Question

زوجي يكلم بنات سناب

زوجي يكلم وحده بالسناب وش اسوي معاه خيانة واضحة وصريحة ؟

بنات والمتزوجات خاصةً كيف تتعاملين مع الوضع إذا شكيتي أن زوجك يراسل أو يكلم سناب شات مع بنات مع انو ما بين عليه هالشيء بس اذا طلع من عندي نقاط السناب تزيد بشكل فضيع و أنا عارفة و متاكدة مليون بالمية المضافات بنات عنده مررره أنا اغار عليه و مابينت هالشيء له لكن قاعد احترق مادري وش اسوي ؟

Answer 1

زوجي يكلم وحده بالسناب

نصيحة لا تحرقي نفسك وقلبك من أجل أحد ، نفسك وقلبك لك أنتِ فحافظي عليها واعتني فيها جيداً ، كل ما هتميتي بنفسك و حبيتيها وثقتي فيها بترتاحي و لا عاد يهمك أحد ، وثانياً / تجنبي الشكوك والظنون والمراقبة فهي دمار لكل حياة زوجيه أو اخويه أو صداقه.

Answer 2

ماعندك إثبات مجرد شك يمكن مايفتح سنابه الا اذا طلع برى وتجيه سنابات على الخاص ويفتحهم او يرسل ستوري كثير ويصور ونقاطه تزيد او عنده قروبات اخوياه او اهله يرسل لهم او يفتحه وقت هو برى وين المشكله شكك في الهواء. لاشفتي شي بعينك ساعتها شكي

Answer 3

اكبر راسي ولا افكر طالما وهو معي محترمني خلاص الرجال اغلبهم صار كذا وش بتسوين خلاص عيشي حياتك انبسطي ترى مانخلفتي عشان تلاحقيه وتراقبيه خطأ اكبر خطأ طوري نفسك حبك نفسك الزوج له احترامه وتقديره مكمل لك بس مو محور حياتك الفراغ مصيبة

Comments

يعني عادي يخونها اهم شيء هو محترمها ؟ لا وتقولين كلهم الرجال الحين صارو كذا يعني طبيعي تسكت وهو يخونها اذا ترضين هالشيء ع نفسك مو الكل مثلك ؟

Answer 4

طبيعي اي وحده متزوجه ماترضى ان زوجها  يكلم او يراسل او يكون علاقات  اذا كنتي مو شاكه ومتأكده تمام واجهيه  معليش صراحة انتقد واستنقص كل رجل  يضيف بنات في السناب وبالأخص رجل متزوج  عيب وربي حتى مافي احترام لزوجاتكم  وكأنهم بلا مشاعر واحاسيس

Answer 5

لما كنت اقول اتركي مساحة من الحرية بينك وبين زوجك ولا تفتشي في اغراضه ولا يفتش في اغراضك وابحثي عن ذاتك ونمي مهاراتك كنت القى نقد وتذمر من بعض الحلوات ليش اطالب بهذا الشيء ومن حقها تفتش وراه وتعيش في نكد ووسوسه هي خذي مثال للحياة الكئيبة !!

Answer 6

صراحه سببك ماش يا اختي انتي قاعده توسوسين تعوذي بس من الشيطان، وعيشي حياة طبيعيه ... لأن الوسوسه ذي بتسببلك امراض نفسيه بعدين ، وتصيرين توسوسين في كل شيء صغير وكبير ... صلي ركعتين تقربي فيها لله، وادعي فيها وتعوذي من الشيطان والله يوفقكم

Answer 7

لا تشغلي بالك ولا تخربي بيتك نصيحة اخ فتره وتعدي لا تعطيه مجال اكثر في تمادي بالعكس الان اغريه واتقربي منه اكثر لا تعطيه مجال او وقت لسناب وغيره

Answer 8

نصيحة ، لا تراقبي و لا تتابعي عيشي حياتك يعني لهذي الدرجة وصلتوا تتابعوا النقاط تحبون الضيم و تجيبون لنفسكم التعب النفسي ، ترا في رب يحاسبه عليك بس تشغليه لنفسك و ما تظهرين له الشك ذا ، يقتل كل شي حلو بينكم

Answer 9

نصيحه طنشي الموضوع يمكن الشيطان موسوس لكك يعني انتِ بتجلسين تاكلين بنفسك ع ولا شيء يمكن يكون عادي اصحابه او احد ثاني .. واذا عنده شيء ترا مصيره ينفضح فنصيحه لاتخلين للشيطان مجال يدخل بينكم

Answer 10

اعتقد ان تزيد النقاط بسناب بسبب أن يمكن يراسل ربعه و مسوين قروب و يسولفون ويصورون ف عادي الوضع حتى احنا يا البنات نرسل لبعض ونسوي قروبات و نسولف ، بس إذا كان الوضع مضايقك الأفضل أن تجلسين معه وتكلمينه وتسمعين منه

Answer 11

حاولي تكسبينه لصالحك وشيء ثاني لا تركزين تفكيرك عليه و إذا خلص دوامه وطلع اشغليه بالاتصال لا تتركينه فاضي يأخذ راحته وترى النقاط احس مالها دخل يمكن يصور ويحذف وتحسب يمكن ينزل ستوري يمكن لنفسه بس لمحي له بعد أن الرجل اللي يخون زوجته سهل ينهدم بيته ويجلس مشتت من حرام في حرام

Answer 12

النقاط بس تزيد اذا جاته صور الفيديوهات او هو ارسل بس ، اما الاضافات والرسايل ما تزيد شي ، بعدين لا تبينين له دامه محترمك ومكرمك خلاص خليه ذنبه على جمبه كل ما دخلنا حساب لقينا كل رجال يغازل عيفتونا بزواج والله وصرنا نخاف انو نتزوج ونصير شكاكين اعرف وحده من صحباتي زوجها يخونها وحالتها حاله ودايم صياح وشك ولا استفادت شي ولا تعدل ولا هم يحزنون وصارت تراجع عند الدكتور النفسي  ، فريحي بالك وادعي له

Answer 13

وأنتي حتى نقاط السناب تراقبينها وهو ماس شيء تراه زوجك مو خويك يااختي ابني حياة بينك وبينه فيها ثقة ومودة الحياة الزوجية أكبر من اللي قاعده تسوينه

Answer 14

إذا نبشتي وعرفتي انه يكلم بنات هل تستطيعين منعه ؟ أن كان جوابك نعم نبشي وتأكدي .. لكن أن كان لا أو صعب لا تنبشي عن مستور ، لكن أن انكشف أمامك لا تعديها بسهوله ..

Answer 15

لا تعطين الموضوع اكبر من حجمه ولا تبينين له غيرتك الزايدة لان مع مرور الوقت بيصير كل شيء عادي انتي تعرفين اني أكلم بنات شيء مو جديد عليك وترى يقدر يشتري نقاط ومتابعين ولو كلم بنات طنشي وعيشي حياتك التجاهل نعمه

Comments

يا صباح الخير طيب واللي متأكدة انه زوجها يراسل بنات في ال سناب والمشكلة انه عنده بنت واحدة يراسل لها ولما نتكلم معه ما يبي يعترف والمشكلة انه أنا متأكدة 100% وش الحل ممكن تفيدوني

Answer 16

اذا شكك كله مقام على نقاط السناب فانتي قاعده تدورين المشاكل لبيتك !! تعوذي من الشيطان وتذكري زي مانتي عندك صحبات وقرايب تراسلينهم بالسناب فهو كذلك عنده صحاب وربع يتراسلون مو شرط زادت نقاط السناب يعني الموضوع بنات !

Answer 17

دام انه محترم وجودك ولا بين لك شي ولا يكلم ولا يراسل قدامك لا تخلي الشيطان يلعب برأسك ويخليك تفتشي واره انتبهي والله دمري حياتك احسني الظن فيه دامه فيه خير معك وإذا هو ماشي بالطريق هذا  خلي هاالشي بينه وبين ربه يحاسبه

Answer 18

الله عز وجل نهانا عن التجسس ورسول الله صلى الله عليه وسلم نهى عن التحسس - بالحاء - لأنها تنكد حياة المسلم ما دام لم يظهر لك شيء فلا تفتحي على نفسك باب الهم والغم  خذي الأمور بظاهرها  لأنك لو طاوعتي شكوكك راح تندمي عليها أشد الندم

Answer 19

اختصار الرد الجهل أحيان نعمه والتغافل خير و اختصارها ولا تسألوا عن اشياء أن تبد لكم تسوءكم هالآية عميقه حتى لو تأكدتي تغابي لان بالأخير محد بيخسر إلا انتي و بيندم إلا انتي و تعطيه مجال يتمادى وانتي تشوفين ف اتركي المراقب وادعي انه يسخره لك ويبعده عن الحرام

Answer 20

يمكن يصور خاص لربعه ، شو اللي يخليج تتأكدين انه يراسل بنات ؟ اذا ما شفتي شيء بعينج لا تحكمين عليه بالخيانة ، اعقلي

Answer 21

خلي ثقتك في نفسك عالية واتركي التفتيش في جوال زوجك