Question

زوجي ضايف خطابات

زوجي يتابع خطابات ! زوجي يكلم خطابات ! زوجي يراسل خطابات !

السلام عليكم ورحمة الله وبركاته
انا متزوجة من سنة ونصف وزوجي عنده حساب في تويتر وذاك اليوم ترك جواله وطلع مشوار ابو نص ساعة المهم مسكت جواله وفتشته واشوف في حسابه في تويتر قائمة المُتابعين خطابات وأشوفه يراسل الخطابات في الرسائل الخاصة ويكلمهن وواجهته يقول بس كذا.
واليوم ترك جواله مفتوح وشفته مرسل لوحده يبي يتزوجها مسير وهي كبيرة أكبر منه فوق 40 سنة يقول لها وضعي المادي ماتسمح افتح بيتين ولكني ابي اتزوجك مسيار وإذا وضعي المادي صار زين راح اتزوجك رسمي !!
انا مقهورة منه مع أني سألته هل أنا مقصرة معك بشيء لإن قبل مسكت يراسل بنات يقول لا والله بالعكس ماشفت منك قصور.

Answer 1

يمكن خيره انك قريتي ان ناوي يتزوج تسنعي وكل يوم اشغليه بعمرك خلصي كل طاقته لاتخلينه يقدر يفكر حتى ان بيتزوج او فيه قدره ياخذ ثانيه اول باول كل يوم وسوي الي يحب من طبخ وتنظيف وابتسامه دلع وقهوه المغرب غيري من اسلوبك شيلي التكشير بدلي لبسك تزيني اسمعي مقاطع عن تطوير الذات

Answer 2

فيه رجال ما تكفيهم وحده ، منفتنين بالتنويع
واغلبهم الي توهم متزوجين !
مدري وش يجيهم!
يبحثووون ويجربوون اليين يقتنعون ان الحريم واحد

Answer 3

يمكن الرجال نيته طيبه
يمكن يبي يكسب أجر وحده فاتها قطار الزواج أو يمكن يحث الرجال على التعدد أو يمكن يبي يكافح العنوسة الله يكتب أجره ويقويه

Answer 4

من رحمة الله ان للحين ما تزوجت لان الغيرة عندي توب توب يمكن لو تمر علي مواقف كثير ب ذالحساب عن لقيته يكلم بنات وماشابه يمكن انجلطط وسلامتكم يارب اتعالج من الغيرة بسرعه

Answer 5

انا اقول طنشيه وخليه يتزوج الاربعينيه ويندم وياكل تبن

Comments

يمكن تطلع مهتمه بنفسها وانوثتها (اغلب المطلقات كذا) وتعرف تهتم بالرجال وحاجاته وكيف تريحه وتشعره بالرجولة والفحولة خصوصا المطلقة مستعد تشبع اكثر حاجة للرجل وهي الجنس ثم الجنس ثم الجنس.

Answer 6

لا تعممون مو كل الرجال سيئين هذا كلام مبني على جهل + انتي يالاخت اذا انتي تحبينه هالكثر لاتنشبين له بيركز اكثر على الزواج لان شرعا يحق له 3 غيرك فاهتمي بنفسك وامني مستقبلك احتياطا لكل الاحتمالات

Answer 7

تدرين ما الومه الومك انتي تتلقفين على اغراضه وجواله وخصوصياته اللي ربي ساتره عليه وتروحين تفتشين بعدين يمكن يلعب ولا يتسلى ياكثر الشباب الكذابين اللي عند الخطابات ومو جادين بالزواج !

Answer 8

طيب خليه يتزوج مدام انه قايم ببيته وفيك مافيها شي تحبون المشاكل سبحان الله خليه يستانس
انتم معشر بنات حواء تسعون خلف المشاكل ثم تجلسون تتشكون وذا تزوج عليك حلال وبالشرع مالك حق تمنعينه ماهو مقصر معك خلاص وتستمر الحياه

Answer 9

لاتسوين شي .. حط الزواج براسه وانفرض عليك لأن الرجال اذا يبي يتزوج بيتزوج حال رضيتي ولا مارضيتي خليه يطيح اللي براسه

Answer 10

ياخي خليه يتزوج وش فيها يعني
ساعديه على الخير وخل عنك الكلام الفاضي
تبينه يقولك انتي مقصره ثم تردين عليه وتهاوشين

Answer 11

هالنوعيه مالهم احساس لو وجاهتيه ماينفع معه الله يعينك لك حل واحد اماتقبلي تعيشي معه ويتزوج عليك مسيار ،ومسفار ،وركاض، وعرفي، جميع انواع زواج ويطلق ويتزوج تتحملي قرفه وحرقت العصاب او تطلبي الطلاق انتي ادرى بظروفك

Answer 12

الرجل ثنائي العلاقة أو تعددي العلاقات، طبيعة الرجل تركيبته السلوكية متعدد العلاقات، لدية قابلية أن يقيم علاقة مع أكثر من أنثى. ومن هنا أتت الحكمة أن الرجل يتزوج أكثر من إمرأة.
حقيقة علمية سلوكية ثابته عند العلماء. هذا ليس في البشر فقط حتى بين الحيوانات والطيور والكائنات الحية

Answer 13

ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُم بَعْضَ الَّذِي عَمِلُوا لَعَلَّهُمْ يَرْجِعُونَ (41)سورة الروم.
يا معشر الزوجات البديل عن التعدد هو الخيانة من الازواج الله يعينكم.
تفرون من ألم الغيرة من التعدد، وتقعن في ألم جرح الخيانة.

Answer 14

خليه يعرس حريقه تحرقه انشغلي بنفسك وكوني نفسك وطلعي لك فلوس وأتحداك اذا ما نشب لك واذا سمينه انحفي او العكس يختي بحريقه قسم بالله اللي تلاحق زوجها أنها مهمومه

Answer 15

والله لو تفرشين له قلبك على الارض وتخلينه يمشي عليه خاينك خاينك ولا بيغير طبعه.. هذا طبع الرجال عيون زايغة وقليلين خاتمة وطايحين بهبة الزواج المسيار اللي يشوف اهتمامهم وحرصهم عليه يقول فحووول مايوقفهم احد وهم من اول خيط يتصرعون .. عيشي حياتك وقلعته

Comments

هههههههههههههههههههههههههههههههههههههههههههههههههههههههههههههههه

Answer 16

انا اقولك الحل مع اللي زي زوجك  لازم تطنشينه خليه يتزوج مسيار ولاتبحثين وراه على شان لادريتي صار كانه شي عادي واعترف اهم شي يصرف عليك وماينقص عليك شي ولا تبينين له انك عارفه لانك اذا عرفتي بتسكتين ولا سكتي ييصير شي عادي عنده ولا بيفكر بزعلك ولا شي.

Answer 17

دام حاط فباله الزواج يبي يتزوج وانتي بالمقابل سوي نفسك ماتدرين كذا يسويلك الف حساب  ومايغيي دايم عن البيت اما لو قلتيله انك عارفة كذا يزيدلك يوم هنا ويوم هناك

Answer 18

متى بتخلون منكم قله الأدب والتطفل مومن حق المرأة تفتش جوال الرجال ولا الرجال يفتش جوالها وتفتيش الجوالات هو سبب غالبيه المشاكل وانأ متأكد ان أي امرأة فتحت جوال زوجها انها تمنت تموت قبل ما تفتحه

Answer 19

ما تسوي شئ ان أراد الزواج فله ذلك أنت اتقي الله واطيعيه كما أمرك ربك وكفى

Answer 20

مادام انه يرغب في الزواج وهو قايم بحقوقك خليه يتزوج مسيار ولا  كأنك عارفه عشان يهتم لك واذا عرف انك عارفة ماراح يحط لك اعتبار لذالك تجاهليه وعيشي حياتك وفليها ووسعي صدرك لا تنكدين حياتك بدون داعي  ولا يكون همك الزوج تراقبينه اتركيه وعيشي حياتك

Answer 21

وش وضع الأزواج اللي يضيفوا بعض ويستخبروا ويفتشوا جوالات بعض!!!! صحيح طبع البشر بس ترى الشيطان شاطر حتى لو مافي شي راح ينزرع عند الشك وتهتز ثقتكم ببعضكم وبصراحة البعض يستاهل ماجاه من اللقافة والبربسة اللي فيهم اللهم لا شماتة

Answer 22

وربي البلا فيكم هالحريم لا ويعزز ن لبعض مافيه إلا سويت كانت ناصحه جربي تكشخيله وتهتمي وتبادرين بالعلاقه اياها ولا تخلينه يتنفس وربي ماعاد يفكر في غيرك

Answer 23

لو ماليه عينه كان ماخذه مسيار...
زوجك يبي يخوض التجارب
سوي نفسك مادريتي ولاعمرك تنبشين جواله ماخلاه مفتوح عبث ياذهينه..
عيشي حياتك وبس

Answer 24

والله بدأت اصاب بالإحباط من كمية المشاكل والمخالفات هذه
هل أصبحت مجتمعاتنا بهذا الإنحدار
هل قل فهمنا لديننا الي هذا الحد
أم استحوذ علينا الشيطان فنسينا ربنا
والله أصحبت أخاف أن تعاقب بهذه السرارائر التي تظهر
يارب اغفر لنا ذنوبنا وارحمنا
ربنا ظلمنا أنفسنا فأغفر لنا

Answer 25

يا الله.. أسوء شيء في الحياة ، عدم مواجهة الزوج لزوجته وصراحته ، واجهيه ، ولاتسكتين ، أكبر مشكلة دمرت البيوت عندنا التغافل والغفلة والاستهتار والله يعينك

Answer 26

يمكن الرجال نيته طيبه
يمكن يبي يكسب أجر وحده فاتها قطار الزواج أو يمكن يحث الرجال على التعدد أويمكن يبي يكافح العنوسه الله يكتب أجره ويقويه

Answer 27

مش من حقك تمنعين زوجك انه يراسل خطابات اذا انه نوى الزواج الشرعي فهذا من حقه

Answer 28

جميع المشاكل الي يعاني منها المتزوجين هي في الغالب بسبب الزوجه وتجسسها على زوجها والسبب طبعا فراغ ماعندها شي تسويه غير تتجسس على زوجها