Question

زوجي وتويتر

زوجي يكلم بنات في تويتر ! زوجي يراسل بنات في تويتر و 24 ساعة في تويتر !

السلام عليكم ورحمة الله وبركاته
أنا متزوجة من 3 سنوات وأبي رأيكم في مشكلتي ، مشكلتي أن زوجي طايح بتويتر و يسولف مع بنات ورفضت هالشيء ودخلت على حسابه وسويت حظر للبنات اللي يسولف معهم بعد يومين لقيته فاتح الحظر وحاط كتم و واجهته قال أنا أسولف معهم عام مادخلت خاص.
وأنا مو مرتاحة مرا وش يضمن لي أنه مايدخل خاص ويسولف معهم ويحذف الرسائل خاصة أنهم نفس البنات يتكررون معه !
أبي رأيكم خصوصاً إني لقيته يحط ويزين صورته بالعرض وشايل الصورة القديمة.

Answer 1

الله يصلحك بس
ليش التجسس وهو محرم عليك ..لعل هذا الهم والكدر اللي أنتي فيه شيء من العقوبة
اتركيه وشأنه ولا تتعقبية فاءن كان أعوج فلن تستطيعي تقويمه ولو حرصتي ولربما تسوء الحال بينكما أكثر وأكثر
ولعلها نزوة عابرة ثم ويرجع الى الطريق الصواب
وأنت أصلحي نفسك وادعي ربك ولن يخذلك

Comments

لو جاك ابنك يشتكيك أن زوجته تكلم شباب بتويتر وترد عليهم ونفس الشباب بكل مره بتقوله نفس النصيحة ؟

Answer 2

بعض الزوجات تركب معك مشوار مدته ساعه والا ساعتين ماتنطق حرف ولاصارت مع صاحباتها ماتسكت واذا زوجها لقي احد يسولف معه زعلت راجعي تصرفاتك. معه قبل كل شي.

Comments

و أزيدك من الشعر بيت زين إلي تسكت بعضهم كنها مع سواق ما سكه جوالها وسافهته المسكين

---

هذا يعتبر مرض و تستاهل كل وحده تعامل زوجها كذا يتزوج عليها 2 و 3 كمان و كمان.

---

وفي أزواج صامتين ما يحب يسمع صوتها ولا يعطيها اهتمام ولا كلام حلو
إذا خانته لا يلومها !!!
هي تصبر وتتحمل
لكن هو ما يصبر

Answer 3

ترا من حقك تدخلي حسابه وتفتشي وتنشبي له زي كذا. هذا شريك حياتك مو ولدك الصغير
اللي يسويه غلط لكن سلوكك يخليه يعاند ويمكن يسوي اكبر من كذا كمان
اعطيه الثقة واستودعيه الله وافتحي لك حساب تويتر تونسي وسولفي فيه.. اهم شي لا تنشبي لزوجك

Comments

اجل تترك له الحبل على الغارب بعض الرجال مدمنين على التعارف والبنات ومن الكلام للطلعات ومن الطلعات اللي أمر واعظم اقولها ربيه وأنا أختك واشتري له خيزارنه اجلديه فيها وأقيمي عليه حد الله فى البيت لو انه انتي قال استر عليها ولا افضحها

---

والله لو ايش ماتقدري تمنعي انسان من شي يبغا يسويه
يطلع جوال ثاني ويسوي اللي يبغا ويريح راسه

Answer 4

عادي طيب خليه يسولف ويفلها هو اللي بيطفش من نفسه وشكله محترم وعلى نياته دامه بتويتر بعدين يختي اهم شي لا يقصر معك لا تتعبين عمرك على الفاضي اذا ولدي وهو ولدي أقوله سو كل شي قدامي لان اذا ما عرف العواقب عن قناعه ذاتيه بيسويها من وراي أنا انصح وأوعي واستودعه ومو مانعه شي بيصير صدقيني

Answer 5

يا بنت الحلال لا تراقبينه بتتعبين وش لك ووجع الرأس
والله لو منعتيه وهو مو مقتنع ما راح تستفيدين شيء
خليه وراح يرجع لك بعدين انتي لا تضيقين عليه بالرقابة
عشان ما يعاندك

Answer 6

فيه مثل قديم مرة يقول :
من راقب الناس مات هماً ..
هو ما بيتعدل و لو حرصتي ، لذلك لا تشغلين بالك وحاولي تريحين بالك من المراقبة.
دام مو مقصر عليك بشي ما عليه مصيره يزهق منهم ومثل هالمشاكل الصغيرة تغاضي عنها لغرض أكبر وهو حفظ بيتك وكذا.

Answer 7

يا أختي خليه يسوي اللي يبي يتحاسب على أغلاطه لوحده
كل ما خنقتيه اكثر عطى نفسه سبب للتواصل مع البنات
انسى الموضوع تمام وعيشي حياتك خلي ثقتك بنفسك وفيه كبيره

Answer 8

لا تفتشين ولا هو يفتش
عيشوا الحياة بعيداً عن التخوين

Answer 9

بعض الزوجات تتوقع الزوج موقع معه عقد جمعية خيرية ، هو ما تزوجك إلا يبي يحصن نفسه ، فكوني كذلك ، أما الفاسد داخليا فهو فاسد و قلبه لا ينكر منكرا نسال الله العافية والسلامة

Answer 10

هههههههه فاضيه صراحه ،، خليه يسولف لين يطفش شعليك خليك ساكته واقري سواليفهم واضحكي

Answer 11

بعدين اللي يقولون عشان زوجته ماتسولف معه شدخل !!
واذا ثرثرت بالسيارة قال ثرثارة وطفش هههه احنا بشر وعندنا فضول لكل شي هذا هو السبب  والاهم كل شي مفتوح للأزواج والزوجات والأبناء الآن واسهل شي عشان كذا المراقبة من الطرفين اذى للنفس

Answer 12

اصلاً لا عام ولا خاص له حق الكلام معهم ، حسبي الله ع الزوج اللي يقهر زوجته بتصرفاته المراهقه ياويلك مو عقاب ربي

Answer 13

الرجال مالهم أمان من عمر الدنيا والزمان
طنشي وعيشي حياتك  عشان ترتاحين
ما خلقك الله عشان تصيرين رقيب عليه
كل مسؤول عن نفسه وبيحاسب لحاله

Answer 14

قال الله تعالى:"يا ايها الذين آمنوا لا تسألوا عن أشياء ان تبد لكم تسؤكم"
لا تبحثي وتنبشي من وراه وحسسيه بثقتك بدل الشكوك واذا هو مو مقصر معك تعاملي معاه بما يرضي الله وقومي بواجبك تجاهه واكثر هو من نفسه بيبتعد عنهم ويرجعلك اهم شي اتركيه وفوضي امرك لله.

Answer 15

اصلاً لا عام ولا خاص له حق الكلام معهم ، رسالة للمتزوج اللي يكلم : انت شخص تافه وماتنعطى وجه

Answer 16

إذا مو من نفسه صعب ما في حل أما تكون قناعته والحل من عنده أو ما في حل حتى لو ضغطيه ممكن يشتري جهاز و ما يجيبه البيت ويتكلم من برا...
القناعة والحل عنده فقط

Answer 17

اسأل أن يهديه استغرب من اللي عنده حلاله ويروح يكلم بنات ياخي احتوي زوجتك شريكة حياتك  تخيل هي تسولف مع عيال اقسم بالله ماترضاها

Answer 18

احمدي ربك انه ما سوا حساب ثاني وصل مرحله أني يشوفهم ويطلع معهم وبطريقتك هذي بتخلينه يسوي حساب ولا راح تعرفينه وتخربين حياتك نصيحه لكل بنت تبين مشاكل وحياتك تخرب امشي وفتشي مصيرك الهجر أو الطلاق أو يتزوج ويحرك

Answer 19

خطأ خطأ تصرفك ، سوي لك حساب وتابعي فيه زوجك تشاركي معه بكل ثقه فيه اعطيه الثقه يعني خليه يشعر انك تثقين فيه وانه حر ومن طرق أخرى خفيه تأثرين فيه بالتوجيه والمناصحه من دون ان تقيدينه أو تفرضين عليه

Answer 20

نفس سالفة وحده اعرفها اخر شيء علمت أبوه عليه ولعنت شكله وتاب بعد ذلك .. أوقات لما تكونيين بارده ولا اهتميتي له بيختبص ويركض وراك يعني لا تنشبيين كثير

Answer 21

الثقة اذا بين الزوجين تستمر سفينة الحياة اجل صكيتيهم بلوك
الدرة غيرتها بتخليها تقرع تموت قبل يومها لا اشوف درة في منشني جعل رجلك ياخذ ثلاث عليك لا اشوف دلخ في منشني لدعي الله يكره كل نسوان العالم فيك