

الآن بنتك تعاني من تنمر منك بسبب جهلك وتخلفك وقسوتك ايش ذنبها تكون ضحية أب وأم جهلاء اصلاً ماراح تدخل المدرسة إلا أنتِ محطمتها ياأم ياحنونه ؟!! الحل تقبلي بنتك تقبلي بنتك تقبلي بنتك بكل شئ فيها اسمها وشكلها عشان تقدر تتقبلك إذا كبرت نصيحه عالجي نفسياً تحتاجين

Answer 36

بنتك مارح تسامحك اذا كبرت وراح تحقد عليك وتتمرد وتنحرف لو بقيتي تقسين عليها اتقي الله فيها وش ذنبها انو اسمها على اسم ام زوجك .. خلص ربي خلقها وخلق اسمها معها ..وش ذنب هالضعيفة تظلمينها اتقي الله فيها لكن مااقول الا الله يكون بعون بنتك على عقليتك

Answer 37

المشكله مو في اسم بنتك مشكلتك نفسيه تعالجي وبتزين امورك الحمدلله والشكر مو كفو امومه انتي حرام عليك ياشيخه ايش ذنبها بنتك

Answer 38

الله يرحم حالك حسيت ب وضعك من كلامك .. لكن بنتك مالها ذنب .. لو حاولتي ومافي امل يغير اسمها ماالك الا انك تنادينها ب اسم الدلع وخلاص مشي حالك فيه وش تسوين بعد

Answer 39

اموت وعرف شنو اسم البنت لجل تتعنف وتتعامل لهالاسلوب الجهل مو من زوجك الجهل من تفكيرك وتعاملك للأسف ناس تحفي لآخر الدنيا عشان يجيها نعمه زي كذا وانت لجل الاسم داخله اكتئاب وخناق وبهدله مايحتاج كل هذا بالمختصر اتصرفي صح ناديها بالاسم اللي تحبيه لين تكبر تغير اسمها بنفسها ونتهى

Answer 40

احكيله انك وعدتي امك تسمي البنت بأسم امك وبس، المشكله صغيرة جدا