Question

زواجي قريب وخطيبي مايكلمني

خطيبي يحبني بس مايكلمني ! خطيبي ساحب علي ! خطيبي له شهر ما كلمني !

انا متملكة من فترة طويلة تجاوزت السنة ومتبقي على زواجي اشهر بسيطة ومشكلتي هي ان خطيبي اصبح شخص آخر من انسان كل يومه ووقته معي تواصل ورسائل ومكالمات إلى شخص تمر الاشهر والاسابيع والايام ولااعلم عنه شيء لايجيب على اتصالاتي ولا رسايلي رغم ان حالته متصل لكنه يتجاهلني ولايفتح رسائلي عاتبته لكن لاجدوى يخبرني ويعترف انه مقصر من ناحيتي وان تصرفاته فوق ارادته بمعنى ثاني أنه مع الكل منقطع !
وش التصرف الصح المفروض مني رغم توتر هذي الفترة الحساسة.

Answer 1

اثقلي طفشتيه خليتيه يكتفي منك قبل الزواج . ابتعدي شوي عنه خليه يفكر ويأثث ويسوي ترتيبات الزواج براحته لاتزنين عليه ليه ماترد ليه ماتدق ليه ماتسأل عطيه مسساحه يفكر ويخف التوتر عنده

Answer 2

هذه من عيوب طول فترة الملكة، يعني حول سنة البعد عن المحبوب قليلاً يجدد الأشواق إليه

Answer 3

دايما الملكة فترتها طويلة تجيب الملل

Answer 4

يا أختي اكيد تقولين سنه وعليها ملكه تلاقيه طفش ترا كل م طال الشي يصير ملل صح حنا يالبنات مانمل بس الرجال يملون بسرعه الافضل تبادلينه نفس الشي عشان يشتاق
بادليه نفس الشي شوفي بيرسلك او لا بس استمري بالسحبه انتي قولي مشغوله وكذا وكذا طلعي اعذار مثله اذا جاء يسألك ليش م ارسلتي او دقيتي

Answer 5

اوقفي الزواج حالاً ، حتى تتأكدي من رغبته إتجاهك.

Answer 6

اكيد مشغول بالقروض والتأثيث اتركيه فترة راح يرجعلك

Answer 7

الكل بيقول اثفلي بالمنشن"لكن فيه فرق بين الثقل والسحبه
اثقلي صح لكن تسحبي عليه بيسحب عليك بعد" لايكون راعي خمبقه كوذي ولاكوذي

Comments

مو اثقلي الا اسسسسحبي وانشغلي بنفسك وتجهيزاتك احسن من هالوضع انتم تسوون من الحبه قبه واي شي يدهور نفسياتكم ناس غريبه من جدد !!

Answer 8

دايم الملكة الطويله تسبب فتور مع الوقت .. والله انا اشوف ان الحل المُناسب تنشغلين بنفسك يمكن يشتاق ؟

Answer 9

إعترافه بالتقصير من شيّم الكبار بس لابد لشمس بكره تظهر و تعرفين السبب،اللي مطالبة فيه بهالفترة هو الصبر و الدعاء بأن الله ييسر لك ويكتبلك الخير < مو حلو الضيق عليك استهدي بالله

Answer 10

ناشبة له 24 ساعه اكيد دبلتي كبده ومل منك ومن سوالفك

Answer 11

حتى بزوجها اثقلي صج مادري شلون نتعامل معاهم، اتركيه فتره وانسيه بعدين ردي له

Answer 12

طنشيه ولا ترسلين له كانه مو موجود وشوفي يفقدك ولا واذا ارسل لاتردين عليه بسرعه لحد ماتتاكدين انه يبيك اما انك كل يوم ترسلين له وهو يشوف ومايرد غلط طنشيه مره واذا فيه حب صدقيني بيرسل لك ويفقدك واذا كان بايع  خيره لك مشكلتك الملكه طولت ويمكن مو فاضي مشغول عذره معه بس حاولي تثقلين

Answer 13

لاتتزوجي يمكن مل منك بعد فتره طوله من المكالمات والرسائل شيء طبيعي يصير كذا قسم بس انت حاولي تشوفين وضعه معك بيجاملك ويتزوجك ومصيره الطلاق ولا يكون انسان محترم ويخبرك انه مو مرتاح للزواج فكي عمرك مادام مادخل بك وستخيري الله والله بيكتب لكي الخير كثري الاستغفار وداومي على صلاتك

Answer 14

اتوقع عنده مشاكل ماليه لان الهم يبعد لو مايبيك كان صارحك خليه براحته وكلي امرك لله وستخيري اذا زواجك منه خير يستمر

Answer 15

لا ماهو ضروري يكون معك قبل الزواج بشوي ، ارفقي لا تستعجلين ماهو فاضي وراه تأثيث بيت وتجهيز ومشاغل لما راسه ويصرف يصرف يصرف عطيه مساحته دامه مع الكل كذا وانشغلي بنفسك وتجهيزاتك احسن من تنشغلين فيه

Answer 16

الملكه اذا طولت مشاكلها تكثر

Answer 17

ممكن صادق ومنشغل بتأثيث بيتكم وتجهيزات الزواج .. لو كان مايبغاك مابرر لك كان سحب عليك ..

Answer 18

واجهيه اذا ماتبيني افسخ الخطوبة وكلن بطريقه
تصرفه فيه من التجاهل والوقحة الغير مبررة
محد يسوي كذا الامتندم عالخطوبة او انه مريض نفسي بمزاجية متقلبة
ضعيه فالامر الواقع يا انه يعقل ويقولك الي عنده بصدق ويرجع زي اول او يفسخ الخطوبة افضل لك

Answer 19

خذيها من تجربه و انفصلي ... صديقني بتعيشي جحيم بالزواج اذا هذي بدايتها واذا كملتي وتزوجتي ارجعي ارسلي لي بالخاص "والله انك صادق ياليت ماكملت"

Answer 20

عشان كذا انا ارفض رفض تام التملك لمده طويله اقصاها ست شهو او اربع شهور ..
كلموا امه اذا باقي عليك ولا الانفصال طيب لاتدبسين ف علاقه واضح مستقبلها الان

Answer 21

نفس اللي صار مع اختي ، ثم اختارت الانفصال الرجال شكله هون ما يبيك ووده أنتي اللي تنهين العلاقه قبله عشان يستفيد

Answer 22

انتي جريئة جداً ، المفروض ما تبادري انتي بالاتصالات والرسائل

الجرأة الزايدة من البنت قبل الزواج تجعل الرجال ينفر منها ويفكر في أشياء كثيرة أولها هذي قبل الزواج كذا ؟ كيف بعد الزواج؟!
واعرف كثير غيروا رأيهم في العروسة بسبب جرأتها قبل الزواج

اعتبريني مثل ابوك واسمعيني لاتزعجيه

Answer 23

هذه الامور فيها تفاصيل مهم اكيد ما ذكرتيها .
بس بقلك شي
طنشي لاعاد تسال عنه .ولو قدرتي بطريقه ما يعرف انك فاضيه بس ما تبغي تهرجي معاه .يعني لو سالك لا تقولي مشغوله .
قولي مالي خلق اتكلم مع احد .
اذا مرت فتره طويله من غير ما يسال حدود الشهر .هنا نصيحه اجلي الزواج وتكلمي مع ابوكي

Answer 24

خلاص عرف كل شي عنكً وانت عطيتيه  كل علومك المفروض انت الي تبعدين عنه متى ماارسل لاتنشبين فيه الحين اتركيه وجهزي نفسك لزواج وبالتوفيق