Question

حولت بالغلط

تحويل مبلغ مالي بالخطأ ؟ تحويل مبلغ بالخطأ ؟ حولت بالخطأ كيف استرجع المبلغ ؟ Transfer amount by mistake ؟

Answer 1

حولت بالغلط مبلغ

إذا حولت مبلغ مالي بالغلط إلى شخص ما في السعودية عليك إستخدام الطرق التالية :

• توجه إلى البنك الذي قمت بالتحويل إليه وأطلب من موظف البنك تزويدك برقم هاتف المستفيد الذي وصلته الحوالة الي انت حولتها وتواصل معه وأبلغه أنك حولتها بالغلط و حاول استرداد المبلغ.
• كلم البنك اتصل عليهم الآن وبلغهم بالموضوع وهم يتواصلوا مع الي وصلته الحوالة وهو وذمته إذا فيه خير بيرجعها لك.

حولت بالغلط من بنك إلى بنك

كلم بنكك و بنكك يقوم بالتواصل مع البنك الثاني ويستردها لك قد حصلت معي.

Comments

حولت لشخص بالغلط وبلغت البنك ع طول وقالو بيتواصلون معه دقو عليه مارد ورفضو يعطوني رقمه وبيناته الى بخطاب من الشرطه ورحت للشرطه ابغى خطاب قالو مانقدر نعطيك تواصل معى مؤسسة النقد كلمة مؤسسة النقد قالو مالنا دخل تواصل الجهات القضائيه وراحت فلوسي بين بنك وشرطه والرجال شال الفلوس يعني خلاص انسى انها ترجع لي ولا وش اسوي

---

السلام عليكم
انا نفس حالتك الشرطه مالها علاقه البنك ماله علاقه البنك المركزي ماله علاقه مافي حل ابد

---

حصل معي نفس الموضوع كنت بحول لأخي فحولت لأحد المستفيدين المضافين عندي بالخطأ إسمه الرباعي قريب من اسم أخي الاختلاف بسيط فقط اسم الجد ومانتبهت ذكرني اخي بأن الحواله ماوصلت جيت أتأكد لقيت اني غلطت وحولت لشخص ثاني في هذي الحاله اذا الشخص معروف لديك تواصل معه وأشرح له الموضوع إذا فيه خير بيرجعها لك اما البنك والشرط مالها علاقه ماتقدر تجبره يرد لك المبلغ غلطه واتحملها

---

طيب كيف اعرف الشخص الانا حولت له انا متاكد انه من المضافين عندى بس ماعرفت لمن ارسلت المبلغ هل اتصل على البنك ولا فى التطبيق فى شى ممكن يكشفلك اسم او رقم حسابه وشكرا

---

البنك يعطيك رقم الحساب الي انت حولت له بالخطأ وترفع شكوى في البنك بخصوص المشكلة الي حصلت لك البنك لازم يتواصل مع الي استلم الحواله ويبلغه عن الخطأ ويطلب منه يرجعها اذا مارجعها اخذ رقم الشكوى من البنك وروح المحكمة ورفع دعوى مطالبه ماليه ومحكمة بتجيبه ويرجعها غصب

---

لقيت حل؟؟؟؟؟

Answer 2

تحويل مبلغ مالي بالخطأ

البنك الي حسابك فيه راح يتواصل مع الشخص إلي حولت المبلغ المالي عليه واذا رفض إرجاع المبلغ لك البنك راح يحيل المعاملة للنيابة والنيابة تجيبه وهو ما يشوف طريقه وحقك ما بيروح.

Comments

حولت بالغلط وحصلت رقمه ودقيت عليه وعيا يرجعهم ولسه اكمل الاجرا طلع يماني

Answer 3

تحويل مبلغ بالخطأ

إذا البنك تواصل مع الشخص ورفض أنه يرجع المبلغ أو ماطل فيك على طول قدم شكوى لمؤسسة النقد السعودي وهي تجيب لك حقك من فوق خشمه.

رابط تقديم شكوى مؤسسة النقد السعودي

http://www.sama.gov.sa/ar-sa/ConsumerProtection/Pages/Complaint.aspx

Comments

مرررره كلمك حلو ممكن يجي

Answer 4

حولت بالخطأ كيف استرجع المبلغ

قد حصل لي موقف مشابه لموقفك حولت من بنك إلى حساب في نفس البنك وابتلشت ماعرفت وش اسوي ، المهم رجعت للحوالات وشفت اسمه الكامل وسويت بحث في قوقل وحصلت ناس من نفس قبيلته وتواصلت معه واعطيته السالفة كاملة وقال أبشوف لك في قروب القبيلة وفعلاً الرجال طلع أبن حلال و رجع لي المبلغ.

بالنسبة لشكوى مؤسسة النقد راح تطول حتى يعطوك المبلغ.

Answer 5

شكوى حوالة مالية بالخطأ

تقدر ترفع دعوى في مبلغ مالي ، علما أن الأصل في الحوالات البنكية أنها ملك لمن حولت عليه ما لم يثبت خلاف ذلك.

Answer 6

موقف حوالة بالغلط

واحد من أصدقائي حول 5000 ريال بالغلط وتواصل معه وقال حسابي موقوف و ماقدر ارجعها وصار يقفل جواله واحيان ما يرد بعدين ارسل له رسالة طويلة يوحي له بانه من ضمن إرهاب وبانها وصلت للشخص المطلوب وراح يزودونك بالمطلوب يأبي الدرداء الزبدة خاف من الرسالة واتصل عليه يبي رقم حسابه يرجعها

Answer 7

شكوى حوالة مالية بالخطأ

تواصل مع البنك حقك إذا ما فادك تواصل مع المرجع الرئيسي لإدارة البنوك وضبط التعاملات المالية وهي مؤسسة النقد العربي :

http://www.sama.gov.sa/ar-sa/ConsumerProtection/Pages/Complaint.aspx