زوجي على علاقة مع وحدة في اوبر ؟ زوجي يواعد وحدة يوصلها في اوبر ؟

Question

السلام
انا متزوجة من موظف حكومي وراتبه زين وقال يبي يزيد دخله الشهري وراح اشتغل في اوبر واكتشفت انه له علاقة بمدرسة يوديها ويجيبها وشكلها متزوجة وفاقدة حنان.
لقيت له رسالة يواعدها يتغدون سوى وش الحل معاه ؟
افكر ابلغ عنه في تطبيق اوبر يفصلونه

Answer 1

يعني تعتقدين انه بيكتفي بوحدة إلا وما يدور غيرها فلهذا تقطع الأساس وهو الوظيفة لأنه راح يمل من اللي معه ذي وإذا أخذ مجالات ثانية في التعارف أقول لها تنفصل و تريح رأسها هي مو مضطره تجلس مع شخص خاين . وهي لو تستخير ربها في الشيء اللي بتسويه افضل من كلام الناس تدعي ربها وتلتجي إليه

Answer 2

شاركيهم الغدا خليه ينشب في حلوقهم

Answer 3

يعني لو بلغتي عليه باوبرا وطردوه ماراح يلقى طريق غيرهاا للبنات وللعب
يابنتي اللي يبي يلعب مليون باب قدامه

Answer 4

انا 99%مشاويري على كريم واوبر اكثر م 50%مايحتاجون الوظيفه وسياراتهم فارهه يدورون التعارف والعلاقات ليه مااعرف

Answer 5

لا انصحك تبلغين .. واجهيه واعملي له مشكله كبيرةة لكن فضيحتك له او لها عواقبها كبيره ومريره .. اقدر قهرك وزعلك لكن مو كذا ينحل الموضوع بالفضيحه

Answer 6

هو داخل اوبر عشان كذا  وهالشي اصبح شائع بين الشباب للاسف
بقولك نصيحه وافهميها كويس
اما قوليله انك عرفتي بس بشرط تتخذين عقاب قوي مثلا تقاطعينه في الفراش لاشهر وتصيرين رسميه او تروحين لهلك فتره عشان يتأدب
وذا م تقدرين تسوين كذا اسكتي سوي نفسك م تدرين هو اخذها تسليه معنها تاثر عليه

Answer 7

اقسم بمن خلق الكون نصكم مجرمين كل وحده أكثر من الثانيه اجرام وحده تقول بلغي والاخر فعلي خرائط و و و.
تصلحون في المخابرات.
نصيحه لاتخربي بيتك نصيحه فتره ويخليهم ويجلس يقابلك لين تملي أدعي له يصرف قلبه عن الحرام وخلي المراقبه نصيحه

Answer 8

اذا انت وحدة قوية ولسانك حلو وتقدرين تواجهينه بالاثبات اللي عندك واقلبي الطاولة عليه وعلى الكلبة وخذي حقك بقوة اما لو كنت ضعيفة وماتقدري تقولي كلمتين على بعض شوفي حل ثاني يناسبك

Answer 9

اذا بلغتي عليه يمكن يتزوجها ووقتها عاد طلعيها من حياتكم. الا حاولي تجيبين رقم البنت وكلميها وهدديها قولي أنا وحده عرفت إن لك علاقات وخوفيها. لاتقولين إنك زوجته  قولي إني أراقبك وراح أبلغ عليك بس استنى الوقت المناسب

Answer 10

ماشاءالله شغاله تجسس على زوجك عبالك تعدلي سلوكه.
عيب بعض الكلام قالت أبلغ وكاله بدون بوابه.
يفترض تجلسين معه وتقولي له يابو فلان الوضع كذا وكذا وتنصحي بأدب طبعا تختاري الوقت المناسب للحديث معه.
ولوا بلغتي وكبرت المشكله ثم كرشك وطلقك مثلا وش استفدي ومن الخسران.
وهل ستجدي نبي غيره

Answer 11

بلغي عادي بطريقه قولي ان سارقها وبعدها ينكب ويقول متغديه معاي وبعدها فعلا يتوب ويكون له درسسسس بلغي ع لوحه السياره بس يكون واهوً طالع معاها وقتها بلغي

Answer 12

ياحلوه ياجميله اولا قبل كل شي لو مقصره معاه حاولي بقدر المستطاع تقومي بواجباتك اولا لك لنفسك قومي بواجبك عشان ترتاحي وتعيشي معاه بدون تأنيب ضمير بانك مقصره ، بعدين ياقمر الرجال اغلبهم كذا الا من رحم ربي لا تخربين بيتك خذي زوجك لك بالكلمه الطيبه وقبل كل شي انصحك بالدعاء

Answer 13

امسكي جواله وواعديه بمكان على انه زوجك اول ماتجي مردغيه بالعقال الين اطلعين كل الي بتسبدس منه لاتبلغين ادبيه هي وياه همن بلغي عليهم