رأيي في مطعم تو إيت
بقولكم رأيي بكل صدق في مطعم تو إيت 2Eat
انا مثلكم جيت على دعاية يزيد ووليد الدواس وتقييمهم للاكل ان اغلب الاطباق عشره من عشره وبعضها فوق العشره، صراحه كل هذا الكلام مبالغ فيه لدرجة كبيره جداً جداً الاكل نعمة الله الله يديمها اعلى طبق عندهم تقييمه مايتجاوز 7/10 صراحه
بشكل عام تقييمي للمطعم وللاكل 7/10
الديكور عادي جداً بعض الطاولات صغيره لدرجة الاوردر حقنا ماكفته الطاوله لاننا طلبنا اغلب الاطباق علشان التجربه
المكان كله ضيق والمحل صغير حتى الدور الثاني ضيق وصغير مره لدرجة انك تمشي وتضرب في الكراسي
اعتقد اختاروا المكان وهو صغير لان العماره لهم ومايبون يختارون مكان اوسع علشان مايدفعون ايجار
الشخص اللي يحجز بيجي يتعشى يحتاج اريحيه فالمكان يكون وسيع وشرح مو جالس في طاولتي والطاوله اللي جنبي جالسين معي.
الاسعار مبالغ فيها مقابل الطعم كانت الفاتوره 400 وزود
بشكل عام تزوره مره وما تكرر الزياره حقيقه.