Question

زعلانه من زوجي وهو مطنشني

زعلانه من زوجي وش اسوي ! زعلانه من زوجي كيف اتصرف معاه !

انا متزوجة من فترة مش طويلة وصار بيننا خلاف انا وزوجي يخص عزيمة اهلي ، زوجي يقول مامعه فلوس استقبل اهلك وهالشيء مو ضروري يتأجل واهلك مو مستاهلين عزيمة ومن هالكلام الرخيص.

انا زعلت منه بصراحة والحين عند اهلي لكني مشتاقة له بديت افكر في كلامه صدق اهله مثل اهلي ومايحتاج عزيمة ، وش اسوي علشان ارجع لزوجي لانه مطنشني على الاخر ..!

Answer 1

قريت من فترة والله اعلم عن هذي المعلومة انه من صفات نساء الجنة العائدات لازواجهن
استخير وتوكلي ع الله وكبري دماغك وكلميه واجلي اللوم والعتب لليوم التالي وصدقيني بإذن الله ربنا ماراح يردك خايبه وبتشوفي العوض من الله أولا ثم من زوجك
الحياة حلوة

Answer 2

لاتكوني تخلي الخصام حقيقي بينكم تناقشتم علت اصواتكم خلاص انتهى الموضوع بعد كم ساعه تكلمي معاه في امور البيت والأولاد ومشي الحياة.. الرجل يحب الجفاء حتى لو مشتاق عادي عنده..

Answer 3

الله يصلح حالكم ويهدي سركم ويردكم لبعض ردا جميلا اكثري من الحوقلة

Answer 4

اتصارحوا لا تخلوا الزعل يطول إذا طول الزعل صار الزوج متعود عليه وماتفرق معاه وانتي الخسرانة

Answer 5

اذا كنتِ تبين علاج جذري للمشكلة فكري كيف تحلونها بجلسة مصارحة وحوار وحطوا بنود وتنازلات معقوله عشان تحصلون على مستوى مرضي للطرفين
هذا عشان ما يتكرر الخصام
واذا اهم شي ترجعون تتكلمون
جهزي قهوة مع لبس جميل وينتهي الموضوع

Answer 6

الله يسخركم لبعض
بادري انتي ارسلي رساله بتطمن عليك اشتقتلك عادي تلقينه حتى هو ندمان بس مايعرف يبادر

Answer 7

للاسف ان انتظارك بيطول مستحيل بيتعرف اغلب الرجال مايتعرفون بخطأهم

Answer 8

خير الكلام ماقل ودل ... كلكم غلطانين لاتبرري لنفسك كما هو يضنك غلطانه ويبرر لنفسه اختيار وسيط بينكم ليجمع بينكم دام الخصام طول يتضح انه لن يتنازل وانتي لن تتنازلي فالإعتذار والتنازل والإعتراف بالخطأ  قوة حقيقية وهي مفتاح السعادة الأبدية

Answer 9

خيركم من يبدئ ب السلام انصحك تبادرين بالصلاح

Answer 10

دامك تحبينه معناته يستاهل الحب ف بادري انتي مثلا رساله قصيره او ارسلي له ورد مع عبارة  ويترب يارب يحن قلبه و يرجع لك مشتاقه

Answer 11

تحاورى معه لأنه من الجميل ان نتحاور دون تهميش او اقصاء والأجمل ان نتبادل المعرفة والرأي دون ترهيب والقضاء على كل اشكال التعصب للراى واشاعة قيم التسامح والمرونة لدى الزوجين

Answer 12

تحبينه ليش تخلي الزعل يطووول
الله يردكم لبعضكم
وعادي ارسلي له زوجك
اشتقتِ له روحي له وكلميه
و انسي الزعل
والمشاكل ماراح تخلص
الدنيا ماتسوى انكم تزعلون ع بعض

Answer 13

هو غلطان اجل قوي قلبك وخليه لين يرجع شكله تعود يزعلك وتراضينه

Answer 14

ارسلي له..
يا صاحبي  ما اشتقت لي ، انا وربي اشتقت لك.

Answer 15

عادي طالما هو الغلطان خليك عاديه معاه كلميه بشكل عادي ابتسمي بوجهه م فيها شي

Answer 16

اصعب شعور والله
ابدي انتي وكوني الطرف المبادر
اوقات الحياه تجبرك على شي ما تبغينه
الله يصلح مابينكم وترجعون لبعض قريب

Answer 17

رسالة  له في واتس قد تذيب الحجر مابالك بقلب بشر

Answer 18

كثرة الزعل وطول فتررررررة الزعل تقل المودة وحتى خلاص يتعود على بعدك مهما كان زعلكم حاولي من البداية انه ما يطول ،
الله يلين قلبه عليك واذا تحبينه لها الدرجة انتبهي لنفسك ليروح من بين يديك .

Answer 19

تنازلي وارجعي لزوجك ترى فالنهاية انتي الخسرانة وليس هو، ولازم تكوني الطرف الاعقل.

Answer 20

حبيبتي مالك الا تبادري بااااااادري وصدقيني كل شيء راح يتعدل ويتحسن