Question

زوجي يتحكم في عبايتي

زوجي يدقق على عبايتي ! شكلي بالعبايه زوجي يفرض علي عباية الرأس !

أنا من أول ماتزوجني زوجي خلاني ألبس عباية رأس بكل مكان وعيا يقتنع ، صار لي سنة طفشت من عباية الرأس حتى لمن أداوم للجامعة أحس اني مو واثقة من نفسي و المشكلة أنه هو نفسه مو ملتزم.

Answer 1

المفروض من البدايه لما قالك رفضتي وقلتي له دام اخذتني تقبلني بكل شي بس دام سمعتي كلامه وطعتيه صعب تتراجعين القرارات حتى لو مع امك ابوك اختك لا تسوين شي الا بقناعه تامه من البدايه ولا تسمحين لأحد يجبرك بس ما انصحك تعاندينه بعد سنه كلميه بأسلوب مارضى الله يعينك

Answer 2

اذا هذا اسلوبه من البداية لا تضيعين عمرك معاه اجلسي معاه بهدوء و اعطيه كلمتين يا يغير أسلوبه الإجباري ولا طلقيه
بكره يغير رأيه في حاجات ثانيه و انتي زي اللعبة بيده

Answer 3

الدنيا تبي والاخره تبي فا اذا اخذتى لصالح الدنيا اضريتى بالاخره
واذا اخذتى لصالح الاخره اضريتى بالدنيا
فااضرى بالفانى للباقي
لا احد يقول لي ليش مو ساتره بس هى ملفته
يعنى عبايه الرأس اكثر ستر واكثر حشمه منها
مع أني ما حبيت أنه يجبرك المفروض يحببك بالشغلة اللي يبيها بدون ما يفرضها عليك
لحد ما تلبسينها عن اقتناع وحب
وترا الموضوع ما يستاهل يعنى خذيها بسهالات

Answer 4

استغرب الردود الي يقولون خليه يقصر ثوبه ويعفي لحيته. ويصلي الفجر ليه هي داخله خرب معه الرجل يرى الفتنه حولنا من حقه يغار على زوجته مو شرط يكون مقصر ثوبه ومعفي لحيته لاتخببوا الزوجة على زوجها اختي السائلة لاتاخذين الموضوع تحدي وبتقتنعين وتعودين عليها لانها فعلا استر للمرأة

Answer 5

تركتي كل حسناته وعلقت على رغبته بلبس عباية الراس
ماينلام من كثر مايشوف الفساتين اللي معروضه عالبنات
لاتخلينها قضيه الله يصلح حالكم

Answer 6

نفس مشكلتي آول ماتزوجت من أول يوم لبسني علي الرأس وجونتي وانا عمري 18 وحملت بطفلي الاول واخذني المستشفي اللي يعمل فيها أحلل وشافوني أصحابه معاه قالوا له سلامات اشفيها الوالده عسي ماشر مريضه ومن يومها البس علي كيفي وطبعا غيرت شخصيتي الغبيه ماتوا الأغبياء

Answer 7

مشكلة البنات لما زوجها يعارضها على شغلة على طول تروح تدور حل من الناس...
زوجك هو زوجك تعرفين ايش يعني زوجك!!!
فيه أساليب اخرى تخلينه يرضى على عبايتك وعليكِ يا هبلة ... مع احترامي الشديد لكِ

Answer 8

استشعري بأنوثتك بدل ما تستشعري بالعربجيات أمهات عباية ساتان وألوان وأزارير / ثانيا عبايتك البسيها على راحتك بشرط ما تأثمين في لبسها وادا منتي واثقة من نفسك فمعناته انتي شخص يراقب المجتمع ويقلد وسبب انتشار نوع معين من اللباس وغيره هو كثرة الإمعات للأسف

Answer 9

الله يصلحك بالله هذه مشكله صدمتيني المفروض تحمدي ربك ع هالرجال ب زمن قلو فيه الرجال وبعدين الحين العبايه راس ماتعطيك ثقه ب نفسك والله انه فخر وعزه وستر للبنت بصراحه مصدومه من راعية والسؤال

Answer 10

طيب أنتِ مافكرت ليه كذا ؟ يعني بالله استر شي مخزيء ؟ ياخي اتق الله هذا رجل غيور ويحبك وحتى إن كان مب ملتزم أنتِ بعد غيريه وخليه ملتزم. دائما فكري وش بستفيد من هذا الأمر؟ اللله يجزاه خير واخلصي النية لله وابتعدي عن المخببات تراهم كثير هنا

Answer 11

مثل المشكله ذَي مع زوجي يعني هو مو متدين والدين في وادي وهو بوادي ثاني بس كله علشان نظرات وشهوانيه الذكور  المشكله انو مو طالع مني شي ولا مخصره العبايه بس سبحان الله حب التملك حب التآمر والسيطره يمشي بعروقهم

Answer 12

والله يا حبيبتي العباية تمثلك وتمثل تربيتك في بيت اهلك اذا صاحبتك مأثرات عليك ومخليك تلبسين اللي هم يبون فانصحك تتركينهم !!

Answer 13

والله ياحبيبتي اذا انتي ماحرصتي على عباتك فالله راح يحاسبك ، لاتخافي من زوجك وخافي من ربك

Answer 14

أنتِ في نعمة كبيرة والله احمدي ربك واشكريه عليها ولا تعاندي زوجك حبيبتي صدقيني الانسان الي بيتقي الله فيكِ وخاصة في لبسك ترا هذي نعمة كبييييرة والله.

انا بلبس عباية كتف وبدعي ربي ليل نهار زوجي يقبل اني البس عباية الراس امانة ادعولي

Answer 15

شوفي بالنسبة لي كنت لابسه عبايه الراس عن قناعه من ٦ ابتدائي الحمدلله
بس بعد الملكه قررت اني اغيرها ماكان فيه سبب معين ولا عيب في عبايه الراس بس حبيت اغير واخذ شي عملي اكثر واخذت عبايه سوداء ساده تفصيل واسعة مافيها اي شي يبين معالم الجسم بشكل واضح وحتى الحجاب اخترته تفصيل لان المعروض يكون العرض صغير لايغطي الصدر والاكتاف والظهر والحمدلله لبستها بعد اول يوم زواج امامه رفض بالبداية لانه شافني في عبايه الراس ويعرف حجابي بس سويت له عرض مرئي  بمواصفات العبايه انها مطابقه للشروط حجاب الفتاه المسلمه والحمدلله تمت الموافقه بكل هدوء وسلام