Question

متزوجه واحب ولد عم زوجي

متزوجه واحب شخص غير زوجي ! متزوجه واحب واحد متزوج !

أنا متزوجة من رجال من قبيلتي وعندنا ولد عمره سنة وزواجنا كمل 4 سنوات ، المهم بحكم فايروس كورونا صرنا نجتمع في فيلا وحدة والفيلا هذي فيها 5 عوائل كل عائلة في شقة ونجتمع جمعة المغرب في الفناء الخارجي للفيلا.

المهم لمن اسمع سوالف زوجي وسوالف الرجال الثانين استحقر زوجي واشوف انه مايعرف يسولف وكلامه غبي ولكن لمن اشوف كلام ولد عم زوجي انصت له صح وأحس كلامه جدا جميل.

انا بصراحة احب ولد عم زوجي وهو متزوج من وحدة أكبر منه واحسو مو مرتاح معاها.

Answer 1

اولاً المفروض ما تجتمعون مع بعض حتى لو عاادي عندهم المفروض انت ما تكشفين وبعدين ولد عمه تكشفين عليه سلامااات حتى اخوة ما يصح انك تكشفين لانها مفسدة وثاني شيء يمكن ولد عمه مسوي راقي معك ويمكن اخلاقة اسواء من زوجك انتبهي الشيطان يزين لك

Answer 2

لا مو السبب أهل زوجك انتي السبب واجهي نفسك وأغلاطها (وماأُبريء نفسي ان النفس لأمارة بالسوء ) راجعي ربك واستغفريه وتوبي اليه ومحد حالف عليك تجتمعين فيه لما يجي خليك بشقتك ولاتطلعين

Answer 3

اكيد بيتميلح يعني !! بس خل يقعد زوجك بالجلسة وشوفي كيف يتكلم معك وقيسي هذا على كلامه معك بدون زوجك ! .. استغفرالله ي بنتي شيليه من بالك ولا عاد تقابلينه

Answer 4

الحمو الموت ياحبيبتي
واذا على اسلوبه راقي معاك هذا لانك مو زوجته ماتعرفين فضايحه
كيف المفروض يعاملك لو مايعاملك برقي ولطافة ادحري الشيطان هو اللي قاعد يزين لك

Answer 5

اكره هذي العادة ولا اتقبلها ايام زمان غير والحين غير تعوذي من ابليس واذا انتي ادميه ماعندك كنترول على نفسك انثبري ولا تختلطي في احد شي مقرف

Answer 6

اول شي اقطعي هذه الجلسه المختلطه معاهم ، وثاني شي والأهم انه لو تهورتي وغلطتي مع زوج قريبك والله والله لغير دمري ولدك بسبب السمعه...واقولك شي هذا الي تقولي عنه طيب معاكي والله لو اخذ منك الي يبغاه لغير بعدها بفضح فيكي ويتفل عليكي طبعا اذا كان واطي واذا يخاف الله.

Answer 7

لا حول ولا قوة الا بالله
هذا كلب يتميلح قدام قمامة
ولو نبش الكلب القمامة عافها وبحث عن غيرها
وبعدين مصير القمايم للكلاب

Answer 8

أي رجال طالما انه مو زوجك بيكون معك لطيف وصدقيني ولدعمه ما راح يفرق عن زوجك تعوذي من ابليس ولاعاد تجلسين لا مع عيال عمه ولا اخوانه حرااااام احفظي نفسك عشان الله يسخ رلك زوجك هذي تعتبر خيانه الي تحسينه هذا مو حب هذا ابليس مزين لك الخيانة

Answer 9

حبيبتي لا تتفاعلي معه ولا تهتمي لأسلوبه النجس حبيبتي  تغطي عنه ولا تقتربي منه ولا تفتحي له مجال يا قلبي زوجك نفس كل أزواجنا جافيين معنا . لو ماهم جافيين معانا ما نعتبرهم رجال يا قلبي جفافه مش وقت النوم وهذا هو المهيم هو ما راح يغازلك 24/ 24 قدام لكبير والصغير أجلسي مع النساء

Answer 10

هذي مبين ماتشتغل وماتشوف من البشر الا زوجها وعيال عمه ،، مشكله للي مو متعودة عالرقي ،، ترى هذي العينات هم نفسهم اللي بتويتر  تشكرها عالعام وتعطيها
تلقاها نطت لك خاص ،، ماشافت خير

Answer 11

احذري منه ترى مسوي فيها أنه راقي ولو اخذ الي يبيه منك شفتي وجهه الثاني

Answer 12

سبحان الله كل ممنوع مرغوب واكيد لو انك طلعتي يوم او يومين مع ولد عم زوجك كان كرهتيه لكن لما يكون ممنوع يكون واو