Question

اهل زوجي ما يحبوني

اهل زوجي مايعطوني وجه ! اهل زوجي يكرهوني !

مشكلتي ان اهل زوجي ما يحبوني و ما يبوني وحتى المعرفة مااعرفهم ولا قد قابلتهم الإ مرتين فقط وحتى الخطبة تمت عن طريق الرجال فقط والسبب أني زوجة ثانية.
كيف اتصرف معهم أو اتقرب لهم خاصة أن لي معهم 4 سنوات ولي أطفال من زوجي. مايجوني لا بمناسباتي مثل ولادتي ولا يعزموني وبرضوا أنا ماابغى عيالي يكبرون ولا يعرفون بنات وعيال عمامهم وعماتهم ، احس اهل زوجي يكرهوني !

Answer 1

عيشي ع طبعك وبأخلاقك وفي المواجيب زوريهم وكلميهم خاصة أمه ومو ذنبك أنك زوجة ثانية هذا نصيبك ومع الوقت صدقيني بيكون فيه مودة وتفرضي نفسك بنفسك معهم بس بادري حتى لوبزيارة منك وتحملي في البداية إذا فيه كلام من طرفهم وكبري عقلك والله أن يخجلون من تصرفاتهم

Answer 2

هذا يحصل كثير لأن في الغالب يكونون متضامنين مع الزوجة الأولى لكن لا يصح الا الصحيح أيضا أولادك أولادهم لكن المرأة العاقلة ومع الوقت تكسب ما حولها ..ولو لم تتمكني من فرض نفسك في الوقت القريب فأبناءك سيفعلونها تلقائيا بإذن الله ..المهم الصبر وتوجيه أبنائك التوجيه السليم وعدم شحنهم

Answer 3

انتي واضح انك بنت طيبه وبنت رجال. حاولي تقاربين بوجهات النظر بينكم وانتي متزوجه على شرع الله والأولاد علاقاتهم راح تكون حلوه لما يكبرون ويعرفون ولاتستعجلين.اهم شي اهتمي في اولادك والله يوفقك

Answer 4

بأختصار هذا غلطك انتي اللي تزوجتي واحد بدون رضى اهله تحملي نتايج اختياراتك

Answer 5

اكيد في سبب لرفضهم لك ومن سنوات مو بس انك الزوجة الثانية

Answer 6

تذكري انك بتحرقين قلب زوجته الأولى بدخولك عليهم الله يصلحك خليك بمكانك ولا تتعدين .

Answer 7

انتي الربحانة ، وش لك وجع الرأس ركزي على زوجك وعيالك إذا على أطفالك ، يروحون مع أبوهم في مناسباتهم غصب عنهم يستقبلون عيال ولدهم وسعي صدرك.

Answer 8

افضلك لا تقربين الرسمية انسب لك صدقيني اهم شي زوجك كويس معاك وعيلتك بخير مانتي بحاجتهم

Answer 9

ياحياتي انتي اكيد قدر الأولى عندهم كبير ويحبونها وتجاهلهم لك علشان خاطرها فتقربي للاولى بالحسنى والكلام الزين و بيني طيب نيتك تجاهها وهي راح تكون بوابتك لهم

Answer 10

بأذن الله تؤجري على كلامك هذا.
وربي يوفقك ويحقق امانيك اعزميهم وزوريهم كذا مره وتقربي لهم وشوفي وش اللي يحبون سويه لهم وربي بيوفقك وبيسهل امورك الله يطول عمرك قليل اللي مثلك ربي يوفقك ويسعدك

Answer 11

رضيتي تكونين زوجة ثانيه وضره تحملي وبنسبه لأولادك يقدر زوجك يأخذهم لأعمامهم بدونك طالما العيلة مو متقبله وجودك

Answer 12

أرسلي لهم هدايا باستمرار وراح يلينون معك.

Answer 13

هنا دور زوجك
هو الذي يجب أن يبادر و يقرب وجهات النظر
ويأخذ أولاده بين حين و آخر

Answer 14

ابد طال عمرك زبطي الرأس الكبيرة كلوه يزبط بعدها
روحي لامه بهديه دسمه طقم ذهب أو أسواره ولابوه نفس الشي بعدين اختفي بعد فتره ارجعي بهديه ثانيه بعد غاليه مرتين ثلاث بتشوفين كل شي يتغير
(( تهادوا تحابوا ))

Answer 15

دامهم ما آذوك خلاص اتركيهم براحتهم وش تسوين لهم مثلاً ؟؟ واضح انهم يحبون الأولى و ما يبغون يخسرونها اعرف ناس كذا لانهم يحبون الأولى ما مشير معه لا في خطبه ولا في زواج

Answer 16

لا تحاولين تتقربين وماهو معنى هذا انهم ما يبونك ممكن أنهم يراعون الزوجة الأولى أو أنها قريبتهم وهذا الوضع افضل لك ، بالنسبة لأطفالك يزورون مع أبوهم ومع الوقت والزمن راح يتغير الوضع

Answer 17

قربهم هم ي روحي ربي عيالك وانبسطي بحياتك ولا تأكلي هم انو ليش ما حبوني التخلف من الله صعب علاجوا اهم شي انتي مبسوطه ومرتاحه مع زوجك وهما ليأكلوا نفسهم من المرض وانتِ لا تبالي

Answer 18

فيه ناس تبي فكه من اهل زوج وانتي تلحقينهم

Answer 19

إذا ما قدرتي تكسبينهم خلي رجلك يأخذ الصغار معها بكل مناسباتهم عشان يعرفون أهل أبوهم ويتعودون عليهم

Answer 20

انا لو منك مستحيل اجدع وجهي على ناس مايبوني ، لكن زوجك ملزوم ياخذ اطفالك لاهله واقاربه ويفرضهم عشان مايصير توتر بالعلاقه

Answer 21

بالعيد روحي سلمي وارجعي وعيالك كل شهرين يأخذهم أبوهم

Answer 22

حرصك على القرب منهم أمر حسن منك
ولكن بما أنهم لا يريدون التقرب منك فاتركيهم واستمري بإحسانك إليهم
وأما تواصل أبناءك مع أقاربهم فهو دور الأب

Answer 23

اللي ما يبغاك عزي نفسك عنه .. قولي لزوجك يأخذ عيالك معه إذا راح لأهله .. ممكن يحبون عيالك ويراجعون انفسهم وينصلح الحال

Answer 24

البنات اللي يعيبون في أهل الزوج وفرحانين ببعدهم..
الحياه ماهي فقط زوج.. عيالك محتاجين أعمامهم وعماتهم وأهل وعزوه وسند لهم واُلفه أسريه وتواصل وصلة رحم.
أعوذ بالله من قلوبكن السوداء
والزوج المفروض يكون له دور في خلق التقارب بينكم.

Answer 25

زوجك وينه من اللي يصير وانتي ويش لون تزوجته دون موافقة اهله
لكن طاح الفأس ع الراس حدث وانتهاء
الحل يا اختي عند زوجك ياخذ عياله لعند اهله زياره ما يبونهم سلامتهم هذولي عيالهم خليهم مع الوقت يتقبلونهم وادعي الله ان يصلح الحال

Answer 26

أريح أريح صدقي بناقص من ذي الأشكال قطاعين صلة الرحم

Answer 27

لا تهتمي ما ارتكبتي جريمة زوجك هو اللي جاء بيتكم وخطبك وتزوجك على سنة الله ورسوله لا تضيقي خاطرك خلي عيالك يروحون لأهلهم ارسلي معاهم هدية لجدتهم اعملي طبق و ارسليه خذي رقم أم زوجك وكلميها قولي اسأل عنك و اتطمن انت أمنا الغالية  تصرفي بأخلاقك ماهو بأخلاقهم مع الوقت ينصلح الحال

Answer 28

مايبغونك بالصريح ، افضل من انهم يعزمونك ويفشلونك ويدقون فيك من تحت الطاوله وتدخلين نفسك بمتاهة مقارنات مع الاولى ،عليك من زوجك اللي تزوجتيه اهله ماتزوجتيهم .

Answer 29

اجبري زوجك يودي عيالك معه إذا راح .. من حقهم يشوفون جدتهم وعماتهم .. إذا كان الأب قوية شخصيته بيقبلونهم غصب

Answer 30

اهم شي عندك زوجك ولا هم لا تكندين عليه وعلى نفسك بالعكس حسسية انك واثقة من نفسك وهو من كثر ما يمدح فيك بيحبونك

Answer 31

يا حبيبتي ما يبونك وش لك فيهم عيالك أرسليهم مع أبوهم وخلاص وإلا تكبرني الأمور والحمد لله اذا كانت أمه وابوه عايشين اذا اخذتي سلمي واهديهم  مثلا في رمضان أو عيد والحمد لله اديتي اللي عليك غير كذا راح تعذبين نفسك

Answer 32

اعتقد أن هذا الدور المفروض يقوم فيه زوجك لأنهم أهله ولازم يعلم عياله وين عمومهم وعماتهم وجدانهم ، انتي  غير ملزومة  بهذا الدور