Question

زوجي والشيشة

زوجي يشيش بالبيت ! زوجي يشرب شيشه في البيت ومزعجني !

مشكلتي أن زوجي يشيش بالبيت 24 ساعة باليوم يسوي ثلاث أو اربع جراك مرات ويجلس في الصالة وريحتها حيل مزعجة قلت له اكثر من مرا بس مافاد وش الحل وياه ؟

Answer 1

المشكلة في بعض العقول التي تفهم خطر ما يعمله لديه حب الأنانية ألا يعلم أنه يضر أهل بيته وقد يقلد أطفاله ما يفعل لأن الوالدين قدوة
الله يهديه ويعافيه
حاولي ان تقنعيه أن يعسل خارج الصالة كالسطح أو التهوية

Answer 2

الله يحميه فوق راسكم ويدوم عزه غالية
24 ساعة اعتقد يشيش من الملل
ممكن تشتري نوع جهاز شفط وتعطير بنفس الوقت ومفعوله قوي
ومع الوقت كل شي بيتغير اعتقد فترة وتمر ويجي يوم ينشغل عن الأركيلة ويريحك منها وهذا سيتم بدعاءك
أدعيه يلاقي شغل يملي وقته ويجبر خاطره
وهواية كذلك يمارسها

Answer 3

في العلاقات الزوجية كل المشاكل قابلة للحل بسهولة، بشرط أن ينظر الزوجان إلى المشاكل على أنها قضية أخذ وعطاء،لا قضية انتصار وهزيمة
البيت الذي يُمارس فيه الرغبات النفسية الممنوعة دون مُراعاة لشعور الشريك الآخر يصيرُ للخراب
نصيحتي/ عليكِ بالدعاء
واخرجيها من بيتك وحاولي تخلصينه منها

Answer 4

إذا عندك ملحق خارجي أقلعيه برى البيت وحطي عنده تلفزيون يروح يشيش برى
أو خلي أولادك يكسرون الشيشه بالكورة مره وثنين وعشر يهاوش يومين ويذلف يروح يدورله مكان آمن وبعيد عن الأطفال يشيش فيه أو ألعبي عليه سوي نفسك مكتومه ومانعك الطبيب من أي دخان متصاعد

Answer 5

خليه يطلع بالحوش او سطح أفضل من أنه يشيش في البيت

Answer 6

في جهاز بمحلات ساكو يسحب الدخان والريحة مالك إلا هذا الحل

Answer 7

عجيب أمرك تبين تمنعينه من الشيشة

Comments

وليش ما تمنعه وهو زوجها وشريكها وابو عيالها
مو تمنعه من واقع تحكّم فيه ولكن من حبها له وخوفها على صحته

Answer 8

لإنك رصيتي له من البداية وزققها خلاص نفس وحده من أهلي أول الخطوبة مستانسة راضيه له يدخن يمها لين تحسفت بعدين

Answer 9

ادعي الله ان يبعد عنه شر الارجيله والله ما مثل الدعاء وذكري بأضرارها وخطورتها  الصحبه

Answer 10

دوري له غرفه خارج البيت ونظفيها
وفاجئيه بيها ورتبيها زين
وادعي كتير ربنا يرفع عنه هذا الأذى

Answer 11

عادي يا اختي جيبي فلتر وحطي دايم البخار البارد اللي تحطين فيه ريحه اكيد انك متزوجته وانتي عارفه انه يشيش وهذا مو جديد عليك

Answer 12

اتخذي موقف صاااارم بخصوص الموضوع وازعلي الان تتغير هالعاده لانه يضرك ويضر اطفالك

Answer 13

المصيبه لو كان عندكم اولاد راح يتأثرون من ابوهم لانه قدوه لهم

Answer 14

أول شي عليك بدعاء ثاني شي حطيها له في المجلس حقه قولي ما اتحمل ريحتها اذا هو يجيه رجال ماظنيت انه بيطول يعسل فيه عشان ريحته الكل بيتضايق منها ويمكن محد يجيه أما يتركها أو يخفف منها وإذا مقدرتي عليه شوفي لك غرفه التهوية فيها كافيه ويجلس فيها اقل شي وقت منه يعسل اما الصالة مكانه غلط

Answer 15

ممكن الي يسويه غلط بس لو يطلع يشيش برا ونفس مايشيش في البيت اتوقع بترجعين تقولين طول وقته في المقهى لكن افضل حل يخلي له غرفه خاصه للشيشه في البيت

Answer 16

دشي بوسط الصاله وسوي روحج تكحين وتختنقين ، و طيحي ع الارض ، وسوي نفسج اغمى عليج ، مو قادره تتنفسين صديقيني بيخاف ويحرم يشيش بالبيت

Answer 17

مرض ترها خليه يكون بغرفة لوحده ويركب مراوح شفط اقل شي حبتين

Answer 18

الله لا يبلانا اكرهه شي المدخن واللي يعسل ريحة مقرفه وتصدع بالراس  بس دامك وافقتي وتزوجتيه تحملي

Answer 19

وفري له مكان للتعسيل مجلس ملحق مع مراوح شفط وأجهزة تنقية الجو في ساكو واكسترا تجدينها ودايما ادعي له في صلاة الوتر ان الله يبعده عنها ، اخرجي انتي وياه للمشى ولو ثلاث ايام في الاسبوع تغيير اجواء

Answer 20

الشيشة اهون من ريحة الدخان يعع
خلي له غرفه خاصه يشيش فيها وافتحي الشبابيك وفيه جهاز عند ساكو يشفط الريحة وفيه مدخل للجهاز تحطين مُعطر .. الله يهديه ويفتح ع قلبه

Answer 21

يشيش عندك ولا يروح الاستراحة وتجلسين تبلشينا مايجلس عندي وفري له جوه في البيت عشان راحتك وراحته والريحه اشتري من ساكو في جهاز يشفط لك ابو الروائح وينقي الجو على مدار 24 ساعه او زينو حديقه وجلسه رايقه بحوشكم وخليه يشيش فيه

Answer 22

والله صادقه ريحته يع
ثنيتين من صحباتي يعسلون ويشيشون ودايما اهاوشهم وانصحهم كاني اكلم الجدار .
شكلهم ينفثون عقلهم مع الدخان

Answer 23

اصبري عليه كم سنه وبيتوكل ..  زي جارتي سرطان بالرئه ومات وارتاحوا والله يحرق من علمهم ياها

Answer 24

عجيب انتم أيها النساء اذا الرجل ذهب للاستراحة تضايقتكم وإذا عسل في البيت تضجرتم نريد حل

Answer 25

اجلسي بمكان ثاني وخاصة اذا كان في اطفال .وقفلي ياب الصالة.ما حيتوقف الا لما تنتكس صحته . وحاولي تقنعيه انك متأذية من الريحة مثلا يحطها على البلكون خارج ويمد اللاي للداخل او يقفل البلكونة ويعملها مكان للمعسل.زني عليه مع الصبر .قضا اهون من قضا.

Answer 26

لابد للزوجة من تحمل زوجها ونصحه قدر الأمكان بدلا من اختلاق المشاكل ، أدمان الزوج على شيء ما طبيعي جدا.

Answer 27

اعتقد لو توفري له مكان مخصص في البيت وترتاحي من ريحه الشيشه ومن ريحه الدخان اذا كان يدخن