زوجي يسمع كلام امه اكثر مني وامه تخرب علي شغلات كثير زي المشاوير واثاث البيت وغيره ؟

Question

السلام عليكم ورحمة الله وبركاته
متزوجة من اكثر من سنة وعندي طفل وزوجي متعلق في امه كثير وامه صايرة تتدخل في حياتنا بشكل كبير وتغير افكار زوجي ، تتدخل في مشاويرنا يعني لو ابي اطلع انا وزوحي وطفلي يكلمها يقولها وهي تغير الفكرة في رأسه ويبطل يطلعنا !!
لو ابي اغير شيء في بيتي لازم ياخذ رايها وممكن انه يكنسل فكرة التغيير !! السبب ام زوجي

Answer 1

ياحظ اللي تتتزوج من واحد يحب اخته ويبر بأمه مايقصر مع زوجته بس ينبغي عليه التوازن اصبري وتزين الايام وربك يسخر لك امه وتذكري بعدها انها ليست مشكلة

Answer 2

عليكم السلام ترى امه اهم منك ومن طفلك الي ازعجتينا فيه

Answer 3

حاولي تكسبين الام بصفك وتخلينها تحبك إذا الام حبتك صدقيني تأثر على زوجك  والله يوفقك يارب ويسخر زوجك لك

Answer 4

والله عاد ساعديه يبر امه لان امه مالها اي بديل وممكن يكبر ولدك ويعقك عشان زوجته فنصيحة لك خليها تقول اللي تبي وانتي لا تهتمي وطنشي دام ما تدخلت فيك ولا في حياتكم الشخصية ونشرتها للناس

Answer 5

عليكي بالدعاء والله يكفيكم شر الغيرة
ربماً هي غيرة الأم وأكثر الناس مايعرفون ذا الشي

Answer 6

ذا الأم نشبه
يبي لك تكسبينها كثر ماتقدرين عشان تستحي منك
وتوقف بصفك وتخلي ولدها يطلعك ومايقصر عليك وهذا بسبب محبتها لك

Answer 7

اذا ان كلامك زي ماتقولين بدون مبالغه منك او غيره من امه فـ زوجك با اختصار رخمه وشخصيته جداً ضعيفه
اوك امه ماختلفنا ورضي فيها هذا شي زين بس مو لهدرجه عااد واذا جلس على حاله هذا يستإذن بكل شي  بتتعبين معاه كثير وماظنتي ان حياتكم بتستمر وكثفي دعاء انه يجيكم نقل في منطقه بعيده عنها

Comments

إن شاء الله ولدك مايطلع رخمه

Answer 8

ضبطي وضعك مع أمه هدايا جيبي لها شي يمنعونها عنه فيها سكر جيبي لها حلى تحبه تتشفق عليه ومن هالأمور والكلام الرخيص طيريها علشان توقف بصفك وإذا حصل أطلعي معاها طلعات خاصه ممنوعه من أهل البيت وهي تحبها أمسكي عليها زله بكذا تخلينها خاتم بأصبعك ترقصينها

Comments

وإذا أنتي بالك ضيق ومالك بالطويله علمي أمك بكل شي وخليه يتفاجئ أنك تحكين لأمك عن كل شي خليه يحس نفس الشعور والرغبه بالخصوصيه مثلك لين يفهم أن الأهل لهم حد بالخصوصيه والباقي ملك للزوجين لاتكثرين جلسات مع الأهل خلك خفيفه بتطلعين بوقته ألبسي عبايتك وقولي يالله

---

والله ماينفع اكثف هدايا ولو اعطيها قطعه من كبدي ماتشوفه لكن الله ياخذ حقنا منهن

Answer 9

يا ابنتي هذه أمه وفضلها عليه وعظيم مكانتها أكبر من أن يكترث لأمور أخرى فأنت برفضك لذلك وجعلك إياه سبب في الفراق بينكما سيحصل معك لاحقا، أمه زينة أحياته ورونقها فلا تعكري صفو هذه الزينة بشكواك من أمه وإن كان محترماً وكثير الخير معك فتحملي واصبري واتركي الولد لأنه فاليوم هي معه.

Answer 10

وعليكم السلام

اول شى خلي علاقتك مع عمتك جدا ممتازه
وصدقيني هيه الى بتقوله وديها ومابترفض
بعدين اذا كان عندك مشوار وشافت عمتك انه فيه شى اهم ترى عادى لاتكوني حساسه
صدقيني اذا انتي طيبه لن تضرك باذن الله
لاتهمي نفسك وتكثرى التفكير تتعبي
ربي يسخرلك ويسعدك ويشرح صدرك

Answer 11

إذا كان هذا الطبع فيه مع أمه ومع غيرها بحيث كل من يتحدث معه يغير قناعته ويؤثر عليه فهذه مشكلة كبيرة، من أكثر البيوت مشاكلا ماكان الزوج فيها ضعيف الرأي فتجده يفضفض بكل صغيرة وكبيرة، ويعجز عن اتخاذ القرار، ويؤثر فيه الآخرون.
أما إذا كان طبعه هذا مع أمه فقط فهو رجل بار فكوني عونا له

Answer 12

اعجبتني الي تقول ان امه اهم منك انتي وطفلك ،، انتي يازوجة هل تعلمين أن الجنة تحت اقدام الامهات ؟

اذا عرفتي هالشي راح تحلين مشكلتك