Question

زوجي يضيف بنات سناب و يكلم بنات في السناب شات و هذي ثالث مرة و طلبت رضوة 

أنا متزوجة من سنة تونا مالنا و مااخذنا على بعض ، تفأجات أن زوجي آخر الليل يضيف بنات من الاكتشاف في السناب شات ويكلم بنات ويراسلهم ويواعدهم أنه يحجز لهم فندق علشان يخونني معاهم !

هذي ثالث مرة خلال سنة وحدة اكتشفت أنه يضيف بنات سناب ويخونني وياهم بالكلام وأنا زعلت والحين في بيت أهلي وطلبت منه رضوة 30 ألف علشان أرجع.

Answer 1

بيرجع يعيدها ويذلك فيه كل ما طق عود حصات قال معطيك رضوة ولو طلبتي الطلاق ورحتي وقدمتي عليه بيقول للقاضي معطيها رضوة وخذتها بيقولك رجعيه له ويطلقك فانتي اذا ما بينكم عيال وعايفته الانفصال افضلك والراي لك في الاول ولاخير

Answer 2

تبغي الصراحة دام همك الفلوس والرضوة الكبيرة علشان تسامحيه هذا يدل على خلل بالبيت اصلاً انتي ماديه جداً والرجال صار يطلع يرفه عن نفسه بالغلط . راجعو حساباتكم هو مخطي وانتي مخطيه.اجلسو مع بعض وحلو أموركم و لاعاد تفتشين عمر التفتيش مايجيب خير وربي يقول ولاتجسسوا.

Answer 3

الفلوس ما راح تعطيك الأمان معاه والراحة النفسية

Answer 4

ارجوا من الجميع عدم الإدلاء بأي رأي لأن الطرح ينقصه بعض التفاصيل الهامة جداً .. طبعاً اذا كان الموضوع قد طرح على محمل الجد لإيجاد حل

Answer 5

شلون خيانة  للمرة الثالثة رضاوتها 30 ألف
انتي حددي وش تبين روح ولا مادة

Answer 6

الفلوس ما راح تعطيك الأمان معاه والراحة النفسية وراحه البال اللي يسويها مره بيسويها مليون مره دامك رضيتي بالفلوس كل مره بيسويها ،، الصدق والاحترام والوفاء والثقة اهم شي في العلاقة

Answer 7

اعيد و اكرر .. يا كرهي للي الحلال قدامه وبين يديه ويروح للحرام .. ليتني اعرف كيف تفكر بس !!!

Comments

لأن الواحد يطفش من اللي قدامه و ضامنه

Answer 8

في كلا الأحوال ما راح يطيب قلبك عادي خذي الرضوة واشتري شي ينفعك بيجي اليوم اللي تتركيه من قناعتك الشخصية هذولا العينات ما يتأمنون ولاعاد يهمك والله أذا ماتغير من نفسه ما راح تقدرين عليه خصوصا إذا متعود مايحلا بعينهم الا الحرام .

Answer 9

خوذي القرض واسكتي وخليه حسابه عند ربه عذاب بالدنيا ونار بالأخرة واهتمي بصحتك وبيتك وعيالك ( التغافل )

Answer 10

كل مالي احس ان فيه شي غلط مدري هو فيني ولا فيكم ، أنا والله ما صبر على انسان سيء أخلاق و مو محترم او أناني  أيا كان عادي عندي طاقه اصبر على مرضه حالته المادية كل شي كل شي ألا قل الاحترام وسوء الأخلاق مدري انتم ناس اقوياء جدا مدري انتم صح أو أنا الصح

Answer 11

بيعطيك الرضوة وبيستمر على حركاته وتصرفاته
تطلقي احسن

Answer 12

عمر الفلوس ما تجبر خاطر ولا تلملم كرامتج
اللي ما يتوب من أول خطا راح يتمرغ بالمعاصي اللي ما يتوب لربه يتوب عشانك
الله المستعان

Answer 13

الرضوة ماراح تخليه يجلس بحضنك ويقابلك

Answer 14

وش الرابط العجيب بين الرضوة والمحادثات الحل إذا تقدرين اسحبي عليه فترة لين يتأدب ويعرف قيمتك وراح يرجع لك

Answer 15

خذي الرضوة وجربي اهم شي تطلعين بنتيجة مستقبلا أن عقل اوك ما عقل طالعه بمبلغ انتي وضميرك وقتها ولو ان أبو طبيع ما يخلي طبعه الله يهديه ويفتح على قلبه

Answer 16

خذي الفلوس وانبسطي فيها وبعدها اطلبي الطلاق

Answer 17

الرضوة مو حل ولا حتى راح ينسيك تصرفه
لا تعالجين الغلط بالغلط
ادعي ربك يصلحه ويهديه
ولا تأخذين قرار الا وانتي مرتاحه وواثقه من هالقرار ان لزم الأمر ومو قادره تجلسين معاه
كلميه انك محتاجه تروحي لأهلك كم يوم ترتاحي عندهم وممكن بعد هالشيء يتغير

Answer 18

زوجك راعي بنات و صدقيني ما فيه شي يأدبه لا رضوة و لا قرض و لا غيره فيه شي واحد بس العيال هاتي له عيال عشان يستحي على وجهه و انصحيه يترك البنات و مع الوقت بيفهم انه بجيح غير كذا لا تنكبين نفسك لا بقرض و لا غيره لا تقولي مدريت و لا علمتوني و انتي حره

Answer 19

راجعي علاقتك معه الزوج ما بيدور غير حلاله إذا زوجته قايمه بواجبه على اكمل وجه، في السرير وغير السرير ، وبعدين وش هالمشاعر الي ترضيها فلوس معروفه نوعيتك وما ودي اسهب بالكلام عنها

Answer 20

الحل ابتعدي عن جواله ولا تقربينه عيشي على التغافل وبترتاحين مراقبته كذا بتتعبك
وادعي ان الله يسخره لك

Answer 21

هدديه انك بتعلمين احد ممن يستحي منهم سواءً من اهلك أو أهله

Answer 22

شكلك نفسيه لكن بطريقتك وأسلوبك راح تنسينه السناب واللي معه في السناب
بس واضح همك المال الله يعل بقعاء تصوعك

Answer 23

طيب ليه ما تعالجي نفسك ليه هو ينظر لغيرك أكيد معفنه وخمه ومربره والرجل ابتلش فيك ويحاول يمشي الأمور

Answer 24

الي مثل زوجك ماله حل الا من نفسه يمل يبيله صبر وانتي لازم تبردين قلبك ولا مال الكون ما يهديه وبنفس الوقت خليه يأخذه وانبسطي كل واحد فيكم يبسط نفسه بطريقته و ما في شي ماله نهايه مسألة صبر

Answer 25

طلما تفتشى في المستور ، حياتك ما رايحة تستقر ، ايش اللي خلاك تفتشي جوال زوجك ، اكبروا يا بنات هداكم الله ، والله وتالله إذا ما منعه خوفه من الله لن يمنعه تتبعك ، لا تتعبون أنفسكم بتصيد الفرص والبحث عن ما ستره الله لتعيشوا حياة امنه مستقره

Answer 26

وش تبين ب الرضوة ؟ عساس بيصلح الي بينكم مثلا !
الرجال لو تحطين رضوة أو قروض فوق راسه ويبي يخون بيخون ولا همه .. لا تجبرينه عليك بهاالطريقه .. اصلحي حالك معاه وتفاهمو ف اموركم والي حصل افضل من قصة رضوة ومدري ايش !

Answer 27

هي قصدها تأدبه عشان اذا بيرجع للغلط يتذكر القرض وانتم على طول عبده مال وماديه . وليش ماقلتوا الذكر اللي عندها نسونجي حتى الحرمة وهي في مصيبتها تطلعونها غلطانه غضب الله عليكم

Answer 28

تطلقي منه ، ما تسوى تعيشين مع واحد خاين ..
ولكن طلبك للفلوس وأنها ترضيك وتنسيك خيانة زوجك فهذا فهذا عيب في حقك

Answer 29

يابنت الحلال لا تدورين وراه أسفليه وعيشي حياتك بياخذ فره مده وراهم وبعدين بيمل منهم ويملون منه ويرجع لعقله الله يعينك اذا اخذتي القرض بالله فين بينصرف أكيد له ولبيته فلاتورينه قهرك خليك ريلكس بيجيبه الله

Answer 30

الفلوس لا تعني إلا الخسارة ، و اعني بذلك الدين و القيم والأخلاق كيف تربحينها ..
راجعي دينك أولا قبل زوجك

Answer 31

الله يصلح شأنكم ويعينكم على مابتلاكم