Question

زعلانه من زوجي وما اكلمه

زعلانه من زوجي وش اسوي ! زعلانه من زوجي وابيه يراضيني !

أنا وزوجي كنا نتقهوى في الغرفة وقام زوجي رفسني برجله على فخذي وقال قومي شغلي التلفزيون قمت صارخت عليه وقلت له أنا مو عبده عندك ترفسني زي كذا وأنه الأسلوب له دور ليه تسوي فيني كذا ، قام قال هذا اسلوبي عاجبك وإلا روحي بيت اهلك ، المهم كلمت اخويا وانا الحين في بيت اهلي ليا اكثر من اسبوع وزوجي ماسال عني نهائي علما بانه عندي ولد منه ، افكر اجلس عند اهلي واسحب عليه.

Answer 1

خلي الوقاحة من طرف واحد واكسبي الفضيلة والادب والتربية خلك الحانب الراقي لعله يستفيد ويتعلم تصدقين اعتبريها اعظم اجر مع مراعاة شي مهم وهو مناقشته بالأسلوب الغير لائق والرفسة هذي عيب عشان اولادكم مستقبلاً على الأقل

Answer 2

الأفضل لا تصعدين المشكلة تعالي معه باللين والسياسة تأخذين حقك منه ، ارسلي له رسالة وتلطفي معاه لا تخربين بيتك على مشكلة تافهة زي ذي.

Answer 3

طيب لو قلنا لك اسحبي عليه ، وعرف و أرسلك ورقتك لا قدر الله ، واعتقد انك السبب الرئيسي للمشكله رغم أن تصرف زوجك خطأ ، احتمال انتي استفزيته لان مافي زوج يرفس زوجته بهالشكل الا وهي مستفزته

Answer 4

الزم ما على الإنسان كرامته الي يهينك مره ويتعود يهينك ثاني وثالث وتستمر حياتك بالأهانات الافضل انك ماتردين عليه شفت عيناته كثير اسفهيه ولو استوعب غلطته يجي يعتذر منك ببيت اهلك ويبوس راسك بعد ويراضيك والا لاترجعين بيت تعيشين فيه مهانه يغلط عليه ويرفسك علشان تلفزيون عزي نفسك نصيحه

Answer 5

دايم كلهم على الزوج غلطان وسب فيه المسكين هل عرفتوا السبب عشان يسوي كذا وحكمتوا عليه ؟ اتوقع كلام فاضي وكلن بيحاسب عن نفسه وتظلمون أنفسكم وتظلمون هذا الشخص اذا صدقت كلامها بدون ماتعرف السبب اللي عشانه سوى كذا

Answer 6

قوليله عندك كلام تعال عند اهلي عشان يوقفونه عند حده ومايتجاوز حدوده معاك. بضرب وغيره

Answer 7

ترا عمر رضي الله عنه وهو عمر بن الخطاب كان مهجد الدنيا من طولها لعرضها زوجته ترفع صوتها عليه ويسكت! الذكر الي يرفع عليك جزمة بلعيه اياها قسم الي يقلك اعتذري وارجعي كلميه ما يبغالك الخير ترا انتي انسانة رب العالمين كرمك من عالي سماه مين هو عشان يهينك ؟!

لا تكلميه لين يعتذر ويوعدك ما يعيدها

Answer 8

الاعتذار من الشيم و الأخلاق والكرم مهما ما كنت غلطان عادي اعتذري مراح يضرك الإعتذار ولا راح يقلل من قدرك أو قيمتك بالعكس راح يزيدك ويرفعك وقول الله تعالى ( فمن عفى واصلح فاجره على الله )

Answer 9

اذا تناقشتوا وشفتي النقاش زاد حدة اسكتي أجلي الكلام بعدين لا تحدينه على شي مايبيه ، ثاني شي حسسيه بقيمتك وبغلطتك لا تبينين انك راضية بسهولة و لا تتنازلين بسرعة ناقشي بس خليك ذكية بالنقاش لا تنفخين عليه لا تصارخين انتي تناقشين اخذ وعطا و لا تقولين له عارفة اني ما همك انك ما تبيني ما اعني لك لا ارتقي عن هذا الكلام خلي كلامك معه بالمشاكل لا تدخلين غلاك وعلاقتك بالمشاكل ابد

Answer 10

مهما يكون فيه مشاكل لا زال زوجك ومن حقه يعرف عنك والاختلاف موجود بين الازواج وبعدها الرضا والنسيان وبعدين انتي كتبتي اللي سواه وانتي ما بينتي وش سويتي علشان يرفع الجزمة لكن تعوذي من الشيطان وهذا زوجك وحلي مواضيعك بدون راي احد او تدخل احد الا في المواضيع الكبيرة الله يبعد عنا وعنكم

Answer 11

أطلبي منه يجي بيت اهلك قولي ابوي يبيك وبس خلي ابوك يستقبله بدون ما تقولين لابوك عن المشكلة وانتي ، بعدها اجلسي معاه وقولي الي بخاطرك أن اسلوب التهديد ما يناسبني ومن هالكلام ، و أن اختك بترافقين معاها .. ولا تبينين انك زعلانه خليك بس رسمية واذا قال شي متضايقه عشان اختي

Answer 12

نصيحة من اختك
ارجعي له ومهما حصل بينكم لا تروحي لبيت اهلك الا اذا كنتي ناوية الطلاق ومصممة عليه
علميه حدوده مايتعداها الضرب ايا كان غير مقبول
اذا قالك مقبول تطلقي قبل لا تحملي مرة ثانية
لا تدخلي اهلك واهله ف مشاكلكم واذا نام ف غرفه ثانيه ما نام معاك روحي نامي جنبه لا تكلميه ولا تعتذري بس نامي جنبه
زوجي كان كذا التكرار عدل سلوكه كنت اروح لاهلي ع اتفه الاسباب والحمدلله عرفت ان ذا غلط وكان ماينام جنبي والحين مايقدر ينام الا ف حضني حتى لو متهاوشين
وما صرت اروح لهم ومشاكلكم خليها بينك بين زوجك فقط