Question

خطيبي يبيني اطلع معه فندق

خطيبي يبي اقابله في الفندق ! مقابلة خطيبي في الفندق وش اسوي !

السلام عليكم يا إخواني وأخواتي أنا مملكة لي 3 اشهر وتحدد وقت زواجي لكن خطيبي يبي يطلع معي كوفي بدون أهلي يدرون و يبيني اطلع معه فندق و أنا رفضت لان مو من عاداتنا هالشيء هل أنا على صواب أو هو له حق ؟

Answer 1

شرعا يحق له لكن انت اثقلي وما تسوي شيء تندمي عليه وخبري اهلك ممكن ورآه شيء او يسحب عليك وحتى ما يصير محمس للعرس وتكاليفه ممكن يطول اذا هو بيحصل على الي يبيه وممكن يبتزك بعدين امام اهلك انك كنت تطلعي معاه من دون علمهم او يختبرك وانت المتضررة في كل الحالات

Answer 2

سمعي يا بنت الناس
بل الزوج الف زوج
وبدل الرجال الف رجال
سمعتك كرامتك شرفك حافظي عليهم
لا تسوي اي شي بدون علم اهلك
ولا تطلعين معاه ابد لا بعلم اهلك ولا بدون علمهم
اللي يطلب من خطيبته هالشي يكون ماضيه اسود وتفكيره منحرف ويمكن يبي ياخذ منك اللي يبيه ويطلقك ويحط العيب فيك
واذا هو مرسل لك ع الواتس انه يبيك تطلعين معه بدون علم اهلك صوري الشاشة وخلي دليل اثبات عليه عشان لا سمح الله فسخ الخطوبة والغقد يكون عندك شي يثبت حقك ويحافظ ع سمعتك.
اللي مثل هذا ينخاف منه .

Answer 3

انتي على صواب مليون بالميه , انتبهي تطلعين , يزعل ولا مايزعل مو مهم مو رجال الي يقولك بدون علم اهلك حتى لو ملك عليك

Answer 4

انتبهي نصيحتي لك لاتطلعييييين والله تندمين

Answer 5

لما قال اهلك لايدرون هذا وراه إن إنتبهي لنفسك نصيحه من اخت لأختها تكفين لا تبيعين نفسك حتى تكسبين رضاه  وقولي لاهلك كل شي يدور بينكم

Answer 6

مو رجال اللي يقول اطلعي معي بدون علم اهلك حتئ لو ملك عليك

Comments

يمكنه يختبرها ويمكن نيته طيبه ومستعجل ومستحي من اهلها بس ولو غلطانه الف بالميه لو وافقت مو فصالحها هالشي وحتى هو يمكن يعايرها بهالشي

Answer 7

ما اسرعهم أول ما يتملك ع طول يتكلم في الأمور الجنسية ويبي كل شي سريع صبرك البنت الحين يالله تتعرف عليك وانت خاش بالعرض يقهرون

Comments

من جد لازم يستوعبون ان كل شي بالمقدمات يحلى وكل شي له وقته وطعمه ليش تروع بنت الناس استمتع باول التعارف وباول المحبه الكلام الحلو والغزل اللي لسا مافيه تعمق والنظرات والتنازلات والهدايا والاشعار والتعاهد وتقريب وجهات النظر

Answer 8

مادام مو من عاداتكم لا توافقين واصري على راييك والمفروض ماينصحك بطلوع معه بدون علم اهلك

Answer 9

انتي على صواب ورفضك هو التصرف الصح

Answer 10

وليش اهلك م يدرون لاتطلعين معه الا بعلمهم ... ومن يمشي بالنور مايخاف

Answer 11

على صواب ولا تطلعين معاه لو ايش يصير، بعدين يشك فيكي ولا يسيبك انتبهي

Answer 12

قلبي ربي يسعدكم ويتمم لكم على ،أنت على صوب لا توافقي ،رددي ما أخرجوا من  ورا أهلي ومبروك وحياة سعيدة

Answer 13

لاتطلعين معه الرقاله مالهومش امان
قولي له كافي اوكي  بتصريح من امي وابوي
اما فندق لا
واذا زعل بطز  اللي جابه يجيب غيره
اهم شي نفسك واهلك

Answer 14

لا تخرجي معاه ولا مكان قولي البنت لما يتحدد زواجها تنحبس في البيت عشان تتجهز وماتتحرك الا ومعاها احد خليه يصبر قال فندق بكره ياخذ حاجته ويسحب حتى الزواج يسوي بدون نفس

Answer 15

نصيحه لاتطلعين معه ابد وحتى لوزعل عادي اهم شي ماتغيرين رايك وصدقيني هذا مافكر بكلام الناس عليك

Answer 16

يمكن يختبرك يشوف انتي توافقين والا لا ، اذا وافقتي معناته طلعتي مع غيره ، طبعا بنظره طبعا ً

Answer 17

انا ماايد خروج البنت مع الولد ايام الملكه .. لا اثنين الا الشيطان تالتهم .  وبيصير كتير .. زي كده . بيقولها انا زوجك ..وبيضحك عليها .
وبعدين بيجي على راسها . وفي الا عادي بيكمل وفي ياللطيف بسيبها ويطلقها

Answer 18

فعلتي عين العقل طيب ليه بالسر معناه بقراره نفسه يعرف ان اللي قاعد يسويه خطأ

Answer 19

اطلعي معاه مو مشكله لكن: ضروري جدا يكون بعلم اهلك ضروري وموافقتهم، اسأليه عن سبب طلبه لعدم معرفة الاهل غريب جدا؟؟
ممكن يكون اختبار منه لك هل ممكن تكونين غبيه وتطلعين معاه قبل الزواج وبدون علم الاهل
ثانياً: ارفضي تماما طلعة الفندق واضح غرضه وما اايد هالشي ابد قبل يوم الزواج
موفقه

Answer 20

قريتها لأمي واختي قالو لا تروحين معه ابداً الفنادق ترا بتندمين ، كل شي بعد الزواج افضل

Answer 21

لا انتبهي يا اختي هاذا جالس يختبرك وممكن يسوي لك شي انتبهي ... حتى بعد الزواج اطيحين من عينه واتمنى خطيبك يكون صريح معاك قدام اهلك واتمنى تسألون عنه اكثر هل هو اهل للثقه والا لا

Answer 22

انصحك نصيحه لوجه الله اسألي عنه اكثر قبل زواجك منه ... لان لو انه رجل مايقول اهلك مايدرون... المفروض يخاف عليك

Answer 23

يمكن انه رجل محترم لا تظلمونه بس متحمس زياده بس لا تطلعين معه ابد ابد حتى لو اهلك راضين لاحقين خير حبيبتي خلك ثابته على رايك اذا هو شاريك بيتنازل لك انا مريت بهاالشي وهورجل محترم بس رفضت طلبه مع انه حاول مره ومرتين عادي الطلب من الشباب بس لا تطلعين

Answer 24

مافيه شي اسمه اطلعي بالعكس يمكن يبي يختبرك يمكن لعاب ويمكن منفتح وهذا متعب للغايه ولكن الشاب اذا شافك متمسكه بعاداتك ودينك وتقاليدك اعجب بك وتمسك بك اكثر بلاش تبيعي نفسك وتقولي يالتني مسمعتوش

Answer 25

لا طبعاً لا والف لا سوا نيته شينه او زينه الله العالم بالنيات لا تسمحين له ابدن وصدقيني مهما زعل من داخله بيحترمج وبتكبرين في عينه حتى بعد سنين لما يتذكر والشيء الثاني خلو للزواج طعمه وقيمته والشوق له لا تفسدونه باللقاءات في الفنادق خلي يتلهف عليج لآخر لحظة ليلة العرس

Answer 26

لا يا قلبي الحق معاك شباب هالزمن مجانين و لا يعتمد عليهم اخاف يسوي فيك شي و فجاءه يسحب عليك

Answer 27

الا على صواب وخله يطق براسه الفين جدار والرجال في هالوقت ماينومن انتبهي ثمن يقولك يالخفيفه

Answer 28

مستحيييييييل  انتببببهي حتى لو هدد بفصخ الخطبه اولا احتمال انه يمتحنك 2  للاسف شكله يبي لاحول ولاقوه نهائي ارفضي قهوه واخوك على الطاوله الثانيه معليش

Answer 29

الا على صواب ونص ...خير من غير اهلك مايدرون انتهبي كم بنت راحت ضحيه الامور

Answer 30

صح مئه في المئه لا تطاوعينه بيضيعك ويضيع سمعتك ليش يقول لا يدرون اهلك هذا ينخاف منه ويمكن اختبار لك نصيحه خليك قوية وقولي لا حتى لو فسخ الخطبة

Answer 31

وعليكم السلام ورحمة الله وبركاته انتبهي تطلعين وانتي غبيه فتحتي الباب من اوله كوفيات لاتسوين اي شي من غير علم اهلك لاحقين خير ويبي يمل منك الين يشبع بس الحين طاف بعدين يبدا يفكر انتي تطلعين مع عيال من غير علم اهلك معليش بس انتي وحده غبيه

Answer 32

قووولي له احلام سعيده لاتطعين امكن كووفي اهوون بس اهلك يدرون  بس فندق مابقي شي لا يستغفلك   مدامكم مستعجلين  عجلووووو بالعرس الملكه الطويله ماوورها الا المشاكل

Answer 33

طبعا انتي على صواب ولو وصلت مرحلة مع خطيبك انو يتركك لا تطلعي معو وتختلي فيه الا بعد العرس

Answer 34

على صوااب وستين صواب ماعليك منه تحدد الزواج يصبر الله لا يهينه والا يقضب الباب ترى اللوم كل اللوم عليكي انتي انتبهي انتبهي

Answer 35

دام هذا كلامه انتبهي لاتطلعين معه اي مشوار حتى لو بسيط يبغى يشوفك يجي بيت اهلك واذا مستعجل يعجل بالزواج

Answer 36

لا تطلعي معاه انتبهي إيش فيها لو جا بيتكم وجلس معاك وأهلك موجودين...
اكيد فيها شي إيش معنى يقول لك لا تقولي لأهلك..انا زواجي كان باقي له بس ايام وزوجي جا تحت بيتنا يقول لي افتحي لي الباب نجلس سوا مارضيت يقول لي يلا نطلع نتعشى مع بعض مافيها شي زواجنا بعد كم يوم رفضت

Answer 37

إذا اهلك على علم الحمد لله عادي اطلعي معاه كافي او مطعم وغير كذا لا ما انصح وخلك قوية وواضحة معاه بمثل هالأمور

Answer 38

بالضبط كوفي عشا غدا تمشيه او يمرك يجلس معاك ببيت اهلك مافيها شي ابد بالعكس حلوه وممكن تقربكم من بعض
والله يوفقك ياحبيبتي ويسعدك ويكتبلك كل خير